Fact Check: நிலச்சரிவுக்குப் பின் ராகுல் வயநாடு செல்லவில்லை என்பது பொய்; பிரதமர் மோடிக்கு முன்பே அவர் அங்கு சென்றார்

புது தில்லி (விஷ்வாஸ் நியூஸ்). சமீபத்தில், பிரதமர் நரேந்திர மோடி வயநாட்டில் நிலச்சரிவு பாதித்த பகுதிகளை பார்வையிட்டார். அதைத் தொடர்ந்து அவர் பார்வையிட்ட புகைப்படங்கள் சமூக ஊடகங்களில் வைரலாகி வருகின்றன. சில பயனர்கள் பிரதமர் மோடி வயநாடுக்கு விஜயம் செய்தார் ஆனால் அத்தொகுதியில் வெற்றி பெற்ற ராகுல் காந்தி இன்னும் வயநாட்டிற்கு செல்லவில்லை என்று கூறுகின்றனர்.

விஷ்வாஸ் நியூஸ் தனது விசாரணையில் இந்தக் கூற்று போலியானது என்றும், பிரதமர் மோடிக்கு முன்னரே ராகுல் காந்தி வயநாட்டில் பாதிக்கப்பட்ட பகுதிகளுக்குச் சென்று பார்வையிட்டுள்ளார் என்றும் கண்டறிந்தது. பரப்பப்படும் கூற்று தவறானது, இது பிரச்சார நோக்கத்துடன் பரப்பப்பட்டு வருகிறது.

வைரலான பதிவில் என்ன இருக்கிறது?

“புகைப்படத்தில் இருக்கும் நபர் தன் கட்சி தோற்றுப்போன  வயநாட்டிற்குச் சென்று மக்களை நலம் விசாரிக்கிறார், வெற்றி பெற்றவர் தனது தொகுதிக்கு செல்ல இன்னும் நேரம் கிடைக்கவில்லை” என்ற தலைப்புடன், ஃபேஸ்புக் பயனர் ஒருவர் வைரலான பதிவைப் பகிர்ந்துள்ளார்.

போஸ்ட்டின் ஆர்க்கைவ்டு லின்க்கை நீங்கள் இங்கே பார்க்கலாம்.

விசாரணை

எங்கள் விசாரணையைத் தொடங்க, முதலில் காங்கிரஸின் X ஹேண்டிலைத் தேடினோம் ஆகஸ்ட் 1, 2024 அன்று சில படங்களுடன் ஒரு இடுகையைக் கண்டோம். அதில், “எதிர்க்கட்சித் தலைவர் திரு @RahulGandhi (ராகுல்காந்தி) மற்றும் காங்கிரஸ் பொதுச் செயலாளர் திருமதி @priyankagandhi (பிரியங்காகாந்தி) ஆகியோர் மேப்பாடி, வயநாடு பகுதிகளில் நிலச்சரிவினால் பாதிக்கப்பட்ட பகுதிகளைப் பார்வையிட்டு பாதிக்கப்பட்ட மக்களை சந்தித்தனர்.” என்று உள்ளது.

ஆகஸ்ட் 2, 2024 அன்று ராகுல் காந்தியின் வயநாடு பயணம் தொடர்பான வீடியோ அவரது இன்ஸ்டாகிராம் பக்கத்தில் வெளியிடப்பட்டது.

போஸ்ட்டில் பிரதமர் மோடியின் இரண்டு படங்களும் பகிரப்பட்டுள்ளன. முதல் படத்தில் கூகுள் லென்ஸைப் பயன்படுத்தி, ஆகஸ்ட் 10, 2024 அன்று டிடி நியூஸின் த்ரெட் ஹேண்டில் பதிவேற்றியிருப்பதைக் கண்டோம், அதில் இன்று நிலச்சரிவில் பாதிக்கப்பட்டவர்களைச் சந்திக்க பிரதமர் நரேந்திர மோடி வயநாட்டில் உள்ள நிவாரண முகாம் மற்றும் மருத்துவமனைக்குச் சென்றார் என குறிப்பிட்டுள்ளது.

இதேபோல், பிரதமர் மோடியின் இரண்டாவது புகைப்படத்தில் கூகுள் லென்ஸைப் பயன்படுத்தினோம், லைவ் ஹிந்துஸ்தானின் இன்ஸ்டாகிராம் கைப்பிடியில் பகிரப்பட்ட பல புகைப்படங்களில்  இதுவும் இருப்பதைக் கண்டுபிடித்தோம். அதில் உள்ள தகவல்படி, இந்த புகைப்படங்களும் பிரதமர் மோடியின் வயநாடு பயண புகைப்படங்கள் ஆகும்.

உத்தரப் பிரதேச காங்கிரஸ் செய்தித் தொடர்பாளர் அபிமன்யு தியாகியிடம் நாங்கள் தொடர்பு கொண்டோம், அவர், “ராகுல் காந்தி வயநாடு சென்றுள்ளார். ராகுல் காந்திக்கு எதிராக பாஜக தகவல் தொழில்நுட்ப பிரிவு எப்போதும் பிரச்சாரத்தில் ஈடுபட்டு வருகிறது.” எனறு உறுதிப்படுத்தினார்.

போலி இடுகையைப் பகிர்ந்த பேஸ்புக் பயனரை சோஷியல் மீடியா ஸ்கேன் செய்து பார்த்த போது, அவரது புரோஃபைலில் 2500 பின்தொடர்பவர்கள் இருப்பதையும், ஒரு குறிப்பிட்ட சித்தாந்தத்துடன் இணைந்த இடுகைகளைப் பகிர்வதையும் நாங்கள் கண்டறிந்தோம்.

முடிவு: விஷ்வாஸ் நியூஸ் தனது விசாரணையில், ராகுல் காந்தி வயநாடுக்கு வரவில்லை என்று கூறியது போலியானது என்று கண்டறிந்தது. பிரதமர் மோடிக்கு முன்னதாகவே பாதிக்கப்பட்ட பகுதிகளை ராகுல் காந்தி பார்வையிட்டுள்ளார். போலியான பதிவுகள் பிரச்சார நோக்கில் பரப்பப்பட்டு வருகின்றன.