فیکٹ چیک: اکھیلیش یادو کی اعظم گڑھ ریلی کا نہیں، برازیل کا ہے وائرل ویڈیو
وشواس نیوز نے اپنی پڑتال میں پایا کہ اعظم گڑھ ریلی کے نام پر وائرل ہونے والی ویڈیو کا بھارتی انتخابات سے کوئی تعلق نہیں ہے۔ برازیل کے ویڈیو کو کچھ لوگ انتخابات کے درمیان اعظم گڑھ کا بتا کر جھوٹ پھیلا رہے ہیں۔
- By: Ashish Maharishi
- Published: May 30, 2024 at 05:02 PM
نئی دہلی (وشواس نیوز)۔ سماج وادی پارٹی کے صدر اکھلیش یادو کی ریلی کے نام سے ایک ویڈیو وائرل ہو رہا ہے۔ اس میں ہزاروں لوگ دیکھے جا سکتے ہیں۔ دعویٰ کیا جا رہا ہے کہ وائرل ویڈیو اعظم گڑھ میں اکھلیش یادو کی ریلی کا ہے۔
وشواس نیوز نے اس ویڈیو کی جانچ کی۔ اعظم گڑھ ریلی کے نام پر وائرل ہونے والی ویڈیو کا بھارتی انتخابات سے کوئی تعلق نہیں ہے۔ برازیل کے ویڈیو کو کچھ لوگ انتخابات کے درمیان اعظم گڑھ کا بتا کر جھوٹ پھیلا رہے ہیں۔
کیا ہے وائرل پوسٹ میں؟
فیس بک صارف صمد خان نے 22 مئی کو ایک ویڈیو پوسٹ کی۔ اس ویڈیو کو اعظم گڑھ کی ریلی سے منسوب کیا گیا اور دعویٰ کیا گیا، ’’محترم قومی صدر اکھلیش یادو بھیا، اعظم گڑھ کے لوگوں کی محبت اور اعتماد انڈیا اتحاد کو جیت رہا ہے۔‘‘۔
پوسٹ کے آرکائیو ورژن کو یہاں دیکھیں۔
پڑتال
ایس پی سربراہ اکھلیش یادو کی ریلی کے نام پر وائرل ویڈیو کی حقیقت جاننے کے لیے سب سے پہلے کئی کی فریم نکالے۔ پھر انہیں گوگل لینس سے سرچ کیا۔ ہمیں اصل ویڈیو ایک انسٹاگرام ہینڈل پر شیئر ہوئی ملی۔ 19 اپریل 2024 کو اپ لوڈ کی گئی اس ویڈیو کو پرتگالی زبان میں برازیل کے باہیا کا بتایا گی ہے۔
اصل ویڈیو ہمیں ایک ویری فائڈ انٹساگرام ہینل پر بھی اپلوڈ ہوئی ملی۔
تحقیقات کو آگے بڑھاتے ہوئے وشواس نیوز نے ایس پی کے ترجمان منوج رائے دھوپچندی سے رابطہ کیا۔ ان کے ساتھ وائرل ویڈیو شیئر کی۔ انہوں نے یہ بھی تصدیق کی کہ وائرل ویڈیو اعظم گڑھ ریلی کا نہیں ہے۔
تحقیقات کے اختتام پر فیس بک صارف صمد خان کے اکاؤنٹ کی سوشل اسکیننگ میں ہم نے پایا کہ صارف مظفر نگر، یوپی کا رہنے والا ہے۔ فیس بک پر ایک سیاسی جماعت سے وابستہ اس صارف کو چھ ہزار سے زائد لوگ فالو کرتے ہیں۔
نتیجہ: وشواس نیوز نے اپنی پڑتال میں پایا کہ اعظم گڑھ ریلی کے نام پر وائرل ہونے والی ویڈیو کا بھارتی انتخابات سے کوئی تعلق نہیں ہے۔ برازیل کے ویڈیو کو کچھ لوگ انتخابات کے درمیان اعظم گڑھ کا بتا کر جھوٹ پھیلا رہے ہیں۔
- Claim Review : وائرل ویڈیو اعظم گڑھ میں اکھلیش یادو کی ریلی کا ہے۔
- Claimed By : FB User Samad Khan Ind
- Fact Check : جھوٹ
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
