புதுடெல்லி (விஸ்வாஸ் நியூஸ்): 7.8 ரிக்டர் அளவில் ஏற்பட்ட பயங்கர நிலநடுக்கத்தில் 8,000க்கும் மேற்பட்டோர் பலியாகியுள்ள நிலையில், துருக்கி அதன் மிக மோசமான நிலையில் பாதிக்கப்பட்டுள்ளது. ஒருபுறம், செய்தி அறிக்கைகள் மீட்பு முயற்சிகள் பற்றிய விவரங்களைப் பகிர்ந்து கொள்கின்றன, அதே நேரத்தில் சில சமூக ஊடக இடுகைகள் பழைய மற்றும் தொடர்பில்லாத காணொளிகளைப் பகிர்ந்து கொண்டு, அவை நிலநடுக்கத்தைக் காட்டியதாக பொய்யாகக் கூறுகின்றன.
விஸ்வாஸ் நியூஸ் தவறான தகவலை மறுத்ததுடன், கட்டிடம் வெடித்ததைக் காட்டும் இந்த ஒரு காணொளி பழையது என்றும் அது லெபனானில் உள்ள பெய்ரூட் துறைமுகத்தில் ஆகஸ்ட் 2020-க்கு முன்பு நடந்த ஒரு சம்பவம் என்றும் கண்டறிந்தது.
முகநூல் பயனர் Inka-Hellas Ike Ike இந்த இடுகையை (காப்பக இணைப்பு) பிப்ரவரி 7 அன்று பகிர்ந்துள்ளார், அதில்: “BREAKING: துருக்கியில் நிலநடுக்கம் காரணமாக அணு ஆலை வெடித்தது என்று கூறப்பட்டுள்ளது.”
திறந்த முக்கிய சொல் தேடலின் மூலம் (துருக்கியில் ஏற்பட்ட நிலநடுக்கத்தால் அணுமின் நிலையம் வெடித்தது), முகநூல், ட்விட்டர், இன்ஸ்டாகிராம் மற்றும் யூடியுப்-ல் இதே போன்ற பல கூற்றுகளைக் விஸ்வாஸ் நியூஸ் கண்டறிந்தது.
ஆனால் சர்வதேச, தேசிய மற்றும் உள்ளூர் ஊடக அறிக்கைகளை (ஜாக்ரன், ராய்ட்டர்ஸ், பிபிசி, ஹுரியட்) நாங்கள் சரிபார்த்தபோது, நிலநடுக்கம் ஏற்பட்ட பகுதியில் உள்ள அணுசக்தி தளத்தில் வெடிப்பு நிகழ்ந்ததாகக் குறிப்பிடப்படவில்லை. உலக சுகாதார அமைப்பு (WHO) மற்றும் ஐக்கிய நாடுகள் சபை (UN), கூட இது போன்ற எந்த சம்பவத்தையும் தெரிவிக்கவில்லை.
அடுத்து, துருக்கியில் உள்ள மெர்சின் மாகாணத்தில் தற்போது ஒரே ஒரு அணுமின் நிலையம் – அக்குயு அணுமின் நிலையம் – மட்டுமே கட்டப்பட்டு வருகிறது என்பதை நாங்கள் சோதித்தோம். இந்த நிலநடுக்கத்தால் அணுமின் நிலையத்திற்கு எந்த பாதிப்பும் ஏற்படவில்லை என அசோசியேட்டட் பிரஸ் (AP) தெரிவித்துள்ளது.
அணுசக்தி பற்றிய செய்திகளை வெளியிடும் வேர்ல்ட் நியூக்ளியர் நியூஸ் என்ற இணையதளமும் இதையே தெரிவித்துள்ளது.
மேலும், InVID கருவி மூலம் காணொளியில் இருந்து கீஃப்ரேம்களை ஆராய்ந்ததில், அந்த காணொளி லெபனானின் பெய்ரூட்டில் இருந்து வெளியானது என்பதைக் கண்டறிந்தோம். யுஎஸ்ஏ டுடே, ஆகஸ்ட் 4, 2020 அன்று அந்தச் சம்பவத்தை அறிவித்தது.
இங்கேயும் அங்கேயும் போன்ற பல செய்தி நிறுவனங்கள் இதே சம்பவத்தை தெரிவித்தன. இந்த அறிக்கைகளின்படி, பெய்ரூட் துறைமுகத்தில் ஏற்பட்ட தீ விபத்தில் ஒரு கிடங்கில் கடந்த ஆறு ஆண்டுகளாக முறையற்ற விதத்தில் சேமிக்கப்பட்ட 2,750 டன் அம்மோனியம் நைட்ரேட் வெடித்தது.
இறுதியாக, துருக்கியின் முன்னணி செய்தி இணையதளமான Hurriyet Daily News.இன் நிர்வாக ஆசிரியரான Özgür Korkmaz -ஐ நாங்கள் மின்னஞ்சல் வழியாக தொடர்பு கொண்டோம். அதற்கு அவர், “செயல்பாட்டில் உள்ள அணு உலை இந்தப் பகுதியில் இல்லை. மெர்சினில் ஒரு அணு உலை கட்டுமானத்தில் உள்ளது, ஆனால் அதன் கட்டுமானம் இன்னும் ஆரம்ப கட்டத்தில் தான் உள்ளது” என்று பதிலளித்தார்,
பெய்ரூட்டில் ஏற்பட்ட வெடிப்பின் பழைய காட்சிகள் துருக்கியில் உள்ள அணுமின் நிலைய வெடிப்பு என்ற கூற்றுடன் தற்போதைய நிலநடுக்கத்தின் போது கடந்து வந்ததை இது சுருக்கமாகக் கூறுகிறது.
பிப்ரவரி 6, 2023 அன்று, முதல் நான்கு நிலநடுக்கங்கள் தெற்கு துருக்கி மற்றும் வடமேற்கு சிரியாவில் அதிகாலையில் தாக்கியது. இரு நாடுகளிலும், பல நிலநடுக்கங்களால் பல கட்டிடங்கள் இடிந்து விழுந்தன, சுமார் 9,000 பேர் பலியாகினர்.
வைரலான கூற்றைப் பகிர்ந்த பயனரின் சமூக ஊடக தேடல் செய்ததில், அவர் கிரீஸின் ரோட்ஸில் வசிப்பதாகவும், அவருக்கு முகநூலில் 548 நண்பர்கள் இருப்பதையும் விஸ்வாஸ் நியூஸ் கண்டறிந்தது.
முடிவு: துருக்கியின் பூகம்பங்கள் சமூக ஊடகங்களில் பல தவறான மற்றும் திசை திருப்பும் காணொளிகளை தூண்டின. துருக்கியில் ஏற்பட்ட நிலநடுக்கத்தால் அணுமின் நிலையம் வெடித்து சிதறியதாக காணொளி ஒன்று கூறுகிறது. இருப்பினும், ஆகஸ்ட் 4, 2020 முதல் பெய்ரூட் துறைமுக குண்டுவெடிப்பை காணொளி காட்டுவதால் அது பொய்யானது என்று நிரூபணமாகியுள்ளது; காட்சிகள் துருக்கியை சார்ந்தது அல்ல.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923