فیکٹ چیک: وزیر اعظم مودی کی انتخابی جیت کو لے کر آسٹریلیائی وزیراعظم ٹرنبل نے نہیں دیا کوئی بیان

نئی دہلی (وشواس ٹیم)- سوشل میڈیا پر وزیر اعظم نریندر مودی کے بارے میں آسٹریلیا کے وزیر اعظم میلکم ٹرنبل کا ایک بیان وائرل ہو رہا ہے۔ وشواس  نیوز کی تحقیقات کے مطابق، آسٹریلیائی وزیر اعظم میلکم ٹرنبل نے وزیر اعظم مودی کو لے کر ایسا کوئی بیان نہیں دیا۔

کیا ہے وائرل پوسٹ میں؟

 تصویر میں دعویٰ کیا گیا ہے، ’’اگر نریندر مودی 2019 میں انتخابات جیتنے میں کامیاب ہو گئے تو ہندوستان  2024 تک ترقی یافتہ ملک بن جائے گا: آسٹریلیائی  وزیراعظم میلکم ٹرنبل سے متفق ہیں تو شیئر ضرور کریں ‘‘۔

فیس بک پر یہ پوسٹ امریندر ترپاٹھی (نیچے انگریزی میں دیکھیں) کے پروفائل سے شیئر کی گئی ہے۔ یہ پوسٹ یکم اپریل 2018 کو رات 10 بجے شیئر کی گئی تھی۔ پڑتال کئے جانے تک اس بیان کو 68 ہزار بار شیئر کیا جا چکا ہے، جبکہ اسے 1500 لوگ لائک کرچکے ہیں۔
Amrendra Tripathi

پڑتال 

تفتیش کا آغاز ہم نے گوگل نیوز سرچ سے کیا۔ سرچ کے دوران ہمیں 6 اپریل 2017 کو آسٹریلیائی ہائی کمیشن کی جانب سے جاری سرکاری بیان ملا، جس میں آسٹریلیائی وزیر اعظم میلکم ٹرنبل کے ہندوستان دورے کی اطلاع دی گئی ہے۔ اطلاعات کے مطابق میلکم کا ہندوستان دورہ 9-12 اپریل 2017 کے درمیان طے تھا اور اسی کے مطابق ان کا دورہ بھی مکمل ہوا۔

اس کے بعد ہم نے ان ویڈ ٹول (نیچے انگریزی میں دیکھیں) کی مدد سے ہندوستانی وزارت خارجہ اور وزیر اعظم نریندر مودی کے آفیشیئل ٹویٹر ہینڈل کو (9 اپریل سے 12 اپریل 2017 کی ٹائم لائن مقرر کرتے ہوئے) سرچ کیا۔ اس دوران ہمیں وزیر اعظم مودی اور میلکم کے درمیان ہوئی سرکاری بات چیت اور ملاقات کی فوٹو ملیں۔
Invid

 ملاقات کی تصدیق ہونے کے بعد ہم نے دونوں ممالک کے وزرائے اعظم کے درمیان ہوئی بات چیت کے بعد جاری مشترکہ بیان کو تلاش کیا۔ 10 اپریل 2017 کو وزارت خارجہ کے جاری بیان میں ہندوستان- آسٹریلیا کے درمیان اسٹریٹجک اور باہمی تعلقات کے علاوہ دونوں ممالک کے درمیان ہوئے 6 ایم او یو (رسمی معاہدوں)  کا حوالہ دیتے ہوئے اس مشترکہ بیان میں کہیں بھی نریندر مودی کو لے کر کئے گئے کسی تبصرے کا ذکر نہیں ہے۔

بیان کو یہاں پڑھا جا سکتا ہے۔

اس کے بعد ہم نے وزیر اعظم مودی میلکام ٹرنبل (نیچے انگریزی میں دیکھیں) مطلوبہ الفاظ کے ساتھ گوگل سرچ بھی کیا، جس میں ملے کسی بھی لنک میں ہمیں مناسب معلومات نہیں ملی۔
PM Modi Malcolm Turnbull

 چونکہ آسٹریلیائی وزیر اعظم ٹرنبل ٹویٹر پر سرکاری طور پر موجود ہیں، اس لئے ہم نے ان کی ٹائم لائن دوبارہ کھنگالی۔ ان ویڈ ٹول کی مدد سے ہم نے ہیش ٹیگ مودی سرچ کیا۔ اس کے مطابق انہوں نے وزیر اعظم مودی کو خطاب کرتے ہوئے اب تک صرف 6 ٹویٹ کئے ہیں اور اس میں بھی کہیں اس انتخابی جیت کو لے کر کوئی بیان نہیں ہے۔

 اسی دوران ہمیں یو ٹیوب پر ایک ویڈیو ملا، جسے آسٹریلیائی براڈ کاسٹر ایس بی ایس نے 11 دسمبر 2017 کو اپ لوڈ کیا ہے۔ اس غیر رسمی ویڈیو میں میلکم اور مودی انتہائی غیر رسمی طریقہ سے آسٹریلیا میں رہ رہے ہندوستانی تارکین وطن سے خطاب کرتے ہوئے نظر آ رہے ہیں۔ اس ویڈیو میں بھی میلکم نے وزیراعظم مودی کی انتخابی جیت کو لے کر کچھ نہیں کہا۔

 نتیجہ :وشواس نیوز تفتیش میں یہ ثابت ہوتا ہے کہ وزیر اعظم نریندر مودی کو لے کر آسٹریلیائی وزیر اعظم میلکم ٹرنبل کے نام سے وائرل ہو رہا میسج فرضی ہے۔

مکمل سچ کی معلومات حاصل کریں ۔۔۔

اگر آپ کو ایسی کسی بھی خبر پر شک ہے جس کا اثر آپ کے معاشرے اور ملک پر پڑ سکتا ہے تو ہمیں بتائیں۔ ہمیں یہاں جانکاری بھیج سکتے ہیں۔ آپ ہم سے ای میل کے ذریعہ رابطہ کر سکتے ہیں
contact@vishvasnews.com
اس کے ساتھ ہی واٹس ایپ (نمبر9205270923 –) کے ذریعہ بھی اطلاع دے سکتے ہیں۔

ٹیگز

• Fact Check
• Malcolm Turnbull
• PM Modi