Fact Check: ముంబైలో లాల్‌బాగ్‌చా రాజాను చూపిస్తున్నట్లు క్లెయిమ్ చేయబడుతున్న వీడియో నిజానికి స్పెయిన్ వేడుకలోనిది

కొత్త ఢిల్లీ (విశ్వాస్ న్యూస్). వీధులలో వేల సంఖ్యలో జనాలు నాట్యం చేస్తున్న ఒక వీడియో సోషల్ మీడియాపై వైరల్ అవుతోంది. యూజర్లు దీనిని ముంబైలోని లాల్‌బాగ్‌చా రాజా వేడుకలను చూపుతోందని క్లెయిమ్ చేస్తున్నారు.

ఈ వైరల్ వీడియో స్పెయిన్ లో జరిగిన ఒక పండుగ నుండి తీసుకోబడినదని మరియు ఇది తప్పుగా ముంబై గణపతి పండుగకు అనుసంధానం చేయబడిందని విశ్వాస్ న్యూస్ తన దర్యాప్తులో వెల్లడించింది.

వైరల్ పోస్ట్ లో ఏముంది?

ఒక ఫేస్‎బుక్ యూజర్ ఈ శీర్షికతో వైరల్ పోస్ట్ ను షేర్ చేశారు, “లాల్‌బాగ్‌చా రాజా గణపతి … ముంబై వద్ద నమ్మశక్యంకాని దృశ్యం.”

పోస్ట్ యొక్క ఆర్కైవ్డ్ వర్షన్ ను ఇక్కడ చూడండి.

దర్యాప్తు

మేము మా దర్యాప్తును గూగుల్ లెన్స్ ద్వారా వైరల్ వీడియోను సెర్చ్ చేయడం ద్వారా ప్రారంభించాము మరియు ఈ వీడియో అనేక సోషల్ మీడియా ప్లాట్ఫార్మ్స్ మరియు వార్తా వెబ్సైట్స్ పై అప్లోడ్ చేయబడిందని కనుగొన్నాము. ఈ వీడియోలోని ఒక ఫ్రేమ్ మాకు ది గార్డియన్ యొక్క వెబ్సైట్ పై జులై 12, 2024 నాడు అప్లోడ్ చేయబడిన ఒక ఫోటో గ్యాలరీలో కనుగొన్నాము. అందించబడిన వివరాల ప్రకారము, ఈ వీడియో పాంప్లోనా, స్పెయిన్ లో జరిగిన శాన్ ఫర్మిన్ బుల్స్ ఫెస్టివల్ యొక్క ప్రారంభోత్సవము నుండి తీసుకోబడింది. ఇందులో పాంప్లోనా మునిసిపల్ మ్యూజిక్ బ్యాండ్ ప్రదర్శన ఇచ్చారు.

దర్యాప్తును కొనసాగిస్తున్న మాకు, ‘శాన్ ఫర్మైన్స్ పాంప్లోనా’. అనే ఒక యూట్యూబ్ ఛానల్ పై ఇదే ఈవెంట్ యొక్క పూర్తి వీడియో లభించింది.

ఈ వీడియో గతంలో పాలస్తీనా-ఇజ్రాయెల్ సంఘర్షణ గురించి తప్పుదోవపట్టించే క్లెయిమ్ తో వైరల్ అయ్యింది. ఆ సమయములో, ఈ వీడియో స్పెయిన్ లో జరిగిన బుల్స్ ఫైట్ వేడుక యొక్క ప్రారంభోత్సవానికి సంబంధించినదని స్పానిష్ విలేఖరి డేవిడ్ ఫెర్నాండెజ్ ధృవీకరించారు.

ఆ తరువాత మేము నకిలీ పోస్ట్ ను షేర్ చేసిన ఫేస్‎బుక్ యూజర్ యొక్క సోషల్ మీడియా స్కాన్ నిర్వహించి, ఈ యూజర్ ఆంధ్రప్రదేశ్ నివాసి అని కనుగొన్నాము.

ముగింపు: ఈ వైరల్ వీడియో స్పెయిన్ లో జరిగిన ఒక వేడుక నుండి తీసుకోబడిందని విశ్వాస్ న్యూస్ దర్యాప్తు చేసి కనుగొనింది. ఇది ముంబై గణపతి పండుగకు అనుసంధానిస్తూ నకిలీ క్లెయిమ్ తో షేర్ చేయబడింది.