Fact Check: విరాట్ కోహ్లీ దీపావళి సందర్భంగాసైనికులను అభినందిస్తున్నట్లు ఉన్న పాత వీడియో మళ్ళీ వెలుగులోకి వచ్చింది, తాజా వీడియోగా తప్పుదోవపట్టిస్తూ షేర్ చేయబడింది

కొత్త ఢిల్లీ (విశ్వాస్ న్యూస్). విరాట్ కోహ్లీకి సంబంధించిన వీడియో ఒకటి సోషల్ మీడియాపై వైరల్ అవుతోంది. ఇందులో ఆయన సైనికులకు దీపావళి శుభాకాంక్షలు తెలుపుతూ కనిపిస్తారు. కొంతమంది కొత్త యూజర్లు ఇది తాజా వీడియో అని క్లెయిమ్ చేస్తూ షేర్ చేస్తున్నారు.

ఈ వైరల్ క్లెయిమ్ అసత్యమని విశ్వాస్ న్యూస్ తన దర్యాప్తులో కనుగొనింది. ఈ వైరల్ వీడియో 2016లో దీపావళి పండుగ నాడు సైనికులకు శుభాకాంక్షలు తెలిపినప్పుడు విరాట్ కోహ్లీ విడుదల చేసినది.

ఏది వైరల్ అవుతోంది?

ఫేస్‎బుక్ యూజర్ జయరాం యాదవ్ వీడియోను నవంబరు 1, 2024 నాడు షేర్ చేస్తూ ఇలా వ్రాశారు, “విరాట్ కోహ్లీ దేశములోని సైనికులకు దీపావళి శుభాకాంక్షలు తెలియజేశారు, జైహింద్ భారత్, నేను నా భారతదేశాన్ని ప్రేమిస్తున్నాను #భారతసైన్యము # bsf_cisf_ssb_cisf_nsg #జమ్ముకాశ్మీర్”

పోస్ట్ యొక్క ఆర్కైవ్ లింక్ ను ఇక్కడ చూడండి.

దర్యాప్తు

వైరల్ క్లెయిమ్ ను ధృవీకరించుటకు, సంబంధిత కీవర్డ్స్ సహాయముతో మేము గూగుల్ పై సెర్చ్ చేశాము. క్లెయిమ్ కు సంబంధించిన నివేదిక ఒకటి మాకు  india.com అనే న్యూస్ వెబ్సైట్ పై లభించింది. ఈ నివేదిక అక్టోబరు 27, 2016 న ప్రచురించబడింది. వార్తా నివేదిక ప్రకారం, ప్రధానమంత్రి నరేంద్ర మోడి దీపావళి పండుగ సందర్భంగా సైనికులను గుర్తు చేసుకోవాలని దేశప్రజలందరికి విజ్ఞప్తి చేశారు. దీని తరువాత విరాట్ కోహ్లీ ఈ వీడియోను విడుదల చేశారు మరియు సైనికులకు దీపావళి శుభాకాంక్షలు తెలియజేశారు.

సెర్చ్ సమయములో వీడియోకు సంబంధించిన నివేదిక  ఒకటి మాకు on News18’s వెబ్సైట్ పై కూడా లభించింది. అక్టోబరు 27, 2016 నాడు ప్రచురించబడిన వార్త ప్రకారం, విరాట్ కోహ్లీ భారత సైనికదళానికి దీపావళి శుభాకాంక్షలు తెలియజేశారు.”

వీడియోకు సంబంధించిన నివేదిక ఒకటి మాకు వన్ ఇండియా న్యూస్ యొక్క అధికారిక యూట్యూబ్ ఛానల్ పై లభించింది. అక్టోబరు 29, 2016 నాడు అప్లోడ్ చేయబడిన ఈ వీడియోలో విరాట్ కోహ్లీ వెంబడి చాలామంది క్రీడాకారులతోపాటు సచిన్ టెండూల్కర్, విరేంద్ర సెహ్వాగ్, హర్భజన్ సింగ్, యువరాజ్ సింగ్, అనుపం ఖేర్ మరియు రవి కిషన్ ఉన్నారు.

మరింత లోతుగా పరిశోధించుటకు, మేము విరాట్ కోహ్లీ యొక్క సోషల్ మీడియా అకౌంట్స్ ను సమీక్షించాము కాని ఈ వీడియో ఉన్న తాజా పోస్ట్ ఏదీ మాకు కనిపించలేదు . అయితే, ఆయన X హ్యాండిల్ పై ఈ వైరల్ క్లిప్ లభించింది. ఇది అక్టోబరు 27, 2016 నాడు షేర్ చేయబడింది.

Whenever you see a jawan, salute them. We get to celebrate festivals & live in peace because of them. Jai Hind 🇮🇳🇮🇳 #Sandesh2Soldiers pic.twitter.com/ncdZZ9qy9D

— Virat Kohli (@imVkohli) October 27, 2016

మేము ఈ వీడియోను దైనిక్ జాగరణ్ క్రీడా సంపాదకులు అభిషేక్ త్రిపాఠికి షేర్ చేశాము. వైరల్ వీడియో ఇటీవలిది కాదని, పాతదని ఆయన మాకు చెప్పారు.

చివరిగా, మేము పోస్ట్ ను షేర్ చేసిన యూజర్ అకౌంట్ ను స్కాన్ చేశాము. ఈ అకౌంట్ కు 5 వేలకు పైగా యూజర్లు ఫాలో చేస్తున్నారని మాకు తెలిసింది.

निष्कर्ष: దీపావళి సందర్భంగా విరాట్ కోహ్లీ భారత సైనికులకు శుభాకాంక్షలు తెలుపుతున్నట్లు ఉన్న వైరల్ వీడియో ఇటీవలి కాలములోనిది కాదని, అది 2016 నాటిదని తన దర్యాప్తులో విశ్వాస్ న్యూస్ కనుగొనింది.

ట్యాగ్స్

• Virat Kohli Diwali message