உண்மை சரிபார்ப்பு: மஞ்சள், மிளகு, எலுமிச்சை, இஞ்சி, துளசி ஆகியவற்றை சேர்த்து நீராவி பிடிப்பது கொரோனா வைரஸைக் கொல்லும் என்ற பதிவு தவறானது

மஞ்சள், மிளகு, எலுமிச்சை, தோல் உரிக்கப்பட்ட இஞ்சி, துளசி ஆகியவற்றைக் கொதித்து ஏழு முறை சுவாசித்தால் கொரோனா வைரஸ் கொல்லப்படும் என்று சமூக ஊடகங்களில் ஒரு வைரல் பதிவு கூறுகிறது. இந்த பதிவு சமூக ஊடக தளங்களில் வைரலாகி வருகிறது. விஸ்வாஸ் செய்தி விசாரணையில் இந்த கூற்று தவறானது என்று தெரியவந்தது.

விஸ்வாஸ் செய்திகள் அதை முதலில் வாட்ஸ் ஆப் பயன்பாட்டில் கண்டனர். நாங்கள் தேடியபோது, தமிழ் சித்தர்கள் என்ற பேஸ்புக் பக்கத்திலும் கண்டோம். இந்தப் பக்கத்திற்கு 3,54,264 லைக்குகள் இருந்தன.

கூற்று

கொரோனா வைரஸைக் கொல்ல மஞ்சள், மிளகு, எலுமிச்சை, தோல் உரிக்கப்படும் இஞ்சி, தண்ணீரில் துளசி ஆகியவற்றைக் கொதிக்கவைத்து ஏழு முறை நீராவி பிடிக்க சமூக ஊடகங்களில் ஒரு இடுகை அறிவுறுத்துகிறது. அதிகமாக உள்ளிழுக்கவோ அல்லது போர்வைகளை மற்றவர்களுடன் பகிர்ந்து கொள்ளவோ கூடாது என்று இது மேலும் எச்சரிக்கிறது. இடுகைக்கான அணுகல் இங்கே வழங்கப்பட்டுள்ளது.

ஆய்வு

விசாரணையில், இந்திய மருத்துவம் மற்றும் ஹோமியோபதி – “AAROKYAM”, கோவிட் 19 இன் ஆயுஷ் தலையீடுகளுடன் சிறப்புத் திட்டம், யோகா மற்றும் இயற்கை மருத்துவரின் ஆலோசனையின் படி நீராவி பிடித்தல் மற்றும் நறுமண சிகிச்சை உள்ளிட்ட நீர் சிகிச்சையை வழங்க உத்தரவுகளை பிறப்பித்திருப்பதைக் கண்டறிந்தோம்.

இந்திய இயற்கை மருத்துவம் மற்றும் யோகா பட்டதாரிகளின் செயலாளர் டாக்டர் ஏ எம் சந்திரசேகரன் விஸ்வாஸ் நியூஸிடம் பேசினார்.

“தேவைப்பட்டால் சாதாரணமாகவோ அல்லது உப்பு சேர்த்தோ நீராவி பிடிக்கலாம். பதிவில் கூறிய படி மஞ்சள், மிளகு, எலுமிச்சை அல்லது துளசி சேர்த்து நீராவி பிடிக்க ஒருபோதும் பரிந்துரைக்கவில்லை. இருப்பினும், துளசி, மிளகு, தைம், லாவெண்டர் எண்ணெய் போன்ற எண்ணெய்கள் சுவாசிக்க தனிப்பட்ட நோயாளிகளுக்கு அவர்களின் மருத்துவத் தேவையைப் பொறுத்து பரிந்துரைக்கப்படுகின்றனர்,” என்று கூறினார்.

ஜலதோஷம் போன்ற கடுமையான வைரஸ் தொற்றுநோய்களுக்கான பொதுவான தீர்வுகளை இயற்கை மருத்துவர்கள் பரிந்துரைக்கின்றனர் என்றும் அவர் கூறினார். “புதிய கொரோனா வைரஸ்ஸிற்கு நிரூபிக்கப்பட்ட சிகிச்சை எதுவும் இல்லை. இந்த வகையான மிகைப்படுத்தப்பட்ட கூற்றுக்கள் நோயாளிகளை ஆதாரங்களை அடிப்படையாகக் கொண்ட சிகிச்சைகள் எடுப்பதிலிருந்து தடுக்கும். எனவே பொதுப் பாதுகாப்பு நலன்களுக்காக இவ்வாரான பதிவுகள் நிறுத்தப்பட வேண்டும்,” என்று மருத்துவர் கூறினார்.

இயற்கை மருத்துவர்களால் முன்மொழியப்பட்ட வழிகாட்டுதல்கள், அதன் நன்மைகளை மதிப்பிடுவதற்கான மருத்துவ பரிசோதனைகளின் கீழ் உள்ளன என்று சந்திரசேகரன் தெளிவுபடுத்தினார். நோய் கட்டுப்பாடு மற்றும் தடுப்பு மையங்கள் (சி.டி.சி)யின் படி, 7 வகையான மனித கொரோனா வைரஸ்கள் உள்ளன, மேலும் சமீபத்திய மூன்று எடுத்துக்காட்டுகள் 2019-nCoV, SARS-CoV, மற்றும் MERS-CoV. சி.டி.சி தனது இணையதள பக்கத்தில், “பொதுவாக கொரோனா வைரஸ்கள் குளிர்ந்த அல்லது உலர்த்தி சூழல்களைக் காட்டிலும் அதிக வெப்பநிலையிலும் அதிக ஈரப்பதத்திலும் குறுகிய காலத்திற்கு உயிர்வாழ்கின்றன. இருப்பினும், 2019-nCoV வைரஸிற்கான நேரடி தரவு எங்களிடம் இல்லை,” என்று கூறுகிறது.
உங்களை சூரியனுக்கு அல்லது 25 டிகிரி செல்சியஸுக்கு மேல் வெப்பநிலைக்கு வெளிப்படுத்துவது கொரோனா வைரஸ் நோயைத் தடுக்காது என்று WHO கூறியிருந்தனர். கோவிட் -19 வெப்பமான மற்றும் ஈரப்பதமான காலநிலை உள்ள பகுதிகளில் பரவ முடியும் என்பதை இது தெளிவுபடுத்துகிறது.

निष्कर्ष: முடிவுரை: மஞ்சள், மிளகு, எலுமிச்சை, தோல் உரிக்கப்பட்ட இஞ்சி, துளசி ஆகியவற்றை சேர்த்து நீராவி பிடிப்பது கொரோனா வைரஸைக் கொல்லும் என்று கூறும் இடுகை தவறானது.

டேக்குகள்

• Coronavirus
• CoronaVirusFacts
• COVID19
• COVID2019