உண்மைச் சரிபார்ப்பு: பாஸ் புத்தகத்தில் (பகவத்) கீதையின் சாரத்தை அச்சிடுமாறு வங்கிகளை இந்திய ரிசர்வ் வங்கி கேட்டுக் கொள்ளவில்லை

புதுடெல்லி (விஸ்வாஸ் நியூஸ்): இந்திய ரிசர்வ் வங்கியின் (ஆர்பிஐ) அறிவுறுத்தல்கள் என்ற பெயரில் பல்வேறு சமூக ஊடக தளங்களிலும் வாட்ஸ்அப் குழுக்களிலும் ஒரு செய்தி வைரலாகி வருகிறது. இது இந்துக்களின் புனித நூலான கீதையின் சாரத்தை வங்கிக் பாஸ் புத்தகங்களின் கடைசிப் பக்கத்தில் அச்சிடுமாறு அனைத்து வங்கிகளுக்கும் ரிசர்வ் வங்கி உத்தரவிட்டுள்ளதாக கூறப்படுகிறது. இது உண்மை என்று கருதி, பயனர்கள் அதை வைரலாக்கி வருகின்றனர். விஸ்வாஸ் நியூஸ் வைரலான பதிவில் கூறப்பட்ட இந்தக் கூற்றின் உண்மை தன்மையை சோதித்துப் பார்த்தது. இது முற்றிலும் ஆதாரமற்றது என தெளிவானது. இந்திய ரிசர்வ் வங்கி(ஆர்பிஐ)-யால் இதுபோன்ற எந்த உத்தரவும் வழங்கப்படவில்லை.

உரிமைகோரல்:

பாஸ் புத்தகத்தின் கடைசிப் பக்கத்தில் கீதா ‘சார்’ என்று அச்சிடுமாறு அனைத்து வங்கிகளுக்கும் ரிசர்வ் வங்கி அறிவுறுத்தியுள்ளதாகக் கூறி, முகநூல் பயனர்  ஹைதர் அலி  பிப்ரவரி 13 அன்று பதிவிட்டுள்ளார்.

அந்த பதிவில் பயன்படுத்தப்பட்டுள்ள படத்தில் கூறியிருப்பதாவது, “ஆர்பிஐ-யின் அனைத்து வங்கிகளுக்குமான அறிவுறுத்தல். பாஸ் புத்தகத்தின் கடைசிப் பக்கத்தில் கீதா சார் அச்சிட்டு பெறுங்கள். ‘நீங்கள் என்ன கொண்டு வந்தீர்கள், நீங்கள் என்ன கொண்டு செல்வீர்கள். நீ ஏன் அழுகிறாய், உன்னுடையது என்ன தொலைந்து போனது. அவன் எதையெல்லாம் எடுத்தானோ அவையை இங்கிருந்து எடுத்தான், அவன் எதையெல்லாம் கொடுத்தானோ அவையை இங்கேயே கொடுத்தான். அது இன்று உங்களுடையது, நேற்று வேறொருவருடையதாக இருந்தது. நாளை மறுநாள் அது வேறொருவருடையதாகிவிடும்’.”

இந்த இடுகையை உண்மை என்று கருதி, வேறு பல பயனர்களும்  அதைப் பகிரத் தொடங்கினர். அதன் காப்பகப்படுத்தப்பட்ட பதிப்பை இங்கே பார்க்கலாம்.

விசாரணை:

இந்திய ரிசர்வ் வங்கியின் உத்தரவு என்ற பெயரில் வைரலான பதிவை சரிபார்க்க விஸ்வாஸ் நியூஸ் முதலில் கூகுள் திறந்த தேடுதல் கருவியின் உதவியை நாடியது. இங்கு தேடியபோது, பாஸ் புத்தகத்தின் பின்புறத்தில் கீதா ‘சார்’ என்று அச்சிட வங்கிகளுக்கு இந்திய ரிசர்வ் வங்கி உத்தரவிட்டுள்ளது என்ற கூற்றை உறுதிப்படுத்தும் விதத்திலான ஒரு செய்தி விடயம் கூட எங்களுக்கு கிடைக்கவில்லை.

இந்தத் தேடுதலில் இருந்து, கடந்த பல வருடங்களாக இந்த பதிவு வைரலாகி வருவது எங்களுக்கு தெரியவந்தது. இந்தத் தேடுதலின் போது, மத்திய அரசின் செய்தித் தகவல் பணியகத்தின் உண்மைச் சரிபார்ப்புக் கையாளுதலில் பழைய ட்வீட் ஒன்றை நாங்கள் கண்டோம். அந்த ட்வீட் டிசம்பர் 23, 2020 அன்று பதிவு செய்யப்பட்டது. வைரலான இந்த பதிவை போலியானது என்று விவரித்து, வங்கிகளுக்கு இந்த அறிவுறுத்தலை இந்திய ரிசர்வ் வங்கி வழங்கவில்லை என்று ட்வீட்டில் எழுதப்பட்டிருந்தது.

दावा : एक #खबर में दावा किया जा रहा है कि आर.बी.आई ने सभी बैंकों को पासबुक के आखिरी पन्ने पर गीता का सार प्रिंट कराने का निर्देश दिया है। #PIBFactCheck : यह दावा #फ़र्ज़ी है। @RBI ने बैंकों के लिए यह निर्देश जारी नहीं किया है। pic.twitter.com/IIHYi8OYY7

— PIB Fact Check (@PIBFactCheck) December 23, 2020

இந்திய ரிசர்வ் வங்கி அத்தகைய ஏதாவது உத்தரவை அறிவித்திருந்தால், அந்த உத்தரவு அதன் இணையதளத்தில் இருந்திருக்க வேண்டும். நாங்கள் அங்கேயும் கீதா ‘சார்’ தொடர்பான வழிமுறைகளைக் கண்டுபிடிக்க முயற்சித்தோம், ஆனால் அந்த தேடலில் அப்படி எதுவும் எங்களுக்கு கிடைக்கவில்லை.

இதன் விசாரணையைத் தொடர விஸ்வாஸ் நியூஸ் இந்திய ரிசர்வ் வங்கியின் செய்தித் தொடர்பாளரைத் தொடர்புகொண்டது. அவர் கூறுகையில் வைரலான பதிவில் கூறப்படும் கூற்று முற்றிலும் ஆதாரமற்றது. இது கடந்த பல ஆண்டுகளாக வைரலாக பரவி வருகிறது. இந்திய ரிசர்வ் வங்கியால் அத்தகைய உத்தரவு எதுவும் வெளியிடப்படவில்லை என்று அவர் தெளிவுபடுத்தினார்.
விசாரணையின் முடிவில், போலியான இந்த இடுகையை பதிவு செய்த பயனரிடம் விசாரணை நடத்தப்பட்டது. முகநூல் பயனர் சந்தோஷ் கர்வாரின் சமூக ஊடகத் தேடலில், 5,000 க்கும் மேற்பட்டோர் இந்த பயனரைப் பின்தொடர்வது கண்டறியப்பட்டது. இவர் பீகாரில் உள்ள சிவான் பகுதியில் வசிப்பவர்.

முடிவு: பாஸ் புத்தகத்தில் (பகவத்) கீதையின் சாரத்தை அச்சிடுமாறு வங்கிகளை இந்திய ரிசர்வ் வங்கி கேட்டுக் கொள்ளவில்லை. விஸ்வாஸ் நியூஸ் விசாரித்து வைரலான பதிவில் கூறப்பட்ட இந்த கூற்று போலியானது என கண்டறிந்தது.

டேக்குகள்

• Geeta
• RBI