వాస్తవ తనిఖీ: అమిత్ షా, మమతా బెనర్జీ ఉన్న ఈఫోటోకు బెంగాల్ ఎన్నికలతో సంబంధం లేదు, పాత ఫోటో వైరల్
హోంమంత్రి అమిత్ షా, పశ్చిమ బెంగాల్ ముఖ్యమంత్రి మమతా బెనర్జీల పాత చిత్రం తప్పుడు వాదనలతో సోషల్ మీడియాలో వైరల్ అవుతోంది. భువనేశ్వర్‌లో తూర్పు జోనల్ కౌన్సిల్ సమావేశం తరువాత తీసిన ఈ ఫోటో ఇప్పుడు వైరల్ అవుతోంది. ఇది ఇప్పుడు బెంగాల్ ఎన్నికలతో తప్పుగా ముడిపెట్టి వైరల్ చేస్తున్నారు.
- By: Abhishek Parashar
- Published: Dec 7, 2020 at 05:22 AM
- Updated: Dec 7, 2020 at 01:26 PM
హైదరాబాద్‌ (విశ్వాస్ న్యూస్) : సోషల్ మీడియాలో వైరల్ అవుతున్న ఈ ఫోటోలో హోంమంత్రి అమిత్ షా, మమతా బెనర్జీలను డైనింగ్ టేబుల్ వద్ద చూడవచ్చు. బెంగాల్‌లో అసెంబ్లీ ఎన్నికలకు ముందు ఇరువురు నాయకులు సమావేశమయ్యారని క్లెయిమ్ చేస్తున్నారు.
విశ్వాస్ న్యూస్ దర్యాప్తు చేసి, ఈ వైరల్ దావా నకిలీదని కనుగొనడం జరిగింది. వైరల్ ఫోటో పాతది మరియు దీనికి బెంగాల్ ఎన్నికలతో సంబంధం లేదు.
దావా :
‘AIMIM Jamshedpur’ అనే ఫేస్‌బుక్ యూజర్ ఈ వైరల్ ఫోటోను (ఆర్కైవ్ లింక్) షేర్‌ చేశారు. ‘అల్పాహారం సమయంలో బెంగాల్ ఎన్నికలపై చర్చ. కానీ అంధులు ఒవైసీని ఏజెంట్ అని పిలుస్తారు.. బిజెపి ఏజెంట్ ఎవరు, ఇక్కడ కూర్చున్న ఆహారాన్ని ఎవరు తింటున్నారో మీరు చూడవలసిన సమయం వచ్చింది, వారంతా ఒకే వ్యక్తులు. ఏజెంట్ ఎవరు, మొదట చూడండి మరియు మాట్లాడండి.’ అని ఆ ఫోటోకు రైటప్‌ ఇచ్చారు.
ట్విట్టర్ యూజర్ ‘మహ్మద్ అసరాఫ్ అన్సారీ’ కూడా ఇదే ఫోటోను ఇదే వాదనతో షేర్‌ చేశారు:
దర్యాప్తు :
ఈ ఫోటోలో కేంద్ర హోంమంత్రి అమిత్ షా, బీహార్ ముఖ్యమంత్రి నితీష్ కుమార్, పశ్చిమ బెంగాల్ ముఖ్యమంత్రి మమతా బెనర్జీ, ఒడిశా ముఖ్యమంత్రి నవీన్ పట్నాయక్ డైనింగ్ టేబుల్ వద్ద కూర్చుని ఉండటాన్ని చూడవచ్చు. గూగుల్ రివర్స్ ఇమేజ్ సాధనాన్ని ఉపయోగించి గూగుల్‌లో శోధిస్తున్నప్పుడు, మేము చాలా వార్తా కథనాల్లో ఈ వైరల్ ఫోటోను కనుగొన్నాము.
ఎన్డీటివి వెబ్‌సైట్‌లో ప్రచురించిన కథనం ప్రకారం, హోంమంత్రి అమిత్ షా మరియు బెంగాల్ ముఖ్యమంత్రి మమతా బెనర్జీ తూర్పు రాష్ట్రాల ఫోరం అయిన తూర్పు జోనల్ కౌన్సిల్ (ఇజెడ్‌సి) సమావేశంలో పాల్గొనడానికి భువనేశ్వర్‌కు వెళ్లారు. ఈ సమావేశానికి హోంమంత్రి అమిత్ షా అధ్యక్షత వహించారు. ఈ సమావేశంలో ఒడిశా ముఖ్యమంత్రి నవీన్ పట్నాయక్, బీహార్ ముఖ్యమంత్రి నితీష్ కుమార్ కూడా పాల్గొన్నారు.
సమావేశం తరువాత, నవీన్ పట్నాయక్ తన అధికారిక నివాసంలో హోంమంత్రికి మరియు ఇతర తూర్పు రాష్ట్రాల ముఖ్యమంత్రుల కోసం విందు కార్యక్రమం ఏర్పాటు చేశారు. వైరల్ అవుతున్న ఈ ఫోటోను నవీన్ పట్నాయక్ తన ట్విట్టర్ ప్రొఫైల్‌లో షేర్‌ చేశారు.
ఈ ఫోటోలు బెంగాల్ ఎన్నికలకు సంబంధించినవి అనే వాదనను దైనిక్ జాగరణ్‌ పశ్చిమ బెంగాల్ బ్యూరో చీఫ్ జెకె వాజ్‌పేయి తోసిపుచ్చారు, ‘ఇది హోంమంత్రి అమిత్ షా మరియు బెంగాల్ ముఖ్యమంత్రి మమతా బెనర్జీ తూర్పు రాష్ట్రాల ఫోరం, ఈస్టర్న్‌ జనరల్‌ కౌన్సిల్ (EZC) సమావేశం కోసం భువనేశ్వర్‌కు వెళ్లినప్పుడు తీసిన చాలా నెలల క్రితం నాటి చిత్రం. ఈ సమావేశానికి హోంమంత్రి అమిత్ షా అధ్యక్షత వహించారు.’ అని చెప్పారు.
తప్పుడు దావాను పంచుకున్న యూజర్ ప్రొఫైల్‌ను మేము సోషల్ స్కాన్ చేసాము. ఈ యూజర్‌కు ఒకటిన్నర మిలియన్ల మందికి పైగా ఫాలోవర్లు ఉన్నట్లు కనుగొన్నాము.
निष्कर्ष: హోంమంత్రి అమిత్ షా, పశ్చిమ బెంగాల్ ముఖ్యమంత్రి మమతా బెనర్జీల పాత చిత్రం తప్పుడు వాదనలతో సోషల్ మీడియాలో వైరల్ అవుతోంది. భువనేశ్వర్‌లో తూర్పు జోనల్ కౌన్సిల్ సమావేశం తరువాత తీసిన ఈ ఫోటో ఇప్పుడు వైరల్ అవుతోంది. ఇది ఇప్పుడు బెంగాల్ ఎన్నికలతో తప్పుగా ముడిపెట్టి వైరల్ చేస్తున్నారు.
- Claim Review : అమిత్ షా, మమతా బెనర్జీ బెంగాల్‌లో అసెంబ్లీ ఎన్నికలకు ముందు సమావేశమయ్యారు.
- Claimed By : FB User-AIMIM Jamshedpur
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
