فیکٹ چیک: کیلیفورنیا میں سویمنگ کی ٹریننگ کو بھارتیہ بحریہ کی ٹریننگ کا بتا کر کیا جا رہا وائرل
- By: Umam Noor
- Published: Jan 11, 2024 at 06:05 PM
نئی دہلی (وشواس نیوز)۔ ملک میں شدید سردی کے درمیان سوشل میڈیا پر ایک ویڈیو وائرل ہو رہی ہے جس میں کچھ لوگوں کو ہاتھ باندھ کر پانی کے اندر ٹریننگ کرتے دیکھا جا سکتا ہے۔ ویڈیو شیئر کرتے ہوئے صارفین دعویٰ کر رہے ہیں کہ یہ ویڈیو انڈین نیوی کی ٹریننگ کا ہے۔
وشواس نیوز نے اپنی پڑتال میں پایا کہ وائرل ہونے والا ویڈیو کیلیفورنیا میں تیراکی کے تربیتی مرکز میں چلائی جارہی ٹریننگ کا ہے۔ اس ویڈیو کا انڈین نیوی سے کوئی تعلق نہیں۔ ویڈیو کے ساتھ وائرل ہونے کا دعویٰ گمراہ کن ہے۔
وائرل پوسٹ میں کیا ہے؟
انسٹاگرام اکاؤنٹ نے 23 دسمبر 2023 کو وائرل ویڈیو شیئر کی اور لکھا، ہندوستانی بحریہ کی ٹریننگ۔
پوسٹ کے آرکائیو ورژن یہاں دیکھیں۔
پڑتال
اپنی تحقیقات شروع کرتے ہوئے سب سے پہلے ہم نے گوگل لینس کے ذریعے وائرل ویڈیو کے کی فریموں کو تلاش کیا۔ تلاش کے دوران، ہمیں ڈیپ اینڈ فٹنس نام کے انسٹاگرام ہینڈل پر پوسٹ کی گئی اس ویڈیو کا تھمب نیل ملا۔
یہاں وائرل ویڈیو 29 مئی 2023 کو اپ لوڈ کی گئی ہے۔
اس انسٹاگرام ہینڈل پر ہمیں وائرل ویڈیو سے ملتی جلتی اور بھی بہت سی ویڈیوز ملی ہیں، جن میں وائرل ویڈیو سے ملتی جلتی ٹرینگ دیکھی جا سکتی ہے۔
اپنی تحقیقات کو مزید آگے بڑھاتے ہوئے ہم ڈیپ اینڈ فٹنس کی ویب سائٹ پر پہنچے اور وہاں دی گئی معلومات کے مطابق یہ ایک ٹریننگ انسٹی ٹیوٹ ہے، جہاں لوگوں کو گہرے پانی کی تربیت دی جاتی ہے۔ اور فوجی امیدواروں کو کیلیفورنیا میں تربیتی کلاسیں بھی دی جاتی ہیں۔
ہم نے وائرل پوسٹ کے حوالے سے تصدیق کے لیے ای میل کے ذریعے ڈیپ اینڈ فٹنس سے رابطہ کیا اور وائرل ویڈیو ان کے ساتھ شیئر کی۔ ڈیپ اینڈ فٹنس کے شریک بانی اور لیڈ انسٹرکٹر ڈان ٹران نے میل کا جواب دیتے ہوئے کہا کہ یہ ویڈیو ڈیپ اینڈ فٹنس میں کی گئی ٹریننگ کی ویڈیو ہے اور اس ویڈیو سے متعلق تمام حقوق ہمارے پاس ہیں۔
گمراہ کن پوسٹ شیئر کرنے والے انسٹاگرام ہینڈل کی سوشل اسکیننگ کے دوران ہمیں معلوم ہوا کہ نیوی لورز نامی اس پیج کو ایک لاکھ سے زیادہ لوگ فالو کرتے ہیں۔
- Claim Review : یہ ویڈیو انڈین نیوی کی ٹریننگ کا ہے۔
- Claimed By : Instagram: Indian navy
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
