فیکٹ چیک: کینسر میں مبتلا حنا خان کا یہ جذباتی ویڈیو رمضان کے دوران کا ہے
نتیجہ: وشواس نیوز نے اپنی جانچ میں پایا کہ وائرل ہونے والا دعویٰ فرضی ہے۔ یہ رمضان کے دوران مذاق میں بنائی گئی ویڈیو ہے جس میں حنا خان روزے کی حالت میں اپنے فون پر کھانے کی ویڈیو دیکھ رہی تھیں۔ اسی ویڈیو کا ایک مختصر کلپ نکال کر جعلی دعوے کے ساتھ پھیلایا جا رہا ہے۔
- By: Umam Noor
- Published: Jul 10, 2024 at 05:31 PM
- Updated: Jul 10, 2024 at 07:19 PM
نئی دہلی (وشواس نیوز)۔ ٹیلی ویژن اداکارہ حنا خان نے حال ہی میں اپنے سوشل میڈیا اکاؤنٹ کے ذریعے چھاتی کے کینسر میں مبتلا ہونے کی خبر شیئر کی۔ اس کے بعد سے ان کا ایک ویڈیو وائرل ہو رہا ہے، جس میں وہ حجاب میں دیکھی جا سکتی ہیں۔ ویڈیو کے شارٹس میں وہ مسکراتی ہوئی اور جذباتی ہوتی نظر آ رہی ہیں۔ صارفین اس ویڈیو کو حنا خان کی بیماری سے جوڑتے ہوئے شیئر کر رہے ہیں اور دعویٰ کر رہے ہیں کہ یہ ویڈیو ان کے بریسٹ کینسر سے متعلق ہے۔
وشواس نیوز نے اپنی جانچ میں پایا کہ وائرل ہونے والا دعویٰ فرضی ہے۔ یہ رمضان کے دوران مذاق میں بنائی گئی ویڈیو ہے جس میں وہ روزے کی حالت میں اپنے فون پر کھانے کی ویڈیو دیکھ رہی تھیں۔ اسی ویڈیو کا ایک مختصر کلپ نکال کر جعلی دعوے کے ساتھ پھیلایا جا رہا ہے۔
کیا ہے وائرل پوسٹ میں؟
ایک انسٹاگرام صارف نے ریل پوسٹ کی ہے جس پر لکھا ہے کہ ’حنا خان کی موت کی خبر سن کر جذباتی ہوگئیں۔ کیپشن میں لکھا ہے، ’’حنا خان کو بریسٹ کینسر کی تشخیص ہوئی ہے۔ پلیز ہماری لڑکی کے لیے دعا کریں۔‘‘۔
پوسٹ کے آرکائیو ورژن کو یہاں دیکھیں۔
پڑتال
اداکارہ حنا خان نے 28 جون کو اپنے سوشل میڈیا پر ایک پوسٹ شیئر کی اور اپنے بریسٹ کینسر کے بارے میں بتایا۔ اس پوسٹ میں حنا خان نے لکھا کہ انہیں اسٹیج 3 بریسٹ کینسر ہے جس کا وہ پوری ہمت اور حوصلے سے مقابلہ کریں گی۔
وائرل ویڈیو سے متعلق تحقیقات کا آغاز کرتے ہوئے، سب سے پہلے ہم نے گوگل لینز کے ذریعے ویڈیو کے کی فریمز کو تلاش کیا۔ تاہم، ہمیں کوئی نتیجہ نہیں ملا۔
تحقیقات کو مزید آگے بڑھاتے ہوئے، ہم نے حنا خان کے انسٹاگرام ہینڈل کو اسکین کیا اور یہ ویڈیو 12 مارچ 2024 کو اپ لوڈ کی ہوئی ملی۔ یہاں ویڈیو میں لکھا ہے، ‘جب انسٹاگرام آپ کے پہلے روزے کو اور بھی مشکل بنا دے’۔
ویڈیو میں حنا خان کو انسٹاگرام پر فوڈ ریل کو سکرول کرتے دیکھا جا سکتا ہے۔ ساتھ ہی اس ویڈیو کے کیپشن میں لکھا ہے، ‘کیا آپ کے ساتھ کبھی ایسا ہوا ہے؟’۔
اب تک کی تحقیقات سے یہ واضح ہوا کہ یہ ویڈیو پرانی ہے اور روزے کے دوران کی ہے۔ وائرل ویڈیو سے متعلق تصدیق کے لیے، ہم نے انٹرٹینمینٹ کے صحافی پراگ چھاپیکر سے رابطہ کیا اور ان کے ساتھ وائرل پوسٹ شیئر کی۔ ہمیں تصدیق کرتے ہوئے، انہوں نے کہا کہ حنا خان نے اپنے کینسر کے اعلان کے بعد ایسی کوئی ویڈیو شیئر نہیں کی ہے۔
اب فرضی پوسٹ شیئر کرنے والے انسٹاگرام پیج کی سوشل اسکیننگ کرنے کی باری تھی۔ ہم نے پایا کہ صارف کو 2 لاکھ سے زیادہ لوگ فالو کرتے ہیں۔
نتیجہ: وشواس نیوز نے اپنی جانچ میں پایا کہ وائرل ہونے والا دعویٰ فرضی ہے۔ یہ رمضان کے دوران مذاق میں بنائی گئی ویڈیو ہے جس میں حنا خان روزے کی حالت میں اپنے فون پر کھانے کی ویڈیو دیکھ رہی تھیں۔ اسی ویڈیو کا ایک مختصر کلپ نکال کر جعلی دعوے کے ساتھ پھیلایا جا رہا ہے۔
- Claim Review : حنا خان کی یہ ویڈیو ان کے بریسٹ کینسر سے متعلق ہے۔
- Claimed By : Instagram Page- indiancelebrity707
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
