వాస్తవ తనిఖీ: నెహ్రూ గురించి ప్రియాంక గాంధీ అభ్యంతరకరమైన ట్వీట్ చేయలేదు, వైరల్ పోస్ట్ అబద్ధం

హైదరాబాద్‌ (విశ్వాస్ న్యూస్) : కాంగ్రెస్ నాయకురాలు ప్రియాంక గాంధీ చేసిన ఒక ట్వీట్‌లో దేశ తొలి ప్రధాని జవహర్‌లాల్ నెహ్రూపై అభ్యంతరకరమైన వ్యాఖ్య ఇటీవల సోషల్ మీడియాలో వైరల్ అయ్యింది.

విశ్వాస్ న్యూస్ దర్యాప్తులో వైరల్ దావా నకిలీదని తేలింది. ప్రియాంక గాంధీ యొక్క పాత ట్వీట్‌ను ట్యాంపర్‌ చేసి ఎడిట్‌ చేశారు.

దావా :
ఫేస్‌బుక్ యూజర్ రాజేష్ వర్మ నవంబర్ 20 న ప్రియాంక గాంధీ చేశారంటూ ఒక పోటోను ట్వీట్ చేసి నెహ్రూ కుటుంబంపై కోపం మరియు నిరాశను వ్యక్తం చేశారు.

వైరల్ పోస్ట్ యొక్క ఆర్కైవ్ వెర్షన్‌ ఇక్కడ చూడవచ్చు.

దర్యాప్తు :
మేము ట్విట్టర్ శోధనలో కీలకపదాలను ఉపయోగించి వైరల్ ట్వీట్‌ను శోధించడం ప్రారంభించాము. ప్రియాంక గాంధీ యొక్క పాత ట్వీట్ 14 నవంబర్ 2019 న పోస్ట్‌ చేసినట్లు మేము కనుగొన్నాము, ‘మా ముత్తాత గురించి నా ఫేవరెట్‌ స్టోరీ ఏమిటంటే, ఆయన ప్రధానిగా ఉన్న సమయంలో ఒకరోజు తెల్లవారుజామున 3 గంటలకు ఇంటికి తిరిగి వచ్చారు. దుప్పటి కప్పుకొని, పక్కనే ఉన్న కుర్చీ మీద పడుకున్నారు.’

విశ్వాస్ న్యూస్ దర్యాప్తులో ఎడిటింగ్‌ ద్వారా అసలైన ట్వీట్‌లో అభ్యంతరకరమైన కంటెంట్ చేర్చబడిందని తేలింది. అసలు మరియు వైరల్ ట్వీట్ మధ్య వ్యత్యాసాన్ని మేము స్పష్టంగా గుర్తించాము.

మరింత ధృవీకరణ కోసం మేము కాంగ్రెస్ జాతీయ ప్రతినిధి అఖిలేష్ ప్రతాప్ సింగ్‌ను సంప్రదించాము. గాంధీ-నెహ్రూ కుటుంబాన్ని ఎప్పుడూ ఒక వర్గం విమర్శిస్తూనే ఉందని, ప్రజలు ఇలాంటి నకిలీ పోస్టులను సృష్టిస్తూనే ఉన్నారని ఆయన అన్నారు.

వైరల్ పోస్ట్‌ను షేర్‌ చేసిన యూజర్ యొక్క సోషల్ స్కానింగ్‌లో అతను న్యూఢిల్లీ నివాసి అని, గతంలో కూడా అనేక వైరల్ పోస్టులను షేర్‌ చేశాడని తెలిసింది.