వాస్తవ తనిఖీ: ఈ వైరల్ పోస్ట్‌లోని జిడిపి డేటా పాతది.. మరియు తప్పుదారి పట్టిస్తోంది
సంక్షోభ సమయంలో కోవిడ్‌-19 ఆవరించిన నేపథ్యంలో భారతదేశ జిడిపి ఇతర దేశాలను అధిగమించిందనే వాదనతో వైరల్ అయిన గ్రాఫిక్స్ తప్పుదారి పట్టించేదిగా ఉందని తేలింది. ఐఎంఎఫ్ 2020 ఆర్థిక సంవత్సరంలో భారతదేశానికి (-) 4.5 శాతం వృద్ధి రేటును అంచనా వేసింది, వైరల్ గ్రాఫిక్స్‌లో ఇది 1.9 శాతంగా నమోదైంది, ఇది ఏప్రిల్ నెలలో అంచనా వేయబడింది.
- By: Abhishek Parashar
- Published: Aug 31, 2020 at 12:12 PM
- Updated: Sep 14, 2020 at 01:32 PM
హైదరాబాద్‌ (విశ్వాస్ న్యూస్): COVID-19 సంక్షోభం ప్రపంచ ఆర్థిక వ్యవస్థను తీవ్రంగా క్షీణింపజేస్తోందని భావిస్తున్నారు. ఈ దృష్ట్యా, అనేక గ్లోబల్ ఏజెన్సీలు దేశాల వృద్ధి రేటు అంచనాలను తగ్గించాయి. ఈ నేపథ్యంలోనే కరోనా మహమ్మారి సమయంలో జిడిపి (స్థూల జాతీయోత్పత్తి) పరంగా భారత్ ఇతర దేశాలను అధిగమించిందని సోషల్ మీడియాలో ఓ ఇన్ఫోగ్రాఫ్ వైరల్ అవుతోంది.
సోషల్ మీడియాలో వైరల్ అవుతున్న ఈ గ్రాఫిక్స్‌ను గమనిస్తే.. భారతదేశం 1.9 శాతం వృద్ధి రేటును సాధించింది, 16 దేశాల కంటే భారత జిడిపి వృద్ధి బలంగా ఉంది. ఏదేమైనా, ఈ గ్రాఫిక్స్ యొక్క మూలం ప్రస్తావించబడలేదు లేదా దానిలో ఉపయోగించిన డేటా కాలం ప్రస్తావించబడలేదు.
విశ్వాస్ న్యూస్ దర్యాప్తులో ఈ వాదన తప్పుదోవ పట్టించేదిగా తేలింది. వైరల్ డేటా అంతర్జాతీయ ద్రవ్య నిధి (ఐఎంఎఫ్) విడుదల చేసిన ఏప్రిల్ నెల అంచనా ఆధారంగా, భారతదేశ వృద్ధి రేటు 1.9 శాతంగా ఉంటుందని అంచనా వేసింది. ఇది గ్రాఫిక్స్‌లో చూపించిన 16 ఇతర దేశాల కంటే మెరుగైనది. అయితే, జూన్ నివేదికలో ఈ పరిస్థితి మారిపోయింది. జూన్‌లో IMF విడుదల చేసిన నివేదిక ప్రకారం, భారతదేశం యొక్క వృద్ధి రేటు 2020 ఆర్థిక సంవత్సరంలో 4.5 శాతం ఉంటుందని అంచనా.
వైరల్ అవుతున్నది ఏంటి ?
ఫేస్‌బుక్‌ యూజర్ ‘విపిన్ అగర్వాల్’ ఈ వైరల్ పోస్ట్‌ను షేర్‌ చేశారు. “సరైన సమయంలో సరైన నిర్ణయాలు తీసుకున్న ఫలితం ఏంటంటే.. దేశం యొక్క జిడిపి ప్రపంచంలో ముందంజలో ఉంది #IndiaFirst #GDP #PMModi.”
ఈ పోస్ట్‌ అర్కైవ్‌ లింక్‌ ఇక్కడ చూడొచ్చు.
ట్విట్టర్‌లో కూడా, చాలా మంది ఇతర యూజర్లు దీనిని ఇదే రైటప్‌తో షేర్‌ చేసుకున్నారు.
దర్యాప్తు :
భారతదేశం, చైనా మరియు ఇతర దేశాల జిడిపి వృద్ధి రేటును ఈ గ్రాఫిక్స్ చూపిస్తోంది. భారతదేశం, చైనా మరియు ఇండోనేషియా సానుకూల వృద్ధి రేటును కలిగి ఉండగా, ఇతర దేశాలలో వృద్ధి రేట్లు ప్రతికూలంగా ఉన్నాయి. వైరల్ అవుతున్న డేటా యొక్క సోర్స్‌ ఇన్ఫోగ్రాఫ్‌లో ఎక్కడా ప్రస్తావించలేదు. కాబట్టి మేము మొదట ఈ డేటా యొక్క సోర్స్‌ను కనుగొనడానికి ప్రయత్నించాము. ప్రస్తుత ఆర్థిక సంవత్సరం మొదటి త్రైమాసిక గణాంకాలు ఇంకా రాలేదు.. కాబట్టి, ఈ గణాంకాలు అంచనా వేసే అవకాశం ఉంది.
ఇక్కడ పేర్కొన్న వార్తా కథనం ప్రకారం, భారత ఆర్థిక గణాంకాల కార్యాలయం ప్రస్తుత ఆర్థిక సంవత్సరం మొదటి త్రైమాసిక వృద్ధి రేటు డేటాను ఆగస్టు 31 న విడుదల చేస్తుంది.
ఇన్ఫోగ్రాఫ్ ప్రకారం భారతదేశానికి 1.9 శాతం వృద్ధి రేటును పేర్కొంది, కాబట్టి మేము “1.9 శాతం వృద్ధి రేటు” అనే పదంతో వార్తలను శోధించాము. కరోనా వైరస్ వల్ల ఏర్పడే లాక్‌డౌన్ కారణంగా 2020 లో భారతదేశ వృద్ధి రేటు 1.9% ఉంటుందని అంతర్జాతీయ ద్రవ్య నిధి (ఐఎంఎఫ్) ని ఉటంకిస్తూ ఇలాంటి అనేక వార్తా నివేదికలకు లింక్‌లను మేము కనుగొన్నాము.
ఐఎంఎఫ్ తన నివేదికలో 2020-21 ఆర్థిక సంవత్సరానికి భారత వృద్ధి రేటు అంచనాను 5.8 శాతం (జనవరి) నుండి 1.9 శాతానికి తగ్గించింది. అదే సమయంలో, చైనా వృద్ధి రేటు 2020 లో 1.2 శాతం మరియు 2021 ఆర్థిక సంవత్సరంలో 9.2 శాతంగా అంచనా వేయబడింది.
ప్రపంచ బ్యాంకు, అంతర్జాతీయ ద్రవ్య నిధి సహా ఇతర ఏజెన్సీలతో పాటు, దేశాల సెంట్రల్ బ్యాంక్ వృద్ధి రేటు అంచనాలను విడుదల చేస్తుంది. వైరల్ గ్రాఫిక్స్‌లో జిడిపిని ఒకటి కాదు, 17 దేశాలను ప్రస్తావించినందున, గ్లోబల్ ఏజెన్సీ నుండి ఈ డేటా వైరల్ గ్రాఫిక్స్‌లో ఉపయోగించబడిందని ఊహించడం సులభం.
ఇతర దేశాల వృద్ధి రేటు డేటాను పరిశీలించడానికి మేము IMF యొక్క డేటా బేస్‌ను శోధించాము. IMF వెబ్‌సైట్‌లో, ‘వరల్డ్ ఎకనామిక్ అవుట్‌లుక్, ఏప్రిల్ 2020: ది గ్రేట్ లాక్‌డౌన్’ పేరుతో ఏప్రిల్ నెలలో ప్రచురించిన ఒక నివేదికను మేము కనుగొన్నాము, ఇందులో భారత్‌తో పాటు ఇతర దేశాల వృద్ధి రేటు అంచనాలు ఉన్నాయి. ఈ గణాంకాలు వైరల్ గ్రాఫిక్స్‌లో కూడా ఉపయోగించారు.
ఏప్రిల్ నివేదికలో భారతదేశ వృద్ధి రేటు 1.9 శాతం, చైనా 1.2 శాతం ఉంటుందని అంచనా. COVID-19 యొక్క ప్రభావం ఆర్థిక వ్యవస్థపై మరియు రికవరీ అంచనాలు పదేపదే మార్పులకు గురవుతున్నాయి. కాబట్టి మేము మరోసారి IMF డేటా బేస్ ని శోధించాము.
మరింత పరిశోధిస్తుండగా, జూన్ నెలలో ఆర్థిక దృష్టాంతంలో ‘ఎ క్రైసిస్ లైక్ నో అదర్, అనిశ్చిత రికవరీ’ నివేదికను మేము కనుగొన్నాము, ఇందులో 2020 ఆర్థిక సంవత్సరానికి భారత ఆర్థిక వ్యవస్థ వృద్ధి రేటు ప్రతికూలంగా ఉంది.
ఐఎంఎఫ్ జూన్ నివేదిక ప్రకారం, 2020 ఆర్థిక సంవత్సరంలో భారతదేశానికి (-) 4.5 శాతం వృద్ధి రేటు అంచనా వేయగా, 2021 ఆర్థిక సంవత్సరంలో 6.0 శాతం వృద్ధి రేటు అంచనా వేయబడింది.
రిజర్వ్ బ్యాంక్ ఆఫ్ ఇండియా తన వార్షిక నివేదిక 2019-20లో IMF యొక్క ఈ తాజా అంచనాను కూడా చేర్చింది, దీని ప్రకారం 2020-21 ఆర్థిక సంవత్సరంలో భారతదేశ వృద్ధి రేటు (-) 4.5 గా అంచనా వేయబడింది.
జవహర్‌లాల్ నెహ్రూ విశ్వవిద్యాలయంలో రిటైర్డ్ ప్రొఫెసర్ మరియు ఆర్థికవేత్త అరుణ్ కుమార్ మాట్లాడుతూ, “ఇప్పుడు సానుకూల వృద్ధి రేటు గురించి ఎటువంటి ప్రశ్న లేదు, కానీ ప్రస్తుత అంచనాలు రాబోయే రోజుల్లో మళ్లీ సవరించబడతాయి. ప్రస్తుత ఆర్థిక సంవత్సరానికి భారతదేశ జిడిపి వృద్ధి రేటు అంచనా వేసినంతవరకు, (-) 4.5 శాతం రేటు కూడా నిజమైన చిత్రాన్ని ప్రదర్శించడం లేదు. ఇది మరింత ప్రతికూల జోన్‌లో ఉంది. ‘ అని చెప్పారు.
ఈ ఫ్యాక్ట్‌చెక్‌ పరిశోధన చేసేనాటికి ఇప్పుడు ఈ పోస్ట్‌ షేర్‌ చేసిన అకౌంట్‌కు 1,867 మంది ఫ్రెండ్స్‌ ఉన్నారు. యూజర్ యొక్క ప్రొఫైల్ పరిచయంలో ఎక్కువ సమాచారం లేదు, కానీ అతని ఫేస్‌బుక్‌ వాల్‌పై షేర్‌ చేసుకున్న చాలా పోస్టులు అతను బిజెపి మద్దతుదారుడిగా నిరూపిస్తున్నాయి.
निष्कर्ष: సంక్షోభ సమయంలో కోవిడ్‌-19 ఆవరించిన నేపథ్యంలో భారతదేశ జిడిపి ఇతర దేశాలను అధిగమించిందనే వాదనతో వైరల్ అయిన గ్రాఫిక్స్ తప్పుదారి పట్టించేదిగా ఉందని తేలింది. ఐఎంఎఫ్ 2020 ఆర్థిక సంవత్సరంలో భారతదేశానికి (-) 4.5 శాతం వృద్ధి రేటును అంచనా వేసింది, వైరల్ గ్రాఫిక్స్‌లో ఇది 1.9 శాతంగా నమోదైంది, ఇది ఏప్రిల్ నెలలో అంచనా వేయబడింది.
- Claim Review : కరోనా యుగంలో, జిడిపి పరంగా భారతదేశం ఇతర దేశాలను అధిగమించింది.
- Claimed By : ఎఫ్‌బి యూజర్ - విపిన్ అగర్వాల్
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
