Fact Check: చెట్ల సమూహము నుండి ఉద్భవించిన, ప్రధాని మోడీ యొక్క ఈ చిత్రము AI-ద్వారా ఉత్పన్నం చేయబడింది

విశ్వాస్ న్యూస్ (కొత్త ఢిల్లీ) – సోషల్ మీడియాపై చక్కర్లు కొడుతున్న ఒక వైరల్ చిత్రములో ప్రధాన మంత్రి మోడీ ముఖాన్ని పోలినట్లుగా వంగిన ఒక ద్వీపముపై ఉన్న చెట్ల సమూహాన్ని చూపుతుంది. దీనిని గోకర్ణ, కర్ణాటక దగ్గర ఒక ఫ్రెంచ్ పర్యాటకుడు తీశారు అని విశ్వసించిన యూజర్లు, ఈ చిత్రాన్ని షేర్ చేస్తున్నారు.

విశ్వాస్ న్యూస్ దర్యాప్తు నిర్వహించి ఇది AI-ద్వారా ఉత్పన్నం చేయబడిన చిత్రము అని కనుగొనింది.

ఏది వైరల్ అవుతోంది?

ఒక ఫేస్‎బుక్ యూజర్ రాజన్న కొరవి ఈ శీర్షికతో వైరల్ చిత్రన్ని షేర్ చేశారు, “గోకర్ణ (కర్ణాటక) దగ్గర ఒక ఫ్రెంచ్ పర్యాటకుడు ఈ చిత్రాన్ని తీశారు, మీ అభిప్రాయం ఏమిటి?”

ఆర్కైవ్డ్ పోస్ట్ ను మీరు ఇక్కడ చూడవచ్చు.

దర్యాప్తు:

విశ్వాస్ న్యూస్ గూగుల్ రివర్స్ ఇమేజ్ సెర్చ్ ను నిర్వహించింది, మరియు ఇదే చిత్రముlivemint.com మరియు హిందుస్తాన్ టైమ్స్ వంటి వార్తా వెబ్సౖట్స్ పై వార్తా నివేదికలలో కనుగొనింది. నివేదికల ప్రకారము, ఈ చిత్రాన్ని AI సాధనాలను ఉపయోగించి మాధవ్ కోహ్లి సృష్టించారు మరియు మైక్రోబ్లాగింగ్ సైట్ X (ఇదివరకు ట్విట్టర్) పై పోస్ట్ చేశారు. మాధవ్ కోహ్లి యొక్క ప్రొఫైల్ ప్రకారము ఆయన అనేక AI-ద్వారా ఉత్పన్నం చేయబడిన చిత్రాలను తన ఖాతాపై షేర్ చేసిన ఒక కళాకారుడు.

మాధవ్ కోహ్లి యొక్క ‘X’ ఖాతాపై మాకు ఇదే చిత్రము లభించింది, ఇందులో ఆయన AI సాధనము స్టేబుల్ డిఫ్యూషన్ ఉపయోగించి ఉత్పన్నం చేశారు అనే వ్యాఖకు సమాధానంగా ధృవీకరించారు. స్టేబుల్ డిఫ్యూషన్ అనేది ఇన్పుట్ ప్రాంప్ట్స్ ఆధారంగా చిత్రాలను ఉత్పన్నం చేసే ఒక AI సాధనము. సులభమైన పదాలలో, ఇది అందించబడిన ఇన్పుట్ ఆధారంగా చిత్రాలను సృష్టిస్తుంది.

మేము AI నిపుణుడు డా. అజర్ మాచ్వే ను కూడా సంప్రదించాము, ఆయన ఇది AI-ద్వారా ఉత్పన్నం చేయబడిన చిత్రమేనని ధృవీకరించారు. ఆకుల మధ్య ఖాళీలను ప్రస్ఫుటంగా గమనించవచ్చు అని ఆయన పేర్కొన్నారు. వీటిని ప్రధాని నరేంద్ర మోడీ య్ ఒక్క ప్రొఫైల్ సృష్టించుటకు ఉపయోగించారు.

చివరిగా, మేము అసత్యపు క్లెయిమ్ తో చిత్రాన్ని షేర్ చేసిన యూజర్ యొక్క ఖాతాను పరీక్షించాము మరియు ఆయనకు 4,000 పైగా ఫాలోయర్స్ ఉన్నారని కనుగొన్నాము.

ముగింపు: ప్రధానమంత్రి మోడీ ముఖాన్ని తలపించేలాగా వంచబడిన చెట్లను చూపే ఒక చిత్రము అసలైనది కాదని విశ్వాస్ న్యూస్ వారి దర్యాప్తులో వెల్లడి అయ్యింది. ఇది ఆర్టిఫీషియల్ ఇంటలిజెన్స్ సాధనాలు ఉపయోగించి ఉత్పన్నం చేయబడింది.