فیکٹ چیک: اسد الدین اویسی کے گھر۔ گھر دورے کا ویڈیو گمراہ کن دعوے کے ساتھ کیا جا رہا وائرل
وشواس نیوز نے اپنی جانچ میں پایا کہ وائرل ویڈیو اس وقت کا ہے جب اسد الدین اویسی انتخابی مہم کے دوران حیدرآباد میں گھر گھر مہم چلا رہے تھے۔ وائرل ویڈیو کو گمراہ کن دعووں کے ساتھ شیئر کیا جا رہا ہے۔
- By: Umam Noor
- Published: May 14, 2024 at 04:22 PM
- Updated: May 14, 2024 at 07:04 PM
نئی دہلی (وشواس نیوز)۔ آل انڈیا مجلس اتحاد المسلمین (اے آئی ایم آئی ایم) کے سربراہ اور حیدرآباد سے لوک سبھا کے امیدوار اسد الدین اویسی کا ایک ویڈیو سوشل میڈیا پر وائرل ہو رہا ہے۔ ویڈیو میں ان کے گلے میں مالا اور ایک شخص کو مفلر پہناتے ہوئے دیکھا جا سکتا ہے۔ ویڈیو شیئر کرتے ہوئے صارفین دعویٰ کر رہے ہیں کہ اسد الدین اویسی انتخابی ریلی کے دوران مندر گئے تھے اور یہ ویڈیو اسی موقع کا ہے۔
وشواس نیوز نے اپنی پڑتال میں پایا کہ وائرل ویڈیو اس وقت کا ہے جب اسد الدین اویسی انتخابی مہم کے دوران حیدرآباد میں گھر گھر مہم چلا رہے تھے۔ وائرل ویڈیو کو گمراہ کن دعووں کے ساتھ شیئر کیا جا رہا ہے۔
وائرل پوسٹ میں کیا ہے؟
وائرل پوسٹ کو شیئر کرتے ہوئے ایک فیس بک صارف نے لکھا کہ ’’اویسی میاں کے چہرے پر شکست کا خوف صاف نظر آرہا ہے، ورنہ خود سوچیں کہ مسلمانوں کا لیڈر ہندو پجاری کے ہاتھ سے بھگوا کیسے پہنا سکتا ہے۔ ..؟” میری شیرنی بہن ’’مادھوی لتا‘‘ نے خوف کا ایسا ماحول پیدا کیا کہ اویسی کو سر جھکانے مندر جانا پڑا‘‘۔
پوسٹ کو آرکائیو ورژن کو یہاں دیکھیں۔
پڑتال
اپنی تحقیقات کا آغاز کرتے ہوئے، سب سے پہلے ہم نے گوگل لینز کے ذریعے وائرل ویڈیو کے کی فریمز کو سرچ کرنا شروع کیا۔ سرچ کے دوران، ہمیں یہ ویڈیو آئی این ڈی ٹوڈے نیوز نام کے انسٹاگرام پیج پر اپ لوڈ کیا ہوا ملا۔ یہاں ویڈیو میں دی گئی معلومات کے مطابق، ‘اے آئی ایم آئی ایم کے سربراہ اور حیدرآباد لوک سبھا کے امیدوار اسد الدین اویسی کا ملک پیٹ اسمبلی حلقہ میں انتخابی مہم کے دوران کچھ ہندو پجاریوں نے خیرمقدم کیا‘۔
اسی بنیاد پر ہم نے اپنی تحقیقات کو آگے بڑھایا اور اسی مہم کی کئی اور ویڈیوز بھی نیوز ویب سائٹ کے یوٹیوب چینل پر اپ لوڈ کی ہوئی ملیں۔ حالانکہ ان میں کہیں بھی اویسی کے مندر کا ذکر نہیں تھا۔
تحقیقات کو آگے بڑھاتے ہوئے، ہم نے اس اے آئی ایم آئی ایم کے سوشل میڈیا ہینڈلز کو اسکین کیا۔ سرچ کے دوران، ہمیں 2 مئی کو شیئر کی گئی اس ڈور ٹو ڈور مہم سے متعلق ایک پوسٹ ملی۔ یہاں پوسٹ میں شیئر کی گئی تصویروں میں اس شخص کی تصویر بھی ہے جسے وائرل ویڈیو میں اویسی کو مفلر پہناتے ہوئے دیکھا جا سکتا ہے۔ یہاں دیے گئے کیپشن کے مطابق، ”یہاں کب کوئی آپس میں لڑا ہے؟ ہر مذہب مجلس کے ساتھ کھڑا ہے۔ صدر مجلس اور امیدوار حیدرآباد پارلیمانی حلقہ بیرسٹر اسدویسی نے اے آئی ایم آئی ایم ملک پیٹ کے ایم ایل اے کے ساتھ ملک پیٹ کے علاقے موسیرام باغ، اندرا نگر اور آس پاس کے علاقوں میں انتخابی مہم کا دورہ کیا اور لوگوں سے 13 مئی کو پتنگ کے نشان پر بٹن لگانے کی اپیل کی‘‘۔
وائرل ویڈیو میں کئے گئے دعوے کی تصدیق کے لئے ہم نے اسد الدین اویسی سے رابطہ کیا اور انہوں نے ہمیں بتایا کہ مندر کے دورے سے متعلق وائرل دعویٰ فرضی ہے۔
گمراہ کن پوسٹ شیئر کرنے والے فیس بک صارف کی سوشل اسکیننگ کے دوران ہمیں معلوم ہوا کہ اس صارف کو 5 ہزار لوگ فالو کرتے ہیں اور صارف کسی خاص پارٹی کی حمایت میں زیادہ تر پوسٹ شیئر کرتا ہے۔
نتیجہ: وشواس نیوز نے اپنی جانچ میں پایا کہ وائرل ویڈیو اس وقت کا ہے جب اسد الدین اویسی انتخابی مہم کے دوران حیدرآباد میں گھر گھر مہم چلا رہے تھے۔ وائرل ویڈیو کو گمراہ کن دعووں کے ساتھ شیئر کیا جا رہا ہے۔
- Claim Review : اسد الدین اویسی انتخابی ریلی کے دوران مندر گئے تھے اور یہ ویڈیو اسی موقع کی ہے۔
- Claimed By : FB User- Shubhang Dubey
- Fact Check : گمراہ کن
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
