Fact Check: కాంగ్రెస్ ఎంఎల్‎ఏ తన భార్య చేతిని పట్టుకోవడాన్ని చూపించే వీడియో తప్పుదోవపట్టించే క్లెయిమ్ తో షేర్ చేయబడింది

కొత్త ఢిల్లీ (విశ్వాస్ న్యూస్). హర్యాణా మరియు జమ్ము & కాశ్మీర్ లలో ఇటీవల ఎన్నికలు ముగిసాయి మరియు ఎన్నికల కమిషన్ మహారాష్ట్ర మరియు జార్ఖండ్ రాష్ట్రాలలో రాబోయే ఎన్నికల తేదీలను ప్రకటించింది. ఎన్నికల సీజన్ జోరు అందుకోవడముతో, రాజకీయ పార్టీలు తమ తమ తయారీలలో నిమగ్నం అయ్యాయి. కాగా, ఒక వీడియో సోషల్ మీడియాపై వైరల్ అవుతోంది. ఇందులో ఒక వ్యక్తి ఒక మహిళకు పూలదండ వేసిన తరువాత బలవంతంగా ఆమె చేతిని తీసుకొని కరచాలనం చేయడం మరియు ఫ్లైయింగ్ కిస్ భంగిమ చేయడం చూడవచ్చు. ఈ వీడియోను షేర్ చేస్తూ కొంతమంది సోషల్ మీడియా యూజర్లు ఈ మహిళను అవమానించింది కాంగ్రెస్ నేత అని క్లెయిమ్ చేస్తున్నారు.

విశ్వాస్ న్యూస్ ఈ క్లెయిమ్ గురించిన వాస్తవ-తనిఖీ చేసింది మరియు ఈ క్లెయిమ్ తప్పుదోవపట్టించేది అని కనుగొనింది. వీడియోలో ఉన్న వ్యక్తి కాంగ్రెస్ ఎంఎల్‎ఏ తారాప్రసాద్ బహినీపతి మరియు ఆయన అభిమానం చూపుతున్న మహిళ ఆయన భార్య మీనాక్షి బహినీపతి.

వైరల్ పోస్ట్ లో ఏముంది?

ఫేస్‎బుక్ యూజర్ సుతర్శన్  రామకృష్ణన్ (ఆర్కైవ్ లింక్) అక్టోబరు 11 నాడు ఒక వీడియోను పోస్ట్ చేస్తూ ఇలా వ్రాశారు, “సీనియర్ కాంగ్రెస్ నేత ఒక మహిళను కాంగ్రెస్ సభ్యురాలిగా గౌరవంగా ఆహ్వానిస్తున్నారు. ఏదో ఒకటి చెప్పి వెళ్ళండి.”

దర్యాప్తు

వైరల్ పోస్ట్ ను విచారించుటకు, మేము గూగుల్ లెన్స్ ఉపయోగించి వీడియో యొక్క కీ ఫ్రేమ్స్ కొరకు సెర్చ్ చేశాము. మాకు న్యూస్ 18 ఒడియా యొక్క యూట్యూబ్ ఛానల్ పై డిసెంబరు 29, 2022 నాడు అప్లోడ్ చేయబడిన ఈ వీడియో లభించింది. దీనికి ମଞ୍ଚ ଉପରୁ ఫ్లయింగ్ కిస్ କରିଚାଲିଲେ తారాప్రసాద్ బహినీపతి । రాజకీయనాయకుడు । వైరల్ వీడియో । ఒడియా న్యూస్ అనే శీర్షిక ఇవ్వబడింది. దీని అనువాదం, “తారాప్రసాద్ బహినీపతి వేదికపై నుండి ఒక ఫ్లయింగ్ కిస్ ఇచ్చారు.”

మాకు న్యూస్ వెబ్సైట్ పై తాజాగా జనవరి 9, 2023 నాడు ప్రచురించబడిన సంబంధిత వార్త లభించింది. ఈ వార్తా నివేదిక ప్రకారము కాంగ్రెస్ ఎంఎల్‎ఏ తారాప్రసాద్ బహినీపతి ఒక ఈవెంట్ సమయములో తన భార్య మీనాక్షి బహినీపతికి ఫ్లైయింగ్ కిస్ ఇస్తూ కనిపించారు. తారాప్రసాద్ జైపూర్ ఒడిశా అసెంబ్లీకి చెందిన ఎంఎల్‎ఏ.

మాకు ఈ వైరల్ వీడియో బహినీపతి యొక్క అధికారిక ఫేస్‎బుక్ పేజ్, పై కూడా లభించింది. ఇందులో ఆయన భార్య ఆయన పక్కన నిలబడి ఉండటాన్ని చూపే ఈవెంట్ నుండి రెండు అదనపు క్లిప్స్ కూడా ఉన్నాయి.

అసత్యపు క్లెయిమ్ తో వైరల్ పోస్ట్ గతములో కూడా వైరల్ అయ్యింది. ఇదివరకు విశ్వాస్ న్యూస్ కాంగ్రెస్ ఎంఎల్‎ఏ తారాప్రసాద్ ను సంప్రదించినప్పుడు, ‘వైరల్ వీడియోలో నా పక్కన ఉంది నా భార్య’ అని ఆయన ధృవీకరించారు.

వీడియోను షేర్ చేసిన ఫేస్‎బుక్ యూజర్ ‘సుతర్శన్ రామకృష్ణన్’ యొక్క ప్రొఫైల్ ను మేము స్కాన్ చేశాము. ఆయన ప్రొఫైల్ ప్రకారము, ఆయన తమిళనాడులో నివసిస్తున్నారు మరియు ఫేస్‎బుక్ పై 5వేలకు పైగా స్నేహితులు ఉన్నారు..

ముగింపు: వైరల్ వీడియోలో, ఒడిశా ఎంఎల్‎ఏ తారాప్రసాద్ బహినీపతి తన భార్య మీనాక్షికి పూలదండ వేసిన తరువాత కరచాలనం చేశారు. యూజర్లు సోషల్ మీడియాపై తప్పుదోవపట్టించే క్లెయిమ్ తో వీడియోను సర్క్యులేట్ చేస్తున్నారు.