فیکٹ چیک: ترکیہ الیکشن کے ابھی نہیں آئے نتائج، طیب اردوغان کے فتح کا دعوی گمراہ کن ہے
وشواس نیوز نے اپنی پڑتال میں پایا کہ ترکیہ میں صدراتی الیکشن کے ابھی نتائج نہیں آئے ہیں۔ پہلے مرحلہ کے نتائج 14 مئی کو آئے ہیں جس میں اردوغان نے 49.5 ووٹ حاصل کئے ہیں، جبکہ دوسرے مرحلہ کے نتائج 28 مئی کو آنے ہیں۔ 28 مئی کے نتائج کے بعد ہی فتح کا پتہ چلےگا۔
- By: Umam Noor
- Published: May 19, 2023 at 05:22 PM
نئی دہلی (وشواس نیوز)۔ ترکیہ میں ہوئے صدراتی الیکشن کی ووٹنگ کے بعد سے سوشل میڈیا پر موجود متعدد صارفین یہ دعوی کر رہے ہیں کہ ترکیہ کے اس الیکنش میں طیب اردوغان نے فتح حاصل کر لی ہے اور وہ ایک مرتبہ پھر سے ترکیہ کے صدر منتخب ہو گئے ہیں۔ وشواس نیوز نے اپنی پڑتال میں پایا کہ وائرل کیا جا رہا دعوی گمراہ کن ہے۔ ترکیہ میں صدراتی الیکشن کے ابھی نتائج نہیں آئے ہیں۔ پہلے مرحلہ کے نتائج 14 مئی کو آئے ہیں جس میں اردوغان نے 49.5 ووٹ حاصل کئے ہیں، جبکہ دوسرے مرحلہ کے نتائج 28 مئی کو آنے ہیں۔ 28 مئی کے نتائج کے بعد ہی فتح کا پتہ چلےگا۔
کیا ہے وائرل پوسٹ میں؟
فیس بک صارف نے وائرل پوسٹ کو شیئر کرتےہوئے لکھا، ’’ رجب طیب اردوغان ایک بار پھر ترکی کے صدر منتخب ہو گئے‘‘۔
پوسٹ کے آرکائیو ورژن کو یہاں دیکھیں۔
پڑتال
اپنی پڑتال کو شروع کرتے ہوئے سب سے پہلے ہم نے اوپن سرچ کیا، ترکی کی نیوز ویب سائٹ ڈیلی صباح پر شائع خبر کے مطابق، ’’ترکی کے صدر رجب طیب اردوغان اپوزیش کے صدارتی امیدوار کا رن آف یا دوسرے مرحلے میں مقابلہ کریں گے۔ یہ اعلان پیر کے روز ترکی کی سپریم الیکشن کونسل نے کیا۔ اتوار کو ہونے والے پہلے مرحلے میں اردوغان 49.51 فیصد ووٹ لے کر سب سے آگے رہے۔ اگرچہ انھیں اپنے بڑے حریف کمال قلیچداراوغلو پر واضح برتری حاصل ہے، جنھوں نے 44.88 فیصد ووٹ حاصل کیے، مگر فتح کے لیے ڈالے گئے ووٹوں کا 50 فیصد سے زیادہ حاصل کرنا لازمی تھا‘‘۔
الجزیرہ کی ویب اسئٹ پر شائع ہوئی خبر میں دی گئی معلومات کے مطابق اردگان نے اتوار کو ہونے والے صدارتی ووٹوں کا 49.5 فیصد حاصل کیا، ان کے اہم حریف کلیک دار اوغلو کو 44.89 فیصد ووٹ ملے۔
وائرل پوسٹ سے متعلق تصدیق کے لئے ہم نے پاکستان کے صحافی یاسین اکگل سے رابطہ کیا اور انہوں نے ہمیں معلومات دیتے ہوئے بتایا کہ، ’’ابھی ایک مرحلہ کے نتائج آئے ہیں جبکہ دوسرے اور مرحلہ کے نتائج 28 کو آئیں گے اور تبھی صدر کا انتخاب ہوگا۔
گمراہ کن پوسٹ کو شیئر کرنے والے فیس بک صارف کی سوشل اسکیننگ میں ہم نے پایا کہ صارف کا تعلق چیچہ وطنی سے ہے۔
نتیجہ: وشواس نیوز نے اپنی پڑتال میں پایا کہ ترکیہ میں صدراتی الیکشن کے ابھی نتائج نہیں آئے ہیں۔ پہلے مرحلہ کے نتائج 14 مئی کو آئے ہیں جس میں اردوغان نے 49.5 ووٹ حاصل کئے ہیں، جبکہ دوسرے مرحلہ کے نتائج 28 مئی کو آنے ہیں۔ 28 مئی کے نتائج کے بعد ہی فتح کا پتہ چلےگا۔
- Claim Review : طیب اردوغان تیسری بار ترکی کے صدر منتخب
- Claimed By : FB user: Arif Maliknews
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
