వాస్తవ తనిఖీ: గురుగ్రాం సూట్‎కేసులో శవము కేసులో, నిందితుడు మరియు బాధితుడు ఒకే వర్గానికి చెందినవారు, ఎలాంటి వర్గకోణం లేదు

కొత్త ఢిల్లీ (విశ్వాస్ న్యూస్). ఒక 53 క్షణాల వీడియో సోషల్ మీడియాపై చక్కర్లుకొడుతోంది, ఇందులో పోలీసులు ఒక సూట్‎కేసు నుండి ఒక శవాన్ని తీయడం చూడవచ్చు. యూజర్లు ఒక ముస్లిం యువకుడు తన హిందు భార్యను హత్య చేశాడని క్లెయిమ్ చేస్తూ ఈ కేసుకు ఒక వర్గ కోణాన్ని ఆపాదించేందుకు ప్రయత్నిస్తున్నారు. తన విచారణలో విశ్వాస్ న్యూస్ ఈ క్లెయిమ్ తప్పుదోవపట్టించేది అని కనుగొనింది. ఈ సంఘటనలో, నిందితుడు మరియు ఆ బాలిక ఒకే మతానికి చెందిన వారు. ఎలాంటి వర్గ కోణము లేదు.

వైరల్ పోస్ట్ లో ఏముంది

ట్విట్టర్ యూజర్ యోగి యోగేష్ అగర్వాల్ (ధర్మసేన) (ఆర్కైవ్ లింక్) అక్టోబరు 20 నాడు వీడియోను పోస్ట్ చేస్తూ ఇలా వ్రాశారు, “అనువాదము: హిందు బాలికల ఆత్మలు చనిపోయాయా, వారికి తమ మతము, సంస్కృతి పట్ల ఎలాంటి అనుబంధం లేదా. ఇదే కొనసాగితే ఈ సూట్‎కేసు శవాలు కనిపిస్తాయి. తన అబ్దుల్ పై నమ్మకం కలిగిన మరొక హిందు బాలిక కూడా గురుగ్రాం లోని ఐఎఫ్‎ఎఫ్‎సిఓ చౌక్ లో కనిపించింది. సెర్చ్ కొనసాగుతోంది.”

దర్యాప్తు

వైరల్ క్లెయిమ్ ను తనిఖీ చేయుటకు, మేము ఇన్విడ్ సాధనము సహాయముతో వీడియో యొక్క కీఫ్రేం ను సేకరించాము మరియు దానిని గూగుల్ రివర్స్ ఇమేజ్ తో సెర్చ్ చేశాము. గురుగ్రాం న్యూస్ అనే యూట్యూబ్ ఛానల్ పై మాకు ఒక వీడియో రిపోర్ట్ కనిపించింది. ఇందులో వైరల్ అయిన విజువల్స్ చూడవచ్చు. వార్తల ప్రకారం, “గురుగ్రాం లోని ఐఎఫ్‎ఎఫ్‎సిఓ చౌక్ వద్ద సూట్‎కేసులో మహిళ శవము కేసు మిస్టరీని 24 గంటలలోపల గురుగ్రాం పోలీసులు పరిషరించారు. నిందితుడి పేరు రాహుల్ అని చెప్పారు”. వీడియోలో ఏసిపి క్రమ్ గురుగ్రాం, ప్రీత్‎పాల్ సింగ్ యొక్క బైట్ కూడా ఉంది, ఇందులో ఆయన నిందితుడి పేరు రాహుల్ అని ఆయన స్పష్టం చెప్పడం వినవచ్చు.

అక్టోబర్ 20 నాటి timesofindia.indiatimes.com రిపోర్ట్ లో, ఇదే విషయం ప్రస్తావించబడింది, ఆ బాలిక పేరు ప్రియాంక అని, నిందితుడి పేరు రాహుల్ అని చెప్పబడింది. వార్తల ప్రకారం, “ఐఎఫ్‎ఎఫ్‎సిఓ చౌక్ వద్ద వదిలివేయబడిన ఒక సూట్‎కేసులో మహిళ శరీరము కనిపించిన రెండు రోజుల తరువాత, పోలీసులు ఆమెను గుర్తించారు మరియు ఆమెను హత్య చేసినందుకు ఆమె భర్తను అరెస్ట్ చేశారు. ఆ జంట ఉత్తర్ ప్రదేశ్ సుల్తాన్‎పూర్ కు చెందిన రాహుల్ అలియాస్ చోటా (22) మరియు ప్రియాంక (21) అని పోలీసులు చెప్పారు.

మరింత సమాచారము కొరకు, విశ్వాస్ న్యూస్ సునీల్ ఝా, దైనిక్ జాగరణ్ యొక్క హర్యాణా డిజిటల్ ఇన్‎చార్జ్ ను సంప్రదించింది. ఆయన మాతో ఇలా అన్నారు, “వైరల్ క్లెయిమ్ తప్పుదోవపట్టించేది. ఈ సంఘటనలో, నిందితుడు మరియు బాధితురాలు ఇద్దరూ హిందువులే. ఈ కేసులో ఎలాంటి వర్గ కోణం లేదు.”

మేము తప్పుదోవపట్టించే ఒక క్లెయిమ్ తో వీడియోను షేర్ చేసిన ట్విట్టర్ యూజర్ యోగి యోగేష్ అగర్వాల్ (ధర్మసేన) యొక్క ప్రొఫైల్ ను స్కాన్ చేశాము. ఈ యూజర్ కు 2,938 ఫాలోయర్స్ ఉన్నారు.

ముగింపు: విశ్వాస్ న్యూస్ తన విచారణలో వైరల్ క్లెయిమ్ తప్పుదోవపట్టించేది అని కనుగొనింది. ఈ సంఘటనలో, నిందితుడు మరియు బాధితురాలు ఇద్దరూ హిందువులే. ఈ కేసులో ఎలాంటి వర్గ కోణం లేదు.

ట్యాగ్స్

• Fact Check
• Gurugram Murder case
• Gurugram Suitcase