فیکٹ چیک: ترکیہ ڈاما کے ’عثمان‘ کے اداکار کا لوگوں کی مدد کرتے ہوئے ویڈیو ایک ڈرامے کا کلپ ہے

نئی دہلی (وشواس نیوز)۔ سوشل میڈیا پر ترکیہ کے ڈرامہ ’عثمان‘ کے ادارکار براک اوز کا ایک ویڈیو وائرل ہو رہا ہے جس میں انہیں کچھ سیڑھیوں سے اترتے ہوئے دیکھا جا سکتا ہے اور ان کے پورے چہرہ پر دھول اور سیاہ نظر آرہا ہے۔ ویڈیو میں دیکھا جا سکتا ہے کہ جیسی ہی وہ سیڑھیوں سے نیچے اترتے ہیں کچھ رپورٹر انہیں گھیر لیتے ہیں۔ سوشل میڈیا پر موجود صارفین اس ویڈیو کو شیئر کرتے ہوئے دعوی کر رہے ہیں کہ اداکار براک اوز کا یہ ویڈیو ترکیہ میں آئے زلزلہ میں لوگوں کے مدد کا ہے۔ وشواس نیوز نے اپنی پڑتال میں پایا کہ یہ ویڈیو اداکار براک اوز کے ایک ڈرامہ سیریز کی کلپ کا ہے۔

کیا ہے وائرل پوسٹ میں؟

فیس بک صارف نے وائرل پوسٹ کو شیئر کرتے ہوئے لکھا، ’*ترکی کے مشہور اداکار براک اوز جیفت(عثمان) زلزلے کے بعد اپنے لوگوں کی مدد کر رہے ہیں___**اور ایک ہمارے ایکٹر اور ٹی وی شو کرانے والے حضرات ہیں جو ملک کو مشکل میں دیکھ کر دوسرے ممالک چکر لگانے چلے جاتے ہیں‘۔

پوسٹ کے آرکائیو وژرن کو یہاں دیکھیں۔

پڑتال

اپنی پڑتال کو شروع کرتے ہوئے سب سے پہلے ہم نے ویڈیو کو ان ویڈ ٹول میں اپلوڈ کیا اور متعدد کی فریمس نکالے اور انہیں گوگل لینس کے ذریعہ سرچ کیا۔ سرچ میں ہمیں یہ ویڈیو ’اینڈلیس لیو‘ نام کے ویری فائڈ یوٹیوب چینل پر اپلوڈ ہوا ملا۔ یہاں ویڈیو کے ساتھ دی گئی معلومات کے مطابق، ’کان حادثہ کا منطر، ترکیہ ڈرامہ اینڈلیس لیو‘۔

مزید سرچ میں ہمیں یہ ویڈیو ایک دیگر ویری فائڈ یوٹیوب چینل پر اپلوڈ ہوا ملا یہاں بھی دی گئی معلومات کے مطابق یہ اینڈلیس لیو ڈرامہ سیریز کا منظر ہے۔

آئی ایم ڈی بی پر دی گئی معلومات کے مطابق اینڈلیس لیو ترکیہ کا ایک ڈرامہ جسے 2015 سے 2017 تک نشر کیا گیا تھا اور اس میں اہم کردار بوراک اوزچیویت نے ادا کیا تھا۔

ترکیہ کے اے ایف پی کے فوٹو صحافی اوذان کوسے نے ہم نے بات کرتے ہوئے بتایا کہ ترکیہ میں زلزلہ میں لاکھوں لوگ متاثر ہوئے ہیں۔ اور اس کے بعد کئی زلزلے بھی آچکے ہیں۔

گمراہ کن پوسٹ کو شیئر کرنے والے فیس بک صارف کی سوشل اسکیننگ میں ہم نے پایا کہ صارف کا تعلق پاکستان سے ہے۔