فیکٹ چیک: بحریہ جہاز کی یہ تصویر اصل نہیں، اے آئی فوٹو گمراہ کن دعوی سے وائرل
وشواس نیوز نے اپنی پڑتال میں پایا کہ وائرل تصویر اصل نہیں ہے۔ یہ اے آئی یعنی مصنوعی زہانت کے ذریعہ تیار کی گئی فوٹو ہے،جسے لوگ اصل سمجھتے ہوئے گمراہ کن دعوی کے ساتھ پھیلا رہے ہیں۔
- By: Umam Noor
- Published: Mar 18, 2024 at 08:08 PM
- Updated: Mar 18, 2024 at 08:35 PM
نئی دہلی (وشواس نیوز)۔ سوشل میڈیا پر ایک بحریہ جہاز کی تصویر وائرل ہو رہی ہے۔ پوسٹ کو شیئر کرتے ہوئے صارفین دعوی کر رہے ہیں کہ یہ بھارت میں چلنے والے لکژری بحریہ جہاز کی فوٹو ہے۔ وشواس نیوز نے اپنی پڑتال میں پایا کہ وائرل تصویر اصل نہیں ہے۔ یہ اے آئی یعنی مصنوعی زہانت کے ذریعہ تیار کی گئی فوٹو ہے،جسے لوگ اصل سمجھتے ہوئے گمراہ کن دعوی کے ساتھ پھیلا رہے ہیں۔
کیا ہے وائرل پوسٹ میں؟
فیس بک صارف نے وائرل پوسٹ کو شیئر کرتے ہوئے لکھا، ’’سب سے پرتعیش سمندری بحری جہاز‘‘۔
پوسٹ کے آرکائیو ورژن کو یہاں دیکھیں۔
پڑتال
اپنی پڑتال کو شروع کرتے ہوئے سب سے پہلے ہم نے گوگل لینس کے ذریعہ وائرل تصویر کو سرچ کیا۔ سرچ میں ہمیں یہ فوٹو ’بلینئر ہاربر‘ نام کے ایک انسٹاگرام ہینڈل پر ملی۔ یہاں تصویر کو 14 دسمبر2023 کو اپلوڈ کیا گیا ہے۔ تصویرکے ساتھ دئے گئے کیپشن میں لکھا ہے، ’’کون سا تاریخی مرکب آپ کو لکژری کے طور پر پسند ہے؟ قدیم ہندوستان، مصر، روم، یونان اور چین سے متاثر ہمارے مستقبل کے میگا یاٹ کے تصورات کے ساتھ وقت کے ساتھ سفر کریں‘‘۔
ہمیں اسی انسٹاگرام پوسٹ پر ایک کمینٹ ملا جس میں صارف نے کمینٹ کرتے ہوئے اس تصویر کو بنانے والے اے آئی ٹول سے متعلق پوچھا ہے۔ اس پر بلیئنر ہاربر کی جانب سے دئے گئے جواب کے مطابق، اس طریقہ کی تصویر کسی بھی عام اے آئی ٹول سے آسانی سے بنائی جا سکتی ہیں۔
اسی بنیاد پر ہم نے اپنی پڑتال کو آگے بڑھایا اور مصنوعی ذہانت کے ذریعہ تیار کی گئی تصاویر کی شناخت کرنے والے ٹول ہائیو ماڈریشن پر اس فوٹو کو اپلوڈ کیا۔ یہاں ملے نتائج کے مطابق یہ 99.9 فیصد اے آئی سے تیار کردہ ہے۔
وائرل تصویر سے متعلق تصدیق کے لئے ہم نے آئے آئی آرٹسٹ بھارگو ولیرا سے رابطہ کیا اور وائرل پوسٹ ان کے ساتھ شیئر کی۔ انہوں نے ہمیں بتایا کہ یہ تصویر اے آئی کے ایک ہی ذریعہ بنائی گئی ہے۔
فرضی پوسٹ کی سوشل اسکیننگ میں ہم نے پایا کہ صارف کا تعلق الجزائر سے ہے ۔
نتیجہ: وشواس نیوز نے اپنی پڑتال میں پایا کہ وائرل تصویر اصل نہیں ہے۔ یہ اے آئی یعنی مصنوعی زہانت کے ذریعہ تیار کی گئی فوٹو ہے،جسے لوگ اصل سمجھتے ہوئے گمراہ کن دعوی کے ساتھ پھیلا رہے ہیں۔
- Claim Review : یہ بھارت میں چلنے والے لکژری بحریہ جہاز کی فوٹو ہے۔
- Claimed By : أكرم وليد
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
