Fact Check:கியர் ஸ்டாமர் பப்பிலிருந்து வெளியேற்றப்பட்ட வீடியோ 2021-ம் ஆண்டைச் சேர்ந்தது, யு.கே. பிரதமராக ஆவதற்கு முந்தையது.

புதுடெல்லி (விஷ்வாஸ் நியூஸ்): இங்கிலாந்தின் புதிய பிரதமர் கியர் ஸ்டாமர் இஸ்லாத்தை ஆதரித்ததற்காக பப் ஒன்றின் உரிமையாளரால் வெளியேற்றப்பட்டதாகக் கூறப்படும் வீடியோ சமூக ஊடகங்களில் வைரலாகி வருகிறது.

விஷ்வாஸ் நியூஸ் ஆய்வு செய்ததில் இந்த வீடியோ கியர் ஸ்டாமர் யு.கே. பிரதமராக ஆவதற்கு மிகவும் முந்தையது, 2021ஐ சேர்ந்தது என்பது கண்டுபிடிக்கப்பட்டது.

வைரல் போஸ்ட்டில் என்ன இருக்கிறது?

ஆகஸ்ட் 22, 2024 அன்று, ஃபேஸ்புக் பயனர் சரவணபிரசாத் பாலசுப்ரமணியன்,  “இவருக்கு என் பப்பில் இருக்க அனுமதியில்லை” என்று கூறி ஒரு நபர், கியர் ஸ்டாமரை பப்பிலிருந்து வெளியேற்றும் வீடியோ கிளிப்பைப் பகிர்ந்துள்ளார். பதிவின் கேப்ஷனில் “பிரிட்டன் பிரதமர் ஒரு பப்பில் இருந்து வெளியேற்றப்பட்டார். உங்கள் குடிமக்களைக் காட்டிலும் தீவிர முஸ்லீம்களுக்கு முன்னுரிமை அளித்து, அவர்கள் உங்கள் நாட்டைக் கட்டுப்படுத்த அனுமதிக்கும்போது இதுதான் நடக்கும். குடிமக்கள் நொந்து போயுள்ளனர்” என்று உள்ளது.

விசாரணை

வைரல் கூற்றை விசாரிக்க, கூகுள் லென்ஸில் வீடியோவின் ஸ்கிரீன்ஷாட்களைத் தேடினோம். அப்போது ஜூலை 9, 2021 அன்று ‘இன்டிபென்டன்ட்’ என்ற செய்தி இணையதளத்தால் வெளியிடப்பட்ட ஒரு அறிக்கையை நாங்கள் கண்டோம். அந்த அறிக்கை, தொழிலாளர் தலைவர் சர் கியர் ஸ்டாமர், பாத் நகரில் உள்ள பப்பிலிருந்து அதன் உரிமையாளரால் வெளியேற்றப்பட்டதை உறுதிப்படுத்தியது, அந்த நபர் லாக்-டவுனை எதிர்த்ததோடு யுகே-யின் கோவிட்-19 குறித்த நடவடிக்கைக்கு ஸ்டாமரை குற்றம் சாட்டினார். 

இதன் அடிப்படையில், முக்கிய வார்த்தைகள் கொண்டு தேடுவதன் மூலம், 2021 ஆம் ஆண்டில் வெளிவந்த தொடர்புடைய செய்திகளை பல்வேறு யூடியூப் சேனல்களில் கண்டறிந்தோம், இவை அனைத்தும் கோவிட்-19 நடவடிக்கையில் ஸ்டாமரின் நிலைப்பாட்டுடன் தொடர்புடையது என்பதைக் குறிக்கிறது.

விஷ்வாஸ் நியூஸ், இது குறித்து டைனிக் ஜாக்ரனின் சர்வதேச விவகார செய்தியாளர் ஜே.பி. ரஞ்சனிடம் பேசியது. இந்த சம்பவம் 2021ஆம் ஆண்டில் கியர் ஸ்டாமர் பிரதமராக இல்லாதபோது நடந்தது என்பதை அவர் உறுதிப்படுத்தினார்.

சூழல் என்னவென்றால், ஜூலை 4, 2024 அன்று நடந்த யு.கே. தேர்தலில் லேபர் கட்சி வெற்றி பெற்றது, கியர் ஸ்டாமர் பிரதமரானார். இது பற்றிய கூடுதல் விவரங்களை தொடர்புடைய செய்தி அறிக்கைகளில் காணலாம்.

இறுதியில், தவறான வீடியோவை வெளியிட்ட ஃபேஸ்புக் பயனாளர் சரவணபிரசாத் பாலசுப்ரமணியனின் சுயவிவரத்தை ஸ்கேன் செய்தோம். பயனருக்கு 31,000க்கும் அதிகமான பின்தொடர்பாளர்கள் உள்ளனர்.

முடிவு: விஷ்வாஸ் நியூஸின் விசாரணையில், கியர் ஸ்டாமர் யு.கே. பிரதமராக இல்லாத 2021 ஆம் ஆண்டிலிருந்து வீடியோ எடுக்கப்பட்டது மற்றும் வைரலான கூற்று தவறானது.

டேக்குகள்

• Keir Starmer