فیکٹ چیک: سعودی فٹ بالر یاسر الشہرانی کا نہیں ہوا فیفا ورلڈ کپ میں زخمی ہونے کے بعد انتقال، پوسٹ فرضی ہے
وشواس نیوز نے اپنی پڑتال میں پایا کہ یہ خبر فرضی ہے، یاسر الشہرانی ابھی بھی زیر علاج ہیں۔
- By: Umam Noor
- Published: Nov 24, 2022 at 05:34 PM
نئی دہلی (وشواس نیوز)۔ قطر میں چل رہے فیفا ورلڈ کپ کے دوران ہوئے میچ میں سعودی عرب کے فٹبال کھلاڑی یاسر الشہرانی کو زبردست چوٹ آئی ہے اسی بیچ کچھ سوش میڈیا صارفین یہ دعوی کر رہے ہیں کہ زیادہ خون بہنے کی وجہ سے یاسر الشهرانی کی موت ہو گئی ہے۔ جبکہ وشواس نیوز نے اپنی پڑتال میں پایا کہ یہ خبر فرضی ہے، یاسر الشہرانی ابھی بھی زیر علاج ہیں۔
کیا ہے وائرل پوسٹ میں؟
فیس بک صارف نے وائرل پوسٹ کو شیئر کرتے ہوئے لکھا، ’ہم اللہ کے ہیں اور اسی کی طرف لوٹ کر جانا ہے۔ سعودی کھلاڑی یاسر الشہرانی میچ میں اندرونی خون بہنے کے باعث زخمی ہونے کے بعد انتقال کر گئے ہیں‘۔
پوسٹ کے آرکائیو ورژن کو یہاں دیکھیں۔
پڑتال
گلف ٹوڈے کی ویب سائٹ پر 22نومبر کو شائع ہوئی خبر کے مطابق، ’فٹبال ورلڈ کپ میں ارجنٹائن اور سعودی عرب کے مابین ہونے والے میچ میں سعودی عرب کے فٹبالر یاسر الشہرانی شدید زخمی ہوگئے۔ میچ کے اضافی وقت کے دوران یاسر سعودی عرب کے گول کیپر کے ساتھ ٹکرا گئے جس کے بعد یاسر کئی منٹ تک زمین پر گرے رہے۔
رائٹرس کی 23 نومبر کی خبر کے مطابق، ’سعودی عرب کے ’ڈفینڈر‘ یاسر الشہرانی کا ورلڈ کپ ممکنہ طور پر ختم ہو گیا ہے کیونکہ منگل کو ارجنٹائن کے خلاف گروپ سی میں 2-1 سے فتح کے دوران ان کی انجری کے بعد ان کی سرجری ہوئی ہے۔ سعودی فیڈریشن نے سوشل میڈیا پر کہا کہ “یاسر الشہرانی کی ریاض کے نیشنل گارڈ ہسپتال میں پنیکرائٹک گلینڈ کی کامیاب سرجری ہوئی‘۔
سعودی عرب کے قومی فٹ بال ٹیم کے ویری فائڈ ٹویٹر ہینڈل پر 23 نومبر کا ایک ٹویٹ بھی ملا۔ ٹویٹ میں لکھا ہے، ’’”یاسر الشہرانی” کی کامیاب سرجری ہوئی – شکر ہے‘۔
اکسپریس ڈاٹ کو ڈاٹ یو کے کی آج یعنی 24 نومبر کی خبر کے مطابق، ’منگل کے میچ کے دوران الشہرانی سعودی گول کیپر محمد ال اویس سے ٹکرائے جس کے نتیجے میں ان کا جبڑا اور بائیں طرف چہرے کی ہڈیاں ٹوٹ گئیں، حالاںکہ ان کی کامبیان سرجری ہوئی ہے۔
سعودی گیزیٹ کی ویب سائٹ پر بھی ہمیں اسی معاملہ سے متعلق خبر ملی، لیکن یہاں بھی یاسر کے اسپتال میں زیر علاج ہونے سے جڑی ہی معلومات دی گئی ہے۔ خبر یہاں پڑھی جا سکتی ہے۔
یاسر الشہرانی کی صحت سے متعلق تصدیق کے لئے ہم نے سعودی عرب کے صحافی حادی الشریف سے رابطہ کیا اور وائرل انہوں نے ہمیں بتایا کہ یاسر کا ریاض کے اسپتال میں علاج چل رہا ہے۔ انہوں نے ہمیں ساتھ یاسر کا ایک ویڈیو بھی شیئر کیا جسے 23 نومبر کو سعودی عرب کی قومی فٹ بال ٹیمس کی ویری فائڈ ہینڈل پر ٹویٹ کیا گیا تھا۔
جريدة الوطن السعودية کے صحافی سُعود حافظ نے بھی وشواس نیوز سے بات کرتے ہوئے تصدیق دی کہ وائرل خبر مکمل طور پر افواہ ہے، یاسر الشہرانی کا انتقال نہیں ہوا ہے۔
اس وائرل افواہ کو شیئر کرنے والے فیس بک صارف کی سوشل اسکیننگ میں ہم نے پایا کہ صارف کا تعلق کالیفرنیا کے لاس اینجلس سے ہے۔
نتیجہ: وشواس نیوز نے اپنی پڑتال میں پایا کہ یہ خبر فرضی ہے، یاسر الشہرانی ابھی بھی زیر علاج ہیں۔
- Claim Review : یاسر الشہرانی کا انتقال ہو گیا
- Claimed By : لزوي لزوي
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
