Fact Check: సిఏఏ నిరసనల సమయములో హింసను చూపించే పాత వీడియోలు తప్పుదోవపట్టించే క్లెయిమ్స్ తో వైరల్ అవుతున్నాయి

కొత్త ఢిల్లీ, విశ్వాస్ న్యూస్: ఒక రైల్వే స్టేషన్ ను కొంతమంది ధ్వంసం చేయడాన్ని చూపించే వీడియో ఒకటి తప్పుడు క్లెయిమ్స్ తో సోషల్ మీడియా వేదికలపై విస్తృతంగా షేర్ చేయబడుతోంది. మతపరమైన కోణం అందించబడిన ఈ వీడియో, బెంగాల్ లోని నవ్‎పరా మహిషాసుర్ రైల్వే స్టేషన్ వద్ద ఒక సంఘటనను చూపుతోంది అని ఆరోపిస్తోంది. రైలు కూతల వలన అంతరాయం కలిగిన కొంతమంది వ్యక్తులు స్టేషన్ కు వెళ్ళి దానిని ధ్వంసం చేయడం ప్రారంభించారు అని క్లెయిమ్ చేయబడింది.

విశ్వాస్ న్యూస్ దర్యాప్తు నిర్వహించి ఆ వైరల్ వీడియో ఇటీవలి సంఘటనకు సంబంధించినది కాదు అని నిర్ణయించింది. అది సిటిజన్షిప్ అమెండ్మెంట్ ఆక్ట్ (సిఏఏ) కు వ్యతిరేకంగా 2019లో పశ్చిమ బెంగాల్ లో జరిగిన నిరసనల ఫుటేజ్. ఈ వీడియో ఇప్పుడు తప్పుదోవపట్టించే క్లెయిమ్స్ తో మతపరమైన నమ్మకాలను ప్రేరేపిస్తూ షేర్ చేయబడుతోంది.

ఏది వైరల్ అవుతోంది?

‘రొహ్తాష్  బన్సాల్’ అనే ఒక ఫేస్‎బుక్ యూజర్ అక్టోబరు 7, 2023 నాడు, ‘ముర్షీదాబాద్, పశ్చిమ బెంగాల్ లోని నవ్‎పరా మహిషాసుర్ రైల్వే స్టేషన్ పూర్తిగా ధ్వంసం చేయబడింది మరియు నాశనం చేయబడింది. రైలు కూత తన ప్రార్ధనలకు అంతరాయం కలిగిస్తోంది అని పేర్కొనబడింది. మదార్సాకు చెందిన, గూండాల వయసు చూడండి. బెంగాల్, అలాగే భారతదేశ భవిష్యత్తును మీరు చూడగలుగుతున్నారా?” అనే క్లెయిమ్ తో ఈ వీడియోను షేర్ చేశారు.

దర్యాప్తు:

ఈ క్లెయిమ్స్ ను తనిఖీ చేయటానికి విశ్వాస్ న్యూస్ దర్యాప్తు చేసింది. ఇన్విడ్ టూల్ ఉపయోగించి మేము వీడియో నుండి కీఫ్రేమ్స్ తీసుకున్నాము మరియు గూగుల్ రివర్స్ ఇమేజ్ సెర్చ్ చేశాము. ఈ వీడియో వైల్డ్ ఫిల్మ్స్ ఇండియా అనే యూట్యూబ్ ఛానల్ పై నవంబరు 18, 2020 నాడు అప్లోడ్ చేయబడింది. ఈ వీడియో 2019లో బెంగాల్ లో సిఏఏకు వ్యతిరేకంగా జరిగిన నిరసనలకు సంబంధించినది. 2019 లో ఫేస్‎బుక్ పై ఇటువంటి వీడియోలు షేర్ చేయబడ్డాయని తర్వాత జరిపిన అన్వేషణలో వెల్లడి అయ్యింది. ఇవన్నీ ముర్షీదాబాద్ జిల్లా, బెంగాల్ లోని రైల్వే స్టేషన్ లో జరిగిన సంఘటనల గురించి తెలుపుతున్నాయి.

వైరల్ వీడియో యొక్క ఒక పెద్ద వర్షన్  మొహమ్మద్ అజాజ్ అహ్మద్ అనే యూట్యూబ్ ఛానల్ పై కనిపించింది, ఇది డిసెంబరు 14, 2019 నాడు సిఏఏకు వ్యతిరేకంగా నిరసనను సూచించే ఒక వివరణతో అప్లోడ్ చేయబడింది.

ఒక స్థానిక వెబ్సైట్, ఈఐ, తేది డిసెంబరు 15, 2019 నాటి ఒక నివేదిక  ను తదుపరి దర్యాప్తు వెల్లడించింది. ఈ నివేదికలో ముర్షీదాబాద్ జిల్లాలోని రైల్వే స్టేషన్ వద్ద జరిగినటువంటి హింసాత్మక మరియు విధ్వంసకర సంఘటనలతో సహా బెంగాల్ లో అనేక ప్రాంతాలలో జరిగిన సిఏఏకు వ్యతిరేకంగా జరిగిన నిరసనల, గురించి వివరించింది. రాష్ట్ర ప్రభుత్వము ఇటువంటి హింసలో తలదూర్చవద్దు అని ప్రజలను అభ్యర్ధించారు.

అదనంగా, మాకు బెంగాల్ నుండి ఒక స్థానిక యూట్యూబ్ ఛానల్ NTVWB న్యూస్ పై ఒక నివేదిక కూడా లభించింది. ఇందులో డిసెంబరు 14, 2019లోని వీడియో నివేదికలో చూపించిన విధంగా సిఏఏ నిరసనల సమయములో ముర్షీదాబాద్ జిల్లాలోని నవ్‎పరా మహిషాసుర్ స్టేషన్ వద్ద లైన్ విరగ్గొట్టడాన్ని వివరించబడింది.

ముర్షీదాబాద్ జిల్లాకు చెందిన స్థానిక విలేఖరి ఆనంద్ సాహా ఈ వీడియో 2019లో తీయబడిందని మరియు నవ్‎పరా మహిషాసుర్ రైల్వే స్టేషన్ తో సహా అనేక రైల్వే స్టేషన్ల వద్ద విధ్వంసముతో సహా హింసాత్మక సంఘటనలు జరిగిన సిఏఏకు వ్యతిరేకంగా జరిగిన నిరసనలకు సంబంధించినది అని ధృవీకరించారు.

తప్పు క్లెయిమ్స్ తో వీడియోను షేర్ చేసిన ఫేస్‎బుక్ యూజర్ కు అతితక్కువ ఫాలోయింగ్ ఉంది మరియు ఒక నిర్దిష్ట భావజాలముతో జతపడిన పోస్ట్స్ షేర్ చేశారు.

ముగింపు: రైల్వే స్టేషన్ యొక్క విధ్వంసాన్ని చూపుతున్న వైరల్ వీడియో ఇటీవల తీసినది కాదని 2019లో పశ్చిమ బెంగాల్ లో సిఏఏకు వ్యతిరేకంగా జరిగిన నిరసనల నుండి తీసుకున్నది అని విశ్వాస్ న్యూస్ కనుగొనింది. ఫుటేజ్ కు ఒక మతపరమైన రంగును పులిమి, ఇది తప్పు క్లెయిమ్స్ తో షేర్ చేయబడింది.

ట్యాగ్స్

• CAA Protest
• West Bengal