Fact Check: కేజ్రివాల్ తీహార్ రోజుల గురించి సిఎం అతీషి దీనిని పోస్ట్ చేయలేదు, వైరల్ అయిన ట్వీట్ పారడీ ఖాతా నుండి ఉత్పన్నం చేయబడింది

కొత్త ఢిల్లీ (విశ్వాస్ న్యూస్). ఢిల్లీ ముఖ్యమంత్రి అతీషి మర్లేనాకు తప్పుగా ఆపాదించబడిన ఒక వైరల్ X పోస్ట్ లో మాజీ ఢిల్లీ సిఎం అరవింద్ కేజ్రీవాల్ తీహార్ జైలులో లైంగిక వేధింపులకు గురి అయ్యారని క్లెయిమ్ చేయబడింది. అతీషి ప్రొఫైల్ చిత్రము ఉన్న ఈ పోస్ట్, సోషల్ మీడియాపై విస్తృతంగా షేర్ చేయబడుతోంది. దీనితో యూజర్లు కేజ్రీవాల్ ను వెక్కిరిస్తున్నాము.

ఈ వైరల్ క్లెయిమ్ అసత్యమని వైరల్ న్యూస్ దర్యాప్తులో కనుగొనబడింది. వైరల్ పోస్ట్ నిజం కాదు కాని ఒక పారడీ ఖాతా నుండి తయారు చేయబడింది మరియు అసత్యపు క్లెయిమ్స్ తో విస్తృతంగా షేర్ చేయబడుతోంది.

ఏది వైరల్ అవుతోంది?

నవంబరు 13, 2024 నాడు  ఫేస్‎బుక్  యూజర్ ‘భాస్కర్ భట్టార్‎జీ‘ వైరల్ పోస్ట్ ను ఈ శీర్షికతో షేర్ చేశారు, “ఢిల్లీ ప్రజలు బిజేపిని ఓడించడం ద్వారా తీహార్ జైలులో కేజ్రీవాల్ పై దౌర్జన్యాలు మరియు లైంగిక వేధింపులకు స్పందిస్తారు”.

దర్యాప్తు

వైరల్ క్లెయిమ్ యొక్క ప్రామాణికతను ధృవీకరించుటకు మేము సంబంధిత కీవర్డ్స్ ఉపయోగించి ఒక గూగుల్ సెర్చ్ నిర్వహించాము, కాని సిఎం అతీషి దానిని పోస్ట్ చేశారనే క్లెయిమ్ కు మద్ధతుగా మాకు ఎలాంటి విశ్వసనీయమైన వార్తా నివేదిక లభించలేదు.

దర్యాప్తును కొనసాగిస్తూ, మేము అతీషి యొక్క అధికారిక X ఖాతాను కూడా సమీక్షించాము. మాకు అక్కడ కూడా అలాంటి పోస్ట్ ఏదీ లభించలేదు. తరువాత మేము వైరల్ పోస్ట్ ను నిశితంగా పరిశీలించాము మరియు పరిచయములో @atishi_maarlena పేర్కొనబడింది, కాని సిఎం అతీషి యొక్క అధికారిక X ఖాతా యూజర్‎నేం @AtishiAAP. మేము వైరల్ పోస్ట్ లో పేర్కొనబడిన @atishi_maarlena అనే పేరు ఉన్న ఖాతా కొరకు సెర్చ్ చేయడం ప్రారంభించాము.

దర్యాప్తులో, @atishi_maarlena అనేది సిఎం అతీషి నకలును చూపించే ఒక పారడీ ఖాతా అని కనుగొనబడింది. పోస్ట్ ఈ ఖాతా  నుండి నవంబరు 12, 2024 నాడు షేర్ చేయబడింది. ఖాతా యొక్క బయోలో ఇది ఒక పారడీ ఖాతా అని వ్రాయబడింది. ఈ ట్వీట్స్ సరదాగా మరియు వ్యంగ్యమ్గా చేయబడినవి మరియు ఎవరినీ ఉద్దేశించినవి కాదు. ఇది అతీషి యొక్క ఫ్యాన్ ఖాతా.

మరింత సమాచారము కొరకు, మేము దైనిక్ జాగరణ్ కొరకు ఆం ఆద్మీ పార్టి సంబంధిత వార్తలను కవర్ చేసే విలేఖరి వికే శుక్లగారిని సంప్రదించాము. ఈయన వైరల్ క్లెయిమ్ అసత్యమని మరియు సిఎం అతీషి ఇలాంటి విషయం ఏదీ పోస్ట్ చేయలేదని ధృవీకరించాము.

చివరిగా, వైరల్ పోస్ట్ ను షేర్ చేసిన యూజర్ యొక్క ఫేస్‎బుక్ ఖాతాను స్కాన్ చేసి ఈ యూజర్ అసోం లో నివసిస్తారని మరియు 6000 మంది ఫాలోయర్స్ ఉన్నారని కనుగొన్నాము.

ముగింపు: కేజ్రీవాల్ పై లైంగిక వేధింపుకు సంబంధించిన సిఎం అతీషీ యొక్క పోస్ట్ అసత్యమని విశ్వాస్ న్యూస్  దర్యాప్తు వెల్లడించింది. వైరల్ పోస్ట్ నకిలీది మరియు ఒక పారడీ ఖాతా నుండి ఉత్పన్నం అయింది.