Fact Check: ਨਿਰਭਿਯਾ ਆਂਦੋਲਨ ਦੇ ਸਮੇਂ ਦੀ ਤਸਵੀਰ ਹੋ ਰਹੀ ਹੈ ਵਾਇਰਲ, JNU ਵਿਚ ਜਾਰੀ ਵਿਰੋਧ-ਪ੍ਰਦਰਸ਼ਨ ਨਾਲ ਕੋਈ ਸਬੰਧ ਨਹੀਂ

ਨਵੀਂ ਦਿੱਲੀ (ਵਿਸ਼ਵਾਸ ਟੀਮ)। ਹੋਸਟਲ ਫੀਸ ਵਿਚ ਹੋਏ ਵਾਧੇ ਕਰਕੇ ਦਿੱਲੀ ਦੀ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (JNU) ਵਿਚ ਚਲ ਰਹੇ ਵਿਰੋਧ ਪ੍ਰਦਰਸ਼ਨ ਨੂੰ ਲੈ ਕੇ ਇੱਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸਦੇ ਵਿਚ ਦਿੱਲੀ ਪੁਲਿਸ ਦੇ ਜਵਾਨ ਇੱਕ ਕੁੜੀ ਨੂੰ ਡਾਂਗ ਮਾਰਦੇ ਹੋਏ ਦਿੱਸ ਰਹੇ ਹਨ। ਵਿਸ਼ਵਾਸ ਟੀਮ ਦੀ ਪੜਤਾਲ ਵਿਚ ਇਹ ਤਸਵੀਰ ਗੁਮਰਾਹ ਕਰਨ ਵਾਲੀ ਨਿਕਲੀ। ਇਸ ਤਸਵੀਰ ਦਾ JNU ਵਿਚ ਚਲ ਰਹੇ ਪ੍ਰਦਰਸ਼ਨ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।

ਕੀ ਹੋ ਰਿਹਾ ਹੈ ਵਾਇਰਲ?

ਫੇਸਬੁੱਕ ਯੂਜ਼ਰ “जागलान मनीष चौधरी” ਨੇ ਇੱਕ ਤਸਵੁਰ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, “गम ये नहीं कि लाठीडंडों का दरियाथा!🤣😂गम तो 😊बस ये है कि
डंडाठीक वहीं पड़़ा जहाँ “कमाई का_जरिया” था!😜😂 #JNUProtests”

ਪੜਤਾਲ

ਰਿਵਰਸ ਇਮੇਜ ਦੌਰਾਨ ਸਾਨੂੰ ਅੰਗਰੇਜ਼ੀ ਵੈੱਬਸਾਈਟ India Today ‘ਤੇ 23 ਦਸੰਬਰ 2012 ਨੂੰ ਪ੍ਰਕਾਸ਼ਿਤ ਖਬਰ ਮਿਲੀ, ਜਿਸਦੇ ਵਿਚ ਨਿਰਭਿਯਾ ਆਂਦੋਲਨ ਦੌਰਾਨ ਪੁਲਿਸ ਦੇ ਲਾਠੀਚਾਰਜ ਕੀਤੇ ਜਾਣ ਦਾ ਜਿਕਰ ਹੈ। ਇਸ ਖਬਰ ਵਿਚ ਸਾਨੂੰ ਇਹ ਤਸਵੀਰ ਲੱਗੀ ਮਿਲੀ।

ਐਡਵਾਂਸ ਸਰਚ ਵਿਚ ਸਾਨੂੰ ਹੀ ਤਸਵੀਰ ਨਿਊਜ਼ ਏਜੇਂਸੀ Reuters ਦੀ ਵੈੱਬਸਾਈਟ ‘ਤੇ ਵੀ ਮਿਲੀ, ਜਿਸਨੂੰ 22 ਦਸੰਬਰ 2012 ਨੂੰ ਅਪਲੋਡ ਕੀਤਾ ਗਿਆ ਸੀ। ਤਸਵੀਰ ਨਾਲ ਦਿੱਤੀ ਗਈ ਜਾਣਕਾਰੀ ਮੁਤਾਬਕ, ‘ਨਵੀਂ ਦਿੱਲੀ ਵਿਚ 22 ਦਸੰਬਰ 2012 ਨੂੰ ਰਾਸ਼ਟਰਪਤੀ ਭਵਨ ਦੇ ਕੋਲ ਪ੍ਰਦਰਸ਼ਨਕਾਰੀਆਂ ‘ਤੇ ਡਾਂਗ ਚਲਾਉਂਦਾ ਪੁਲਿਸਕਰਮੀ।’

Reuters ਲਈ ਇਹ ਤਸਵੀਰ ਅਦਨਾਨ ਅਬੀਦੀ ਨੇ ਖਿੱਚੀ ਸੀ। ਵਿਸ਼ਵਾਸ ਨਿਊਜ਼ ਨੇ ਉਨ੍ਹਾਂ ਨਾਲ ਸੰਪਰਕ ਕੀਤਾ। ਅਬੀਦੀ ਨੇ ਦੱਸਿਆ ਕਿ ਇਸ ਤਸਵੀਰ ਦਾ JNU ਵਿਚ ਚਲ ਰਹੇ ਮੌਜੂਦਾ ਪ੍ਰਦਰਸ਼ਨ ਨਾਲ ਕੋਈ ਸਬੰਧ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ, ‘2012 ਵਿਚ ਨਿਰਭਿਯਾ ਜਬਰ-ਜਨਾਹ ਕਾਂਡ ਖਿਲਾਫ ਚਲ ਰਹੇ ਵਿਰੋਧ ਪ੍ਰਦਰਸ਼ਨ ਦੌਰਾਨ ਪੁਲਿਸ ਨੇ ਪ੍ਰਦਰਸ਼ਨਕਾਰੀਆਂ ‘ਤੇ ਲਾਠੀਚਾਰਜ ਕੀਤਾ ਸੀ। ਇਹ ਤਸਵੀਰ ਓਸੇ ਸਮੇਂ ਦੀ ਹੈ।’

ਇਸ ਤਸਵੀਰ ਨੂੰ ਕਈ ਸਾਰੇ ਯੂਜ਼ਰ ਸ਼ੇਅਰ ਕਰ ਰਹੇ ਹਨ ਅਤੇ ਇਨ੍ਹਾਂ ਵਿਚੋਂ ਦੀ ਹੀ ਇੱਕ ਹੈ “Choudhary Viky” ਨਾਂ ਦੀ ਫੇਸਬੁੱਕ ਪ੍ਰੋਫ਼ਾਈਲ। ਅਸੀਂ ਪਾਇਆ ਕਿ ਯੂਜ਼ਰ ਨੂੰ 119 ਲੋਕ ਫਾਲੋ ਕਰਦੇ ਹਨ।

ਨਤੀਜਾ: ਮਹਿਲਾ ਪ੍ਰਦਰਸ਼ਨਕਾਰੀ ‘ਤੇ ਲਾਠੀਚਾਰਜ ਦੀ ਇਹ ਤਸਵੀਰ 2012 ਵਿਚ ਹੋਏ ਨਿਰਭਿਯਾ ਜਬਰ ਜਨਾਹ ਖਿਲਾਫ ਹੋਏ ਪ੍ਰਦਰਸ਼ਨ ਦੀ ਹੈ। ਇਸ ਤਸਵੀਰ ਦਾ JNU ਵਿਚ ਚਲ ਰਹੇ ਪ੍ਰਦਰਸ਼ਨ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।