Fact Check : ਏਅਰਪੋਰਟ ਤੇ ਅਜਿਹੀ ਹਰਕਤ ਕਰਨ ਵਾਲਾ ਆਦਮੀ ਆਰੀਅਨ ਖਾਨ ਨਹੀਂ , ਕੈਨੇਡਾ ਦਾ ਇੱਕ ਐਕਟਰ ਸੀ
ਵਿਸ਼ਵਾਸ ਨਿਊਜ਼ ਦੀ ਜਾਂਚ ‘ਚ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਦੇ ਨਾਂ ਤੇ ਵਾਇਰਲ ਪੋਸਟ ਫਰਜ਼ੀ ਸਾਬਿਤ ਹੋਈ। ਏਅਰਪੋਰਟ ਤੇ ਪਿਸ਼ਾਬ ਕਰਨ ਵਾਲੇ ਆਰੀਅਨ ਨਹੀਂ , ਬਲਕਿ ਕੈਨੇਡਾ ਦੇ ਅਭਿਨੇਤਾ Bronson Pelletier ਸਨ। ਇਹ ਵੀਡੀਓ ਲਗਭਗ 9 ਸਾਲ ਪੁਰਾਣਾ ਹੈ। ਇਸ ਨੂੰ ਹੁਣ ਝੂਠੇ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
- By: Ashish Maharishi
- Published: Jan 5, 2022 at 02:31 PM
ਨਵੀਂ ਦਿੱਲੀ (ਵਿਸ਼ਵਾਸ ਨਿਊਜ਼ )। ਸੋਸ਼ਲ ਮੀਡੀਆ ਦੇ ਵੱਖ – ਵੱਖ ਪਲੇਟਫਾਰਮ ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਕਰਦੇ ਹੋਏ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਨੇ ਨਸ਼ੇ ਦੀ ਹਾਲਤ ਵਿੱਚ ਏਅਰਪੋਰਟ ਤੇ ਪਿਸ਼ਾਬ ਕਰ ਦਿੱਤਾ । 1:35 ਮਿੰਟ ਦੀ ਇਸ ਵੀਡੀਓ ‘ਚ ਇੱਕ ਨੌਜਵਾਨ ਨੂੰ ਏਅਰਪੋਰਟ ਤੇ ਸਰੇਆਮ ਪਿਸ਼ਾਬ ਕਰਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਜਿਸਦੇ ਬਾਅਦ ਸਕਿਊਰਿਟੀ ਗਾਰਡ ਉਸ ਨੂੰ ਫੜਦੇ ਹੋਏ ਦੇਖਿਆ ਜਾ ਸਕਦਾ ਹੈ । ਜਦੋਂ ਵਿਸ਼ਵਾਸ ਨਿਊਜ਼ ਨੇ ਵਾਇਰਲ ਪੋਸਟ ਦੀ ਵਿਸਤਾਰ ਨਾਲ ਜਾਂਚ ਕੀਤੀ ਤਾਂ ਸੱਚਾਈ ਸਾਹਮਣੇ ਆ ਗਈ। ਦਰਅਸਲ ਏਅਰਪੋਰਟ ਤੇ ਪਿਸ਼ਾਬ ਕਰਨ ਵਾਲਾ ਵਿਅਕਤੀ ਕੈਨੇਡਾ ਦੇ ਅਭਿਨੇਤਾ ਬ੍ਰੋਨਸਨ ਪੇਲੇਟਿਅਰ ਸੀ।ਇਹ ਵੀਡੀਓ ਲਗਭਗ 9 ਸਾਲ ਪੁਰਾਣਾ ਹੈ। ਹੁਣ ਇਸਨੂੰ ਆਰੀਅਨ ਖਾਨ ਨੂੰ ਬਦਨਾਮ ਕਰਨ ਦੇ ਲਈ ਝੂਠੇ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
ਕੀ ਹੋ ਰਿਹਾ ਹੈ ਵਾਇਰਲ ?
ਫੇਸਬੁੱਕ ਯੂਜ਼ਰ ਸੁਨੀਲ ਸ਼ੁਕਲਾ ਨੇ 3 ਜਨਵਰੀ ਨੂੰ ਇੱਕ ਵੀਡੀਓ ਅਪਲੋਡ ਕਰਦੇ ਹੋਏ ਦਾਅਵਾ ਕੀਤਾ: ‘ਆਰੀਅਨ ਖਾਨ ਅਮਰੀਕਾ ਏਅਰਪੋਰਟ ਤੇ. ਸ਼ਾਹਰੁਖ ਖਾਨ ਦਾ ਪੁੱਤਰ. ਵਿਦੇਸ਼ਾਂ ਵਿੱਚ ਡੋਬਿਆ ਜਾ ਰਿਹਾ ਬਾਪ ਤੇ ਦੇਸ਼ ਦਾ ਨਾਮ! ਲਾਹਨਤ ਹੈ ਅਜਿਹੇ ਲੋਕਾਂ ਤੇ.’
ਫੇਸਬੁੱਕ ਪੋਸਟ ਦੇ ਕੰਟੇੰਟ ਨੂੰ ਜਿਉਂ ਦਾ ਤਿਉਂ ਲਿਖਿਆ ਗਿਆ ਹੈ। ਇਸਦੇ ਆਰਕਾਈਵ ਵਰਜਨ ਨੂੰ ਇੱਥੇ ਦੇਖੋ। ਇਸ ਨੂੰ ਸੱਚ ਮੰਨ ਕੇ ਦੂਜੇ ਯੂਜ਼ਰਸ ਵੀ ਇਸ ਨੂੰ ਵਾਇਰਲ ਕਰ ਰਹੇ ਹਨ।
ਪੜਤਾਲ
ਵਿਸ਼ਵਾਸ ਨਿਊਜ਼ ਨੇ ਵਾਇਰਲ ਵੀਡੀਓ ਦੇ ਨਾਲ ਕੀਤੇ ਜਾ ਰਹੇ ਦਾਅਵੇ ਦੀ ਸੱਚਾਈ ਜਾਣਨ ਲਈ ਸੰਬੰਧਿਤ ਕੀਵਰਡਸ ਨਾਲ ਗੂਗਲ ਤੇ ਖਬਰਾਂ ਨੂੰ ਸਰਚ ਕਰਨਾ ਸ਼ੁਰੂ ਕੀਤਾ। ਸਾਨੂੰ ਡਿਜੀਟਲ ਸਪਾਈ ਨਾਮ ਦੀ ਇੱਕ ਵੈੱਬਸਾਈਟ ਤੇ 2013 ਵਿੱਚ ਅੱਪਲੋਡ ਇੱਕ ਖਬਰ ਮਿਲੀ। ਇਸ ਵਿੱਚ ਦੱਸਿਆ ਗਿਆ ਕਿ 25 ਸਾਲਾ ਕੈਨੇਡੀਅਨ ਅਭਿਨੇਤਾ Bronson Pelletier ਨੇ ਨਸ਼ੇ ਦੀ ਹਾਲਤ ‘ਚ ਏਅਰਪੋਰਟ ਤੇ ਪਿਸ਼ਾਬ ਕਰ ਦਿੱਤਾ ਸੀ। ਇੱਥੇ ਕਲਿੱਕ ਕਰਕੇ ਪੂਰੀ ਖ਼ਬਰ ਪੜ੍ਹੋ।
ਇਸ ਨਾਲ ਜੁੜੀ ਖਬਰ ਸਾਨੂੰ ਬਜਫ਼ੀਡ ਦੀ ਵੈੱਬਸਾਈਟ ਤੇ ਵੀ ਮਿਲੀ। 3 ਜਨਵਰੀ 2013 ਨੂੰ ਪਬਲਿਸ਼ ਖਬਰ ਵਿੱਚ ਦੱਸਿਆ ਗਿਆ ਕਿ ਟਵੀਲਾਈਟ ਫਿਲਮ ਸੀਰੀਜ਼ ਦੇ ਐਕਟਰ Bronson Pelletier ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ‘ਚ ਉਨ੍ਹਾਂ ਨੂੰ ਏਅਰਪੋਰਟ ‘ਤੇ ਪਿਸ਼ਾਬ ਕਰਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਇੱਥੇ ਪੂਰੀ ਖ਼ਬਰ ਪੜ੍ਹੋ।
ਪੜਤਾਲ ਨੂੰ ਅੱਗੇ ਵਧਾਉਂਦੇ ਹੋਏ ਵਿਸ਼ਵਾਸ ਨਿਊਜ਼ ਨੇ ਮੁੰਬਈ ਵਿੱਚ ਬਾਲੀਵੁੱਡ ਨੂੰ ਲੰਬੇ ਸਮੇਂ ਤੋਂ ਕਵਰ ਕਰਨ ਵਾਲੇ ਸੀਨੀਅਰ ਪੱਤਰਕਾਰ ਪਰਾਗ ਛਾਪੇਕਰ ਨਾਲ ਸੰਪਰਕ ਕੀਤਾ। ਉਨ੍ਹਾਂ ਦੇ ਨਾਲ ਵਾਇਰਲ ਵੀਡੀਓ ਨੂੰ ਸਾਂਝਾ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਸ਼ਾਹਰੁਖ ਖਾਨ ਦੇ ਬੇਟੇ ਨੂੰ ਬਦਨਾਮ ਕਰਨ ਲਈ ਇਸ ਵੀਡੀਓ ਨੂੰ ਵਾਇਰਲ ਕੀਤਾ ਜਾ ਰਿਹਾ ਹੈ। ਇਹ ਆਰੀਅਨ ਖਾਨ ਦੀ ਵੀਡੀਓ ਨਹੀਂ ਹੈ।
ਜਾਂਚ ਦੇ ਅੰਤ ਵਿੱਚ ਵਿਸ਼ਵਾਸ ਨਿਊਜ਼ ਨੇ ਫਰਜ਼ੀ ਪੋਸਟ ਕਰਨ ਵਾਲੇ ਫੇਸਬੁੱਕ ਯੂਜ਼ਰ ਸੁਨੀਲ ਸ਼ੁਕਲਾ ਦੀ ਸੋਸ਼ਲ ਸਕੈਨਿੰਗ ਕੀਤੀ। ਸਾਨੂੰ ਪਤਾ ਲੱਗਾ ਕਿ ਯੂਜ਼ਰ ਝਾਂਸੀ ਦਾ ਰਹਿਣ ਵਾਲਾ ਹੈ। ਇਸਦੇ ਅਕਾਊਂਟ ਤੇ 1300 ਦੋਸਤ ਹਨ।
ਨਤੀਜਾ: ਵਿਸ਼ਵਾਸ ਨਿਊਜ਼ ਦੀ ਜਾਂਚ ‘ਚ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਦੇ ਨਾਂ ਤੇ ਵਾਇਰਲ ਪੋਸਟ ਫਰਜ਼ੀ ਸਾਬਿਤ ਹੋਈ। ਏਅਰਪੋਰਟ ਤੇ ਪਿਸ਼ਾਬ ਕਰਨ ਵਾਲੇ ਆਰੀਅਨ ਨਹੀਂ , ਬਲਕਿ ਕੈਨੇਡਾ ਦੇ ਅਭਿਨੇਤਾ Bronson Pelletier ਸਨ। ਇਹ ਵੀਡੀਓ ਲਗਭਗ 9 ਸਾਲ ਪੁਰਾਣਾ ਹੈ। ਇਸ ਨੂੰ ਹੁਣ ਝੂਠੇ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
- Claim Review : ਆਰੀਅਨ ਖਾਨ ਅਮਰੀਕਾ ਏਅਰਪੋਰਟ ਤੇ. ਸ਼ਾਹਰੁਖ ਖਾਨ ਦਾ ਪੁੱਤਰ. ਵਿਦੇਸ਼ਾਂ ਵਿੱਚ ਡੋਬਿਆ ਜਾ ਰਿਹਾ ਬਾਪ ਤੇ ਦੇਸ਼ ਦਾ ਨਾਮ! ਲਾਹਨਤ ਹੈ ਅਜਿਹੇ ਲੋਕਾਂ ਤੇ.
- Claimed By : ਫੇਸਬੁੱਕ ਯੂਜ਼ਰ ਸੁਨੀਲ ਸ਼ੁਕਲਾ
- Fact Check : ਫਰਜ਼ੀ
ਪੂਰਾ ਸੱਚ ਜਾਣੋ...ਕਿਸੇ ਸੂਚਨਾ ਜਾਂ ਅਫਵਾਹ 'ਤੇ ਸ਼ੱਕ ਹੋਵੇ ਤਾਂ ਸਾਨੂੰ ਦੱਸੋ
ਸਭ ਨੂੰ ਦੱਸੋ, ਸੱਚ ਜਾਣਨਾ ਤੁਹਾਡਾ ਅਧਿਕਾਰ ਹੈ। ਜੇਕਰ ਤੁਹਾਨੂੰ ਅਜਿਹੀ ਕਿਸੇ ਵੀ ਖਬਰ ‘ਤੇ ਸ਼ੱਕ ਹੈ ਜਿਸ ਦਾ ਅਸਰ ਤੁਹਾਡੇ, ਸਮਾਜ ਅਤੇ ਦੇਸ਼ ‘ਤੇ ਹੋ ਸਕਦਾ ਹੈ ਤਾਂ ਸਾਨੂੰ ਦੱਸੋ। ਤੁਸੀਂ ਸਾਨੂੰ ਹੇਠਾਂ ਦਿੱਤੇ ਗਏ ਕਿਸੇ ਵੀ ਮਾਧਿਅਮ ਰਾਹੀਂ ਜਾਣਕਾਰੀ ਭੇਜ ਸਕਦੇ ਹੋ...
