Fact Check: ஹினா கான் மார்பக புற்றுநோயுடன் போராடும் இந்த உணர்ச்சிகரமான வீடியோ ரமலான் காலத்தில் எடுக்கப்பட்டது

புது தில்லி (விஷ்வாஸ் நியூஸ்). தொலைக்காட்சி நடிகை ஹினா கான் தனக்கு மார்பக புற்றுநோய் இருப்பது கண்டறியப்பட்ட செய்தியை சமீபத்தில் தனது சமூக ஊடக அக்கவுண்ட் மூலம் பகிர்ந்துள்ளார். அப்போதிருந்து, அவரது வீடியோ ஒன்று வைரலாகி வருகிறது, அதில் அவர் ஹிஜாப் அணிந்து காணப்படுகிறார். ஷார்ட்ஸ் வீடியோவில் அவர் சிறிது புன்னகையுடன் உணர்ச்சிவசப்பட்டவராக இருப்பதைக் காண முடிகிறது. பயனர்கள் வீடியோவை ஹினா கானின் நோயுடன் தொடர்புபடுத்தி, இந்த வீடியோ அவரது மார்பக புற்றுநோயுடனான அவரது போராட்டத்துடன் சம்பந்தப்பட்டதாகக் கூறி பகிர்ந்து வருகின்றனர். 

விஷ்வாஸ் நியூஸ் தனது விசாரணையில், வைரலாகக் கூறப்படும் கூற்று போலியானது என்று கண்டறிந்துள்ளது. இது ரம்ஜானின் போது நகைச்சுவையாக எடுக்கப்பட்ட வீடியோ, அதில் அவர் நோன்பு இருக்கும்போது தனது தொலைபேசியில் உணவு வீடியோவைப் பார்த்துக் கொண்டிருப்பதாக உள்ளது. அதே காணொளியின் சிறு பகுதி கிளிப் தனியே எடுக்கப்பட்டு அந்த க்ளிப் போலியான கூற்றுகளுடன் பரப்பப்படுகிறது.

வைரலான பதிவில் என்ன இருக்கிறது ?

இன்ஸ்டாகிராம் பயனர் ஒருவர், “ஹினா கான் தனது இறப்பு குறித்த செய்தியைக் கேட்டு உணர்ச்சிவசப்பட்டார்” என்று எழுதப்பட்ட ரீலைப் பதிவிட்டுள்ளார். அதில் ”Hina Khan Diagnosed with Breast Cancer. Please Pray For Our Girl.” என்று கேப்ஷன் எழுதப்பட்டுள்ளது. 

போஸ்ட்டின் ஆர்க்கைவ் லின்க்கை இங்கே பார்க்கவும்.

விசாரணை

நடிகை ஹினா கான் ஜூன் 28 அன்று தனது சமூக ஊடகத்தில் ஒரு இடுகையைப் பகிர்ந்து   தனது மார்பக புற்றுநோயைப் பற்றிய தகவலை தெரிவித்தார். இந்த இடுகையில், ஹினா கான் தனக்கு 3-ம் நிலை மார்பக புற்றுநோய் இருப்பதாகவும், அதை முழு தைரியத்துடனும் தைரியத்துடனும் எதிர்கொள்வேன் என்று எழுதியிருந்தார்.

வைரலான வீடியோ தொடர்பான விசாரணையை தொடங்கி, முதலில் கூகுள் லென்ஸ் மூலம் வீடியோவின் கீ-ஃப்ரேம்களைத் தேடினோம். இருப்பினும், எங்களுக்கு எந்த முடிவும் கிடைக்கவில்லை.

விசாரணையின் அடுத்த கட்டமாக, ஹினா கானின் இன்ஸ்டாகிராம் ஹேண்டிலை ஸ்கேன் செய்ததில், மார்ச் 12, 2024 தேதியில் பதிவேற்றம் செய்யப்பட்ட இந்த வீடியோவைக் கண்டறிந்தோம். அதில் ‘When Instagram makes your first roza even more difficult’ என்று எழுதப்பட்டுள்ளது. தமிழ் மொழிபெயர்ப்பு: “இன்ஸ்டாகிராம் உங்களின் முதல் நோன்பை இன்னும் கடினமாக்கும் போது.”

வீடியோவில், ஹினா கான் இன்ஸ்டாகிராமில் உணவு தொடர்பான ரீல்ஸை ஸ்க்ரோலிங் செய்வதைக் காணலாம். அதில், வீடியோ கேப்ஷனில் ”இது உங்களுக்கு எப்போதாவது நடந்திருக்கிறதா” என்று எழுதப்பட்டுள்ளது.

இதுவரை நடந்த விசாரணையில், இந்த வீடியோ பழையது என்றும், நோன்பின் போது எடுக்கப்பட்டது என்றும் தெரிய வந்தது வைரல் வீடியோ தொடர்பான உறுதிப்படுத்தலுக்கு, பொழுதுபோக்கு பத்திரிக்கையாளர் பராக் சாபேகரைத் தொடர்புகொண்டு வைரலான பதிவை அவருடன் பகிர்ந்துகொண்டோம்.  ஹினா கான் தனது புற்றுநோய் அறிவிப்புக்குப் பிறகு இதுபோன்ற எந்த வீடியோவையும் பகிர்ந்து கொள்ளவில்லை என்பதை அவர் உறுதிப்படுத்தினார்.

போலியான பதிவைப் பகிர்ந்த இன்ஸ்டாகிராம் பக்கத்தை சோஷியல் ஸ்கேன் செய்தோம். இந்த இன்ஸ்டாகிராம் பயனரை 2 லட்சத்துக்கும் அதிகமானோர் பின்தொடர்வதைக் கண்டறிந்தோம்.

முடிவுரை: விஷ்வாஸ் நியூஸ் தனது விசாரணையில், வைரலாகக் கூறப்படும் கூற்று போலியானது என்று கண்டறிந்துள்ளது. இது ரம்ஜானின் போது நகைச்சுவையாக எடுக்கப்பட்ட வீடியோ, அங்கு அவர் நோன்பு இருக்கும்போது தனது தொலைபேசியில் உணவு வீடியோவைப் பார்த்துக் கொண்டிருந்தார். அதே வீடியோவின் சிறிய கிளிப் எடுக்கப்பட்டு போலியான கூற்றுடன் பரப்பப்படுகிறது.

டேக்குகள்

• breast cancer
• Hina Khan
• Ramadan