Fact Check: క్రిస్టియానో రొనాల్డో యొక్క 2016 వీడియో తప్పుగా ఇజ్రాయెల్-హమాస్ వివాదానికి లింక్ చేయబడింది
- By: Pallavi Mishra
- Published: Oct 24, 2023 at 03:47 PM
కొత్త ఢిల్లీ (విశ్వాస్ న్యూస్): సోషల్ మీడియాపై ఇటీవల స్టార్ ఫుట్బాల్ క్రీడాకారుడు క్రిస్టియానో రొనాల్డో ఇజ్రాయెల్-పాలెస్తీన వివాదములో పాలెస్తీనాకు మద్ధతు తెలుపుతున్నాడు అని క్లెయిమ్ చేసే ఒక వీడియో వైరల్ అయ్యింది.
దర్యాప్తు చేసిన తరువాత ఈ క్లెయిమ్ అసత్యము అని విశ్వాస్ న్యూస్ కనుగొనింది. అందులోని వీడియో 2016 లో సిరియన్ పిల్లలకు మద్ధతుగా క్రిటియానో రొనాల్డో విడుదల చేసినప్పటిది.
వైరల్ వీడియోలో ఏముంది:
ఫేస్బుక్ యూజర్ ఇబ్రహీం హుస్సెయిన్ అక్టోబరు 15న ఈ వైరల్ వీడియోను షేర్ చేశారు, మరియు రొనాల్డో పాలస్తీనాకు మద్ధతు ఇస్తున్నారు అని క్లెయిమ్ చేశారు.
ఆర్కైవ్డ్ పోస్ట్ ను ఇక్కడ చెక్ చేయండి.
దర్యాప్తు:
ఈ పోస్ట్ గురించి దర్యాప్తు చేయుటకు, మేము వీడియోను విశ్లేషించాము. వీడియో ప్రారంభములో అధిక పిచ్ సంగీతము చేర్చబడింది, దానితో ప్రారంభములో ఉన్న మాటలు స్పష్టంగా లేవు. జాగ్రత్తగా విన్న తరువాత, మాకు రొనాల్డో ఇలా అనడం వినబడింది, “హలో, ఇది సిరియా పిల్లల కొరకు. మీరు చాలా బాధపడుతున్నారు అని మాకు తెలుసు. నేను ఒక ప్రముఖ క్రీడాకారుడిని కాని మీరే నిజమైన హీరోలు. ఆశ వదులుకోకండి. ప్రపంచం మీ వెంట ఉంది. మీ గురించి మేము ఆలోచిస్తాము. నేను మీకు సహకరిస్తారు.”
వీడియోలో ‘సిరియా’ అనే పదము స్పష్టంగా వినిపిస్తుంది. వీడియో మొత్తములో పాలస్తీనా, హమాస్ లేదా ఇజ్రాయెల్ గురించిన ప్రస్తావన లేదు.
వీడియో యొక్క మూలాన్ని కనుగొనుటకు, క్లిప్ నుండి కీఫ్రేమ్స్ కొరకు సెర్చ్ మేము గూగుల్ లెన్స్ ను ఉపయోగించాము. రొనాల్డో ఈ వీడియోను, ‘సిరియాలో వివాదాలచే ప్రభావితం అయిన పిల్లలకు ఇది ఒక ఆశాజనక సందేశము” అనే శీర్షికతో, తన ఇన్స్టాగ్రాం ఖాతాపై డిసెంబరు 16, 2016 నాడు అప్లోడ్ చేశారు అని మేము కనుగొన్నాము.
రొనాల్డో ఇదే వీడియోను 2016లో తన అధికారిక ఫేస్బుక్ మరియు ‘X‘ (ఇదివరకు ట్విట్టర్) పై షేర్ చేశారు. 2016లో ఈ వార్తలను ను అనేక వార్తా వెబ్సైట్లు రిపోర్ట్ చేశారు.
క్లెయిమ్ యొక్క ప్రామాణికతను ధృవీకరించుటకు, మేము క్రీడా నిపుణుడు మరియు ఈఎస్పిఎన్ వ్యాఖ్యాత సైయ్యద్ హుస్సెయిన్ ను కలిశాము. ఈ వైరల్ వీడియో డిసెంబర్ 2016కు చెందినది అని మరియు ఈ విషయానికి సంబంధించి ఇటీవల ఏ వీడియోలు రిపోర్ట్ చేయబడలేదు అని ఆయన ధృవీకరించారు.
ఈ పోస్ట్ ను ఇబ్రహీం హుస్సెయిన్ అనే ఒక ఫేస్బుక్ యూజర్ షేర్ చేశారు. ఈయనకు 700 మంది ఫాలోయర్స్ ఉన్నారు.
(इस फैक्ट चेक को हिंदी में पढ़ने के लिए यहां क्लिक करें।)
ముగింపు: ఈ క్లెయిమ్ అసత్యము అని మా దర్యాప్తు తేల్చింది. ఈ వీడియో 2016లో తీసినది, ఇది సిరియాక్ చెందిన పిల్లలకు క్రిస్టియానో రొనాల్డో తన మద్ధతును తెలుపుతూ విడుదల చేయబడింది.
- Claim Review : ఇబ్రహీం హుస్సెయిన్ అనే ఒక ఫేస్బుక్ యూజర్ రొనాల్డో పాలస్తీనాకు మద్ధతును ఇస్తున్నారు అనే క్లెయిమ్ తో ఈ వైరల్ వీడియోను అక్టోబరు 15న షేర్ చేశారు.
- Claimed By : ఫేస్బుక్ యూజర్ ఇబ్రహీం హుస్సెయిన్
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
