உண்மைத்தன்மை கண்டறிதல்: காஸ்மிக் கதிர்கள் காரணமாக தொலைபேசியை அணைக்கச் சொல்லும் இந்தப் பதிவு போலியானதாகும்

புது தில்லி, விஸ்வாஸ் நியூஸ். “இன்று இரவு 12:30 முதல் 3:30 வரை சில காஸ்மிக் கதிர்கள் பூமியைக் கடக்கும்” என்று ஒரு பதிவு சமூக வலைதளங்களில் சில நாட்களாக வைரலாகி வருகிறது. “இந்த நேரத்தில் உங்கள் தொலைபேசியை அணைத்து வைக்கவும், அது உடலுக்கு மிகவும் தீங்கு விளைவிக்கும்” என்று இந்த இடுகை மக்களுக்கு அறிவுறுத்துகிறது. எங்கள் விசாரணையில் இந்தக் கூற்று பொய்யானது என்று நாங்கள் கண்டறிந்தோம். இந்த செய்தி போலியானது என இஸ்ரோ தெளிவுபடுத்தியுள்ளது.

வைரலான பதிவில் என்ன இருக்கிறது ?

என்று பெயருள்ள ஒரு பயனர் இந்த இடுகையைப் பகிர்ந்துள்ளார்: “இன்று இரவு 12:30 முதல் 03:30 வரை உங்கள் தொலைபேசி, செல்லுலார், டேப்லெட் ஆகியவற்றை அணைத்துவிட்டு உங்கள் உடலில் இருந்து ஒதுக்கி வைப்பதையும் உறுதி செய்யுங்கள். சிங்கப்பூர் தொலைக்காட்சி இச்செய்தியை அறிவித்துள்ளது. தயவுசெய்து உங்கள் குடும்பத்தினருக்கும் நண்பர்களுக்கும் தெரிவியுங்கள். இன்று இரவு 12:30 முதல் 03:30 வரை, பூமிக்கு அருகில் கடந்துசெல்லும் காஸ்மிக் கதிர்களிலிருந்து வரும் மிக உயர்ந்த கதிர்வீச்சுக்கு நமது கோள் பாதிப்புக்குள்ளாகும். எனவே தயவுசெய்து செல்போன்களை அணைத்து விடுங்கள். தொலைபேசி, செல்லுலார், டேப்லெட் போன்ற மின் கருவிகளை உங்கள் உடலுக்கு அருகில் வைக்காதீர்கள், அது உங்களுக்கு பயங்கரமான சேதத்தை ஏற்படுத்தலாம். கூகுள் மற்றும் நாசா பிபிசி செய்திகளைப் பார்க்கவும். உங்களுக்கு தெரிந்த அனைத்து நபர்களுக்கும் இந்த செய்தியை அனுப்புங்கள்.

விசாரணை

இந்த இடுகையை விசாரிக்க, முதலில் இந்த இடுகையை சரியாகப் நாங்கள் படித்தோம். அந்த பதிவில் சிங்கப்பூர் தொலைக்காட்சி குறிப்பிடப்பட்டுள்ளது. நாங்கள் சரிபார்த்து, அத்தகைய ஒரு தொலைக்காட்சி சேனல் இல்லை என்பதைக் கண்டறிந்தோம்.

முக்கிய வார்த்தைகளை வைத்து தேடிய பிறகும், காஸ்மிக் கதிர்கள் பூமியைக் கடந்து செல்லும் என்றும் தொலைபேசி, செல்லுலார், டேப்லெட் போன்ற மின் கருவிகளை அணைத்து வைக்க வேண்டும் என்றும் கூறப்பட்டது போன்ற எந்த ஒரு செய்தியையும் நாங்கள் எங்கும் காணவில்லை.

மேலும் உறுதிப்படுத்துவதற்காக, இந்திய விண்வெளி நிறுவனமான இஸ்ரோவை அஞ்சல் மூலம் தொடர்பு கொண்டோம். பதிலுக்கு எங்களிடம் கூறப்பட்டது, “செய்தி ஒரு புரளி போல் தெரிகிறது மற்றும் அத்தகைய நிகழ்வு பற்றி நம்பகமான ஆதாரம் இல்லை. மேலும், மொபைல்கள் பயன்பாட்டில் இருக்கும் போது காஸ்மிக் கதிர்களின் பண்பேற்றம் பற்றி எந்த தொடர்பும் இல்லை.

இது தொடர்பாக நாசாவின் இணையதளம் மற்றும் அவர்களின் சமூக ஊடக கையாளுதல்களையும் கூட நாங்கள் தேடினோம். தொலைபேசியைப் பயன்படுத்துவது தொடர்பான எந்த எச்சரிக்கையையும் எங்களால் எங்கும் காண இயலவில்லை.

இந்த இடுகையை Diane Avila Basquiñas என்ற முகநூல் பயனாளர் பகிர்ந்துள்ளார், பயனருக்கு சுமார் 1000 முகநூல் நண்பர்கள் உள்ளனர்.

निष्कर्ष: எங்கள் விசாரணையில் இந்தக் கூற்று பொய்யானது என்று நாங்கள் கண்டறிந்தோம். பூமி தொடர்ச்சியாக காஸ்மிக் கதிர்களால் பாதிப்புக்குள்ளாகிறது, ஆனால் வளிமண்டலத்தின் காந்தப்புலம் ஒரு பாதுகாப்பு கவசமாக செயல்படுகிறது என்று இஸ்ரோ தெரிவித்துள்ளது. மேலும் இந்த கதிர்களால் நமக்கு எந்த பாதிப்பும் ஏற்படவில்லை.

டேக்குகள்

• Cosmic Rays
• Fact Check
• fake news
• ISRO
• NASA