ہماری پڑتال میں یہ دعوی فرضی ثابت ہوا ہے۔ یو پی ایس سی کے امتحان میں اسلامک اسڈٹز کا مضمون نہیں ہے۔
نئی دہلی (وشواس نیوز)۔ سوشل میڈیا پر ایک پوسٹ وائرل ہے جس میں دعوی کیا جا رہا ہے کہ یونیئن پبلک سروس کمیشن (یو پی ایس سی) کے امتحان میں مبینہ طور پر اسلامیات کا موضوع پڑھایا جا رہا ہے۔ وشواس نیوز کی پڑتال میں یہ دعوی فرضی ثابت ہوا ہے۔ یو پی ایس سی کے اتحان میں ’اسلامک اسٹڈی‘ نام کا کوئی بھی موضوع موجود نہیں ہے۔
اس پوسٹ میں لکھا ہے، یو پی ایس سی سے اسلامک اسٹڈی فورا ہٹائی جائے یا پھر ویدک اسٹڈی کو بھی جوڑا جائے۔ سبھی ہندووں سے گزارش ہے کہ اس کی حماعت کریں‘‘۔
ملک کے سب سے معتبر امتحان ، یو پی ایس سی کے بارے میں دعوؤں کی وجہ سے ، ہم نے اس کی تحقیقات کا فیصلہ کیا۔ یہ امتحان آئی اے ایس جیسے اہم افسر کا انتخاب کرتا ہے۔ سب سے پہلے ، ہم نے 2019 کے لئے یو پی ایس سی امتحانات کا نوٹیفکیشن چیک کیا۔ وہاں ہمیں کہیں بھی اسلامک اسٹڈیز جیسا مضمون نہیں ملا۔
تفتیش کے دوران ، ہمیں آئی اے ایس آفیسر سومش اپادھیائے کا ایک ٹویٹ ملا۔ اس ٹویٹ میں ، انہوں نے طنزیہ انداز میں لکھا کہ ایک متوازی دنیا ہے ، جہاں یو پی ایس سی کے اختیاری مضمون میں اسلامک اسٹڈیز بھی ہے۔ اسے واٹس ایپ کی دنیا کہا جاتا ہے۔ انہوں نے 28 اگست 2020 کو یہ ٹویٹ کیا تھا۔
اس حوالہ اور معلومات کے لئے، وشواس نیوز نے دہلی واقع آئی اے ایس کی تیاری کروانے والی کیریئر پلس ایجوکیشن سوسائٹی کے ڈائریکٹر، انوج اگروال سے رابطہ کیا۔ انہوں نے کہا کہ اسلامک اسٹڈیز نامی کوئی مضمون یو پی ایس سی کے امتحان میں نہیں ہے۔ اردو ادب یقینی طور پر اس امتحان میں ایک عنوان ہے۔ اسلامیات کا مضمون مکمل طور پر فرضی ہے۔ ویسے بھی، بہت کم لوگ اردو ادب سے یو پی ایس سی پاس ہوئے ہیں۔
پوسٹ کو فرضی دعوی کے ساتھ شیئر کرنے والے فیس بک صارف نیلیش دیسائی کی سوشل اسکیننگ میں ہم نے پایا کہ اس صارف کو 17,354 صارفین فالوو کرتے ہیں۔
نتیجہ: ہماری پڑتال میں یہ دعوی فرضی ثابت ہوا ہے۔ یو پی ایس سی کے امتحان میں اسلامک اسڈٹز کا مضمون نہیں ہے۔
اگر آپ کو ایسی کسی بھی خبر پر شک ہے جس کا اثر آپ کے معاشرے اور ملک پر پڑ سکتا ہے تو ہمیں بتائیں۔ ہمیں یہاں جانکاری بھیج سکتے ہیں۔ آپ ہم سے ای میل کے ذریعہ رابطہ کر سکتے ہیں contact@vishvasnews.com
اس کے ساتھ ہی واٹس ایپ (نمبر9205270923 ) کے ذریعہ بھی اطلاع دے سکتے ہیں