உண்மைச் சரிபார்ப்பு: சாலையின் நடுவில் (ஜீப்ரா கிராசிங்கில்) ஒரு குழந்தை தொழுகை நடத்தும் இந்த காணொளி கர்நாடகாவைச் சேர்ந்தது அல்ல, வகுப்புவாத கூற்றுடன் செய்யப்படும் வைரல் ஆகும்

புது தில்லி (விஸ்வாஸ் நியூஸ்). கர்நாடக சட்டசபை தேர்தல் முடிவுகளுக்குப் பிறகு, ஒரு குறிப்பிட்ட சமூகத்தினரின் அத்துமீறலைக் கூறி இதுபோன்ற பல காணொளிகள் சமூக ஊடகங்களில் வைரலாகி வருகின்றன. இந்நிலையில், வைரலாகி வரும் காணொளி ஒன்றில், சாலையின் நடுவில் (ஜீப்ரா கிராசிங்) குழந்தை ஒன்று தொழுகை நடத்துவதைக் காணலாம். கர்நாடகாவில் காங்கிரஸ் வெற்றி பெற்றதையடுத்து, ஒரு முஸ்லிம் குழந்தை நடுரோட்டில் தொழுகை நடத்தியதாகவும், இதனால் போக்குவரத்து மாற்றம் செய்யப்பட்டுள்ளதாகவும் கூறப்படுகிறது.

இந்தக் கூற்று ஒரு குறிப்பிட்ட சமூகத்திற்கு எதிரான பிரச்சாரத்தை பரப்பும் நோக்கத்துடன் ஆத்திரமூட்டும் கூற்றுடன் பகிரப்படுகிற தவறான கூற்று என்பதை எங்களது விசாரணையில் நாங்கள் கண்டறிந்தோம். வைரலான இந்த வீடியோ கிளிப் இந்தியாவை சார்ந்தது அல்ல. வளைகுடா நாட்டிலிருந்து வரும் காணொளிகள் கர்நாடகாவின் பெயரில் தவறான மற்றும் எரிச்சலூட்டும் கூற்றுடன் பகிரப்படுகின்றன.

கர்நாடக தேர்தல் முடிவுகளுக்குப் பிறகு, ஒரு குறிப்பிட்ட சமூகத்தை குறிவைக்கும் இதுபோன்ற பல காணொளிகள் மற்றும் புகைப்படங்கள் வைரலாகி வருவது குறிப்பிடத்தக்கது. இதுபோன்ற இன்னும் பல உண்மைச் சரிபார்ப்பு அறிக்கைகளை விஸ்வாஸ் செய்திகளின் தேர்தல் உண்மைச் சரிபார்ப்புப் பகுதியில் நீங்கள் படிக்கலாம்.

வைரல் ஆவது என்ன?

“இன்று காலையில் நடந்த கர்நாடகாவின் தெருக் காட்சியை பார்த்து ரசியுங்கள், மதச்சார்பற்ற இந்துக்கள் அவசியம் பார்க்க வேண்டும். நீங்கள் அளித்த வாக்கின் விளைவைப் பாருங்கள் (காப்பக இணைப்பு), என்ற தலைப்புடன் சமூக ஊடக பயனர் ‘பல்ஜித் சிங்’ இந்த வைரலான காணொளியை பகிர்ந்துள்ளார்.

ஒரு முஸ்லீம் குழந்தையால், மொத்த போக்குவரத்து பாதையும் மாறுகிறது, இவர்கள் அரசியலமைப்பை அவரவர் வழியில் நடத்துகிறார்கள், கொஞ்ச நேரத்திற்கு பிறகு இது 40% ஆகட்டும், பின்னர் அவர்கள் என்ன செய்கிறார்கள் என்று பாருங்கள், இப்போது இந்துக்களே, விழித்தெழுங்கள், பயங்கரமான நேரம் வரப்போகும் பிரச்சனை நீங்களும் தெரிந்து கொள்ள முயற்சி செய்யுங்கள்!!, உங்களுக்கு எதிர்காலம் இருக்கிறதா மோடி, உங்கள் வருங்கால சந்ததியை காப்பாற்ற துடிக்கும் யோகியை திட்டிக்கொண்டே இருங்கள், காங்கிரசை ஆதரித்து உங்கள் எதிர்காலத்தை இருளில் தள்ளாதீர்கள்.

பல பயனர்கள்  இதே காணொளியை ஒரே மாதிரியான கூற்றுகளுடன் பகிர்ந்துள்ளனர். ட்விட்டரில் பல பயனர்களும் இதே கூற்றுடன் இந்த காணொளியை பகிர்ந்துள்ளனர்.
பல பயனர்கள் வைரலான ட்வீட்டின் ஸ்கிரீன் ஷாட்களை விஸ்வாஸ் நியூஸின் வாட்ஸ்அப் டிப்லைன் எண் +91 9599299372 க்கு அனுப்பி, அதை சரிபார்க்குமாறு கோரியுள்ளனர்.

விசாரணை

வைரலான வீடியோவில் சாலையின் நடுவில் ஒரு குழந்தை தொழுகை நடத்துவதை காணலாம். சமூக ஊடகத் தேடலில், இந்த காணொளியை பல பயனர்களின் சுயவிவரத்தில் ஏற்கனவே பகிரப்பட்டுள்ளதாக நாங்கள் கண்டறிந்தோம். பாகிஸ்தானைச் சேர்ந்த மறைந்த தாரேக் ஃபதேவின் சுயவிவரத்தில், ஜனவரி 17, 2023 அன்று அவரது சுயவிவரத்திலிருந்து பகிர்ந்துள்ள வைரல் இந்த காணொளியின் சற்று நீளமான பதிப்பைக் நாங்கள் கண்டறிந்தோம்.

வைரலான காணொளியின் முக்கிய பிரேம்களில் ஒன்றில், ஒரு சாலையோர டெலிவரி பையனையும், டெலிவரி நிறுவனத்தின் லோகோவுடன் கூடிய அவனது மோட்டார் சைக்கிளையும் நாங்கள் பார்க்கிறோம். அதைத் தேடிப் பார்த்ததில் அது தலாபத் நிறுவனத்தின் லோகோ என்பது தெரிய வந்தது. கீழே உள்ள படத்தொகுப்பில் இதைத் தெளிவாகக் காணலாம்.

Talabat.com இன் தகவல்களின்படி, ஐக்கிய அரபு எமிரேட்ஸில் உள்ள துபாய், அபுதாபி மற்றும் வளைகுடா நாடுகள் உட்பட பல நகரங்களில் தனது சேவையை வழங்குகிறது.

இதுவரை நாங்கள் நடத்திய விசாரணையில், வைரலாகி வரும் இந்த காணொளி கர்நாடகாவை சார்ந்தது அல்ல, மாறாக வேறு நாட்டிலிருந்து வந்தது என்பது தெளிவாகிறது. மற்ற முக்கிய பிரேம்களுடனான ரிவேர்ஸ் இமேஜ் தேடலில், ஆகஸ்ட் 29 அன்று அவர் பகிர்ந்த ‘Ajom75uddin’ இன் முகநூல் சுயவிவரத்தில் இந்த காணொளி பதிவேற்றப்பட்டுள்ளது.

சுயவிவரத்தில் கொடுக்கப்பட்டுள்ள தகவலின்படி, அவர் ஐக்கிய அரபு எமிரேட்ஸின் துபாயில் வசிக்கிறார். இந்த காணொளியின் சரியான இடத்தை உறுதிசெய்ய நாங்கள் அவர்களைத் தொடர்புகொண்டோம். அவர்கள் பதிலளிக்கும்போது இதன் விவரத்தை பதிவேற்றுவோம்.

வைரலான இந்த காணொளியின் சரியான இருப்பிடத்தை விஸ்வாஸ் நியூஸ் சுயாதீனமாகச் சரிபார்க்க முடியாது, ஆனால் அந்த காணொளி கர்நாடகாவைச் சேர்ந்தது அல்ல என்பதை நாங்கள் உறுதிப்படுத்துகிறோம். வைரலான காணொளி தொடர்பாக பெங்களூரைச் சேர்ந்த தொலைக்காட்சி செய்தியாளர் யாசிர் கானை தொடர்பு கொண்டபோது, “இந்த காணொளி கர்நாடகாவைச் சேர்ந்தது இல்லை” என்று அவர் உறுதிப்படுத்தினார்.

தவறான கூற்றுடன் வைரலான காணொளியைப் பகிர்ந்த பயனரின் சுயவிவரத்திலிருந்து ஒரு குறிப்பிட்ட சித்தாந்தத்தால் ஈர்க்கப்பட்ட சிந்தனை ஒன்று பகிரப்படுகிறது. முன்னதாக, இதேபோன்ற வைரலான காணொளி ஒன்று கர்நாடகாவில் காங்கிரஸின் வெற்றிக்குப் பிறகு பட்கலில் பாகிஸ்தானின் கொடி ஏற்றப்பட்டதாக கூறியது. விஸ்வாஸ் நியூஸ் தனது விசாரணையில் இந்தக் கூற்று தவறானது எனக் கண்டறிந்தது, அதன் உண்மைச் சரிபார்ப்பு அறிக்கையை நீங்கள் இங்கே படிக்கலாம். மேலும், கர்நாடக சட்டமன்றத் தேர்தல் தொடர்பான சந்தேகத்திற்குரிய வைரலான கூற்றுகளின் உண்மைச் சரிபார்ப்பு அறிக்கைகளை விஸ்வாஸ் நியூஸின் சிறப்புத் தொடரான ‘சுனாவ் உண்மைச் சரிபார்ப்பு’ இல் நீங்கள் படிக்கலாம்.

குறிப்பிடத்தக்க வகையில், கர்நாடக சட்டப் பேரவையின் 224 தொகுதிகளுக்கான வாக்குப்பதிவு மே 10-ஆம் தேதி நடைபெற்றது, அதன் முடிவுகள் மே 13-ஆம் தேதி வெளியானது. தேர்தல் ஆணையத்தின் தரவுகளின்படி, கர்நாடகாவில் காங்கிரஸ் கட்சிக்கு மொத்தம் 135 இடங்களும், பாரதிய ஜனதா கட்சி 66 இடங்களும், (மதச்சார்பற்ற) ஜனதா தளம் 19 இடங்களும் மட்டுமே பெற்றுள்ளன.

முடிவுரை: கர்நாடகாவில் காங்கிரஸ் கட்சி வெற்றி பெற்றதையடுத்து, நடுரோட்டில் குழந்தை தொழுகை செய்ததாகக் கூறப்படும் வைரலான காணொளி கர்நாடகாவைச் சேர்ந்தது அல்ல. வளைகுடா நாடான ஐக்கிய அரபு எமிரேட்ஸில் உள்ள ஒரு நகரத்திலிருந்து வைரலான காணொளி, இது கர்நாடகாவின் ஆத்திரமூட்டும் கூற்றுடன் பகிரபுபடுகிறது.