فیکٹ چیک: بھینس کو گولی مارنے کا پاکستان کا پرانا ویڈیو ہندوستان کے دعوی کے ساتھ وائرل
وشواس نیوز نے اس کی چھان بین کی اور پتہ چلا کہ یہ کراچی، پاکستان کا 2021 کی ویڈیو ہے۔ کراچی میں قربانی کی بھینس کو گولی مار دی گئی تھی۔ اس واقعے کے بعد آٹھ افراد کو گرفتار بھی کیا گیا تھا۔ اس ویڈیو کا بھارت سے کوئی تعلق نہیں۔
- By: Ashish Maharishi
- Published: Jul 13, 2022 at 05:37 PM
- Updated: Jul 13, 2022 at 06:06 PM
نئی دہلی (وشواس نیوز)۔ سوشل میڈیا کے مختلف پلیٹ فارمز پر ایک ویڈیو تیزی سے وائرل ہو رہا ہے۔ اس میں لوگوں کو بھینس کو گولی مارتے دیکھا جا سکتا ہے۔ ویڈیو میں نظر آنے والے افراد کے ساتھ مختلف قسم کے ہتھیار دیکھے جا سکتے ہیں۔ سوشل میڈیا صارفین اسے بھارت کا ویڈیو سمجھ کر وائرل کر رہے ہیں۔ وشواس نیوز نے اس کی چھان بین کی اور پتہ چلا کہ یہ کراچی، پاکستان کا 2021 کی ویڈیو ہے۔ کراچی میں قربانی کی بھینس کو گولی مار دی گئی تھی۔ اس واقعے کے بعد آٹھ افراد کو گرفتار بھی کیا گیا تھا۔ اس ویڈیو کا بھارت سے کوئی تعلق نہیں۔
کیا ہے وائرل پوسٹ میں؟
فیس بک صارف نیرج کمار نے 11 جولائی کو ایک ویڈیو پوسٹ کرتے ہوئے لکھا: ‘یہ ہندوستان ہے کیا…. اتنے خطرناک ہتھیار کہاں سے آئے جو شاید فوج کے پاس ہیں…..ایک جانور کے لیے اتنے ہتھیار نکل آئے ہیں اور ہتھیاروں کی کیٹیگری پر بھی توجہ دیں۔ اپ کہاں ہیں ؟ آپ کی آنے والی نسلوں کا مستقبل کیا ہے؟ آپ کی سوچ صرف پٹرول، گیس، پیاز، ٹماٹر کی بڑھتی ہوئی قیمتوں پر حکومتوں کو کوسنے تک محدود ہے‘۔
پوسٹ کے آرکائیو ورژن کو یہاں دیکھیں۔
پڑتال
وشواس نیوز نے سچ جاننے کے لیے سب سے پہلے وائرل ویڈیو کے کئی کی فریم نکالے۔ پھر انہیں گوگل ریورس امیج ٹول کے ذریعے سرچ کرنا شروع کیا۔ ہمیں وائرل ویڈیو پاکستان کے جیو ٹی وی کی ویب سائٹ پر ملی۔ یہ ویڈیو 21 جولائی 2021 کو شائع ہونے والی ایک خبر میں استعمال کی گئی تھی۔ اس خبر میں بتایا گیا کہ قربانی سے پہلے ایک بھینس بھاگ گئی تھی۔ جس کے بعد اسے گولی مار دی گئی۔ یہ واقعہ کراچی کے علاقے اسکیم 33 میں پیش آیا۔ متعلقہ خبریں یہاں پڑھیں۔
نیوز سرچ کے دوران یوٹیوب پر ایک دیگر خبر بھی ملی۔ اسے 22 جولائی 2021 کو اپ لوڈ کیا گیا تھا۔ بتایا گیا کہ کراچی میں بھینس پر فائرنگ کرنے والے آٹھ افراد کو گرفتار کر لیا گیا۔ متعلقہ خبریں یہاں دیکھیں۔
تحقیقات کو مزید آگے بڑھاتے ہوئے، وشواس نیوز نے پاکستان میں مقیم 92 نیوز کے صحافی عارف محمود سے رابطہ کیا۔ انہوں نے بتایا کہ وائرل ہونے والی ویڈیو کراچی کی ہے۔
تحقیقات کے اختتام پر جعلی پوسٹ کرنے والے صارف سے تفتیش کی گئی۔ فیس بک صارف نیرج کمار سہارنپور کا رہنے والا ہے۔ اس اکاؤنٹ سے چار ہزار سے زیادہ لوگ جڑے ہوئے ہیں۔
نتیجہ: وشواس نیوز نے اس کی چھان بین کی اور پتہ چلا کہ یہ کراچی، پاکستان کا 2021 کی ویڈیو ہے۔ کراچی میں قربانی کی بھینس کو گولی مار دی گئی تھی۔ اس واقعے کے بعد آٹھ افراد کو گرفتار بھی کیا گیا تھا۔ اس ویڈیو کا بھارت سے کوئی تعلق نہیں۔
- Claim Review : یہ ہندوستان ہے کیا…. اتنے خطرناک ہتھیار کہاں سے آئے جو شاید فوج کے پاس ہیں…..ایک جانور کے لیے اتنے ہتھیار نکل آئے ہیں اور ہتھیاروں کی کیٹیگری پر بھی توجہ دیں۔ اپ کہاں ہیں ؟ آپ کی آنے والی نسلوں کا مستقبل کیا ہے؟ آپ کی سوچ صرف پٹرول، گیس، پیاز، ٹماٹر کی بڑھتی ہوئی قیمتوں پر حکومتوں کو کوسنے تک محدود ہے
- Claimed By : نیرج کمار
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
