فیکٹ چیک: لکھنئو میٹرو کے نام پر وائرل ہوا فرضی پوسٹر
وشواس نیوز کی جانچ میں لکھنؤ میٹرو میں بی ایس پی کے پوسٹر کے نام پر وائرل پوسٹ فرضی ثابت ہوئی۔ لکھنؤ میٹرو میں ایسا کوئی پوسٹر نہیں لگایا گیا۔
- By: Ashish Maharishi
- Published: Feb 3, 2022 at 02:02 PM
نئی دہلی (وشواس نیوز)۔ یوپی اسمبلی انتخابات کے درمیان سوشل میڈیا پر ایک فرضی پوسٹر وائرل ہو رہا ہے۔ اسے وائرل کرتے ہوئے، سوشل میڈیا صارفین دعویٰ کر رہے ہیں کہ لکھنؤ میٹرو میں آنے والی بی ایس پی حکومت کے پوسٹر لگنا شروع ہو گئے ہیں۔ وشواس نیوز نے وائرل پوسٹر کو چیک کیا تو یہ فرضی نکلا۔ دراصل یہ پوسٹر ایک ٹیمپلیٹ میں ترمیم کرکے بنایا گیا ہے۔ لکھنؤ میٹرو میں بی ایس پی نے ایسا کوئی پوسٹر نہیں لگایا۔
کیا ہے وائرل پوسٹ میں؟
فیس بک صارف منیش نگم نے 25 جنوری کو ایک پوسٹ میں دعویٰ کیا: ‘بی ایس پی حکومت کے پوسٹر لکھنؤ میٹرو میں نظر آنا شروع ہو چکے ہیں’۔
پوسٹ کے آرکائیو ورژن کو یہاں دیکھیں۔
پڑتال
وشواس نیوز وائرل پوسٹ کو چیک کرنے کے لیے گوگل ریورس امیج ٹول کے ذریعے تلاش کیا اور ہمیں ایک غیر ملکی ویب سائٹ پر اصل ٹیمپلیٹ ملا۔ اس میں کہیں بھی لکھنؤ میٹرو یا بی ایس پی کا ذکر نہیں تھا۔ آپ نیچے دونوں کا کولاج دیکھ سکتے ہیں۔
تحقیقات کو جاری رکھتے ہوئے وشواس نیوز نے یوپی میٹرو کے ترجمان پنچنن مشرا سے بات کی۔ انہوں نے بتایا کہ لکھنؤ میٹرو کی پوسٹ پچھلے کئی سالوں سے وائرل ہو رہی ہے۔ لکھنؤ کے میٹرو اسٹیشن پر کہیں بھی ایسی دیواریں نہیں ہیں، جیسا کہ وائرل پوسٹ میں دیکھا گیا ہے۔ یہ جعلی ہے۔
وشواس نیوز نے وائرل پوسٹ کے تعلق سے بی ایس پی کے ترجمان فیضان خان سے بھی رابطہ کیا۔ انہوں نے بھی اسے فرضی بتایا۔ انہوں نے کہا کہ ایسا کوئی پوسٹر بی ایس پی نے نہیں لگایا ہے۔
تحقیقات کے اختتام پر فیس بک صارف منیش نگم کیسثشل سکیننگ کی گئی۔ اسی صارف نے بی ایس پی کے پوسٹر کے نام سے ایک فرضی پوسٹر وائرل کیا۔ ہمیں معلوم ہوا کہ صارف کا تعلق سیاسی جماعت سے ہے۔ لکھنؤ میں رہنے والے اس صارف کے فیس بک کے چار ہزار سے زیادہ دوست ہیں۔
نتیجہ: وشواس نیوز کی جانچ میں لکھنؤ میٹرو میں بی ایس پی کے پوسٹر کے نام پر وائرل پوسٹ فرضی ثابت ہوئی۔ لکھنؤ میٹرو میں ایسا کوئی پوسٹر نہیں لگایا گیا۔
- Claim Review : بی ایس پی حکومت کے پوسٹر لکھنؤ میٹرو میں نظر آنا شروع ہو چکے ہیں
- Claimed By : منیش
- Fact Check : جھوٹ
مکمل حقیقت جانیں... کسی معلومات یا افواہ پر شک ہو تو ہمیں بتائیں
سب کو بتائیں، سچ جاننا آپ کا حق ہے۔ اگر آپ کو ایسے کسی بھی میسج یا افواہ پر شبہ ہے جس کا اثر معاشرے، ملک یا آپ پر ہو سکتا ہے تو ہمیں بتائیں۔ آپ نیچے دئے گئے کسی بھی ذرائع ابلاغ کے ذریعہ معلومات بھیج سکتے ہیں۔
