Fact Check: ਅਯੋਧਿਆ ਦੇ ‘ਬਾਬਰੀ ਹਸਪਤਾਲ’ ਦੇ ਨਾਂ ‘ਤੇ ਵਾਇਰਲ ਹੋ ਰਹੀ ਤਸਵੀਰ ਫਰਜੀ ਹੈ
ਅਯੋਧਿਆ ਦੇ ‘ਬਾਬਰੀ ਹਸਪਤਾਲ’ ਦੇ ਨਾਂ ਤੋਂ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਅਸਲ ਵਿਚ ਇਹ ਤਸਵੀਰ ਅਮਰੀਕਾ ਦੇ ਵਰਜੀਨੀਆ ਸਟੇਟ ਯੂਨੀਵਰਸਿਟੀ ਹਸਪਤਾਲ ਦੀ ਹੈ, ਜਿਸਨੂੰ ਬਾਬਰੀ ਹਸਪਤਾਲ ਦਾ ਬਲੂ ਪ੍ਰਿੰਟ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।
- By: Abhishek Parashar
- Published: Aug 10, 2020 at 06:37 PM
- Updated: Aug 29, 2020 at 05:26 PM
ਨਵੀਂ ਦਿੱਲੀ (ਵਿਸ਼ਵਾਸ ਟੀਮ)। ਸੁਪਰੀਮ ਕੋਰਟ ਦੇ ਆਦੇਸ਼ ਮੁਤਾਬਕ, ਅਯੋਧਿਆ ਜਿਲਾ ਪ੍ਰਸ਼ਾਸਨ ਦੀ ਤਰਫ਼ੋਂ ਸੁੰਨੀ ਵਕਫ ਬੋਰਡ ਨੂੰ ਪੰਜ ਏਕੜ ਜਮੀਨ ਦਿੱਤੇ ਜਾਣ ਦੇ ਬਾਅਦ ਤੋਂ ਸੋਸ਼ਲ ਮੀਡੀਆ ‘ਤੇ ਹਸਪਤਾਲ ਦੀ ਇੱਕ ਤਸਵੀਰ ਵਾਇਰਲ ਹੋ ਰਹੀ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸੁੰਨੀ ਵਕਫ ਬੋਰਡ ਨੇ ਅਯੋਧਿਆ ਵਿਚ ਮਿਲੀ ਜਮੀਨ ‘ਤੇ ‘ਬਾਬਰੀ ਹਸਪਤਾਲ’ ਬਣਾਉਣ ਦਾ ਫੈਸਲਾ ਲਿਆ ਹੈ ਅਤੇ ਵਾਇਰਲ ਤਸਵੀਰ ਓਸੇ ਹਸਪਤਾਲ ਦਾ ਪ੍ਰਸਤਾਵਿਤ ਡਿਜ਼ਾਈਨ ਹੈ।
ਵਿਸ਼ਵਾਸ ਟੀਮ ਦੀ ਪੜਤਾਲ ਵਿਚ ਇਹ ਦਾਅਵਾ ਗਲਤ ਨਿਕਲਿਆ ਅਤੇ ਵਾਇਰਲ ਤਸਵੀਰ ਫਰਜੀ ਸਾਬਤ ਹੋਈ। ਵਾਇਰਲ ਹੋ ਰਹੀ ਤਸਵੀਰ ਅਸਲ ਵਿਚ ਦੂਜੇ ਹਸਪਤਾਲ ਦੀ ਤਸਵੀਰ ਹੈ, ਜਿਸਨੂੰ ਐਡਿਟ ਕਰ ‘ਬਾਬਰੀ ਹਸਪਤਾਲ’ ਦੇ ਡਿਜ਼ਾਈਨ ਦੇ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
ਕੀ ਹੋ ਰਿਹਾ ਹੈ ਵਾਇਰਲ?
ਫੇਸਬੁੱਕ ਯੂਜ਼ਰ ‘ਸਿਰਦਾਰ ਸੁਖਰਾਜ ਸਿੰਘ ਗੋਇੰਦਵਾਲ’ ਨੇ ਵਾਇਰਲ ਤਸਵੀਰ ਨੂੰ ਅਪਲੋਡ ਕਰਦੇ ਹੋਏ ਲਿਖਿਆ ਹੈ: “ਅਯੋਧਿਆ ਚ ਬਣੇਗਾ ਬਾਬਰੀ ਹਸਪਤਾਲ – ਸੁੰਨੀ ਵਕਫ਼ ਬੋਰਡ ਵਧਾਈ ਦੀ ਪਾਤਰ ਹੈ ਸੁੰਨੀ ਵਕਫ ਬੋਰਡ ਦੀ ਪੂਰੀ ਟੀਮ ਤੇ ਪੂਰਾ ਮੁਸਲਿਮ ਭਾਈਚਾਰਾ ਜਿਨ੍ਹਾਂ ਨੇ ਏਨਾ ਵਧੀਆ ਫੈਸਲਾ ਲਿਆ
ਮਹਾਂਮਾਰੀ ਦੇ ਦੌਰ ਵਿੱਚ ਮੰਦਰ ਮਸਜਿਦ ਗੁਰਦੁਆਰੇ ਗਿਰਜੇ ਘਰ ਨਾਲੋਂ ਹਸਪਤਾਲਾਂ ਦੀ ਜ਼ਿਆਦਾ ਲੋੜ ਹੈ ਸੁਪਰੀਮ ਕੋਰਟ ਨੇ ਜੋ ਪੰਜ ਏਕੜ ਜ਼ਮੀਨ ਬਾਬਰੀ ਮਸਜਿਦ ਲਈ ਦਿੱਤੀ ਸੀ, ਸੁੰਨੀ ਵਕਫ ਬੋਰਡ ਨੇ ਵਧੀਆ ਫੈਸਲਾ ਲੈਂਦੀਆਂ ਉਸਤੇ ਬਾਬਰੀ ਮਸਜਿਦ ਦੇ ਨਾਲ ਨਾਲ ਇੱਕ ਚੈਰੀਟੇਬਲ ਹਸਪਤਾਲ ਬਣਾਉਣ ਦਾ ਵੀ ਐਲਾਨ ਕੀਤਾ ਹੈ ਜੋ ਕਿ ਏਮਜ਼ ਦੇ ਬਰਾਬਰ ਦੀਆਂ ਸਿਹਤ ਸਹੂਲਤਾਂ ਮੁਫ਼ਤ ਵਿੱਚ ਦੇਵੇਗਾ। ਸੂਤਰਾਂ ਮੁਤਾਬਕ ਮਸ਼ਹੂਰ ਡਾਕਟਰ ਕਫੀਲ ਖਾਨ ਨੂੰ ਇਸ ਹਸਪਤਾਲ ਦਾ Administrator ਬਣਾਇਆ ਜਾ ਸਕਦਾ ਹੈ, ਇਸ ਹਸਪਤਾਲ ਦਾ ਇੱਕ ਪੂਰਾ ਫਲੋਰ ਬਚਿਆਂ ਲਈ ਰਾਖਵਾਂ ਹੋਵੇਗਾ। ਜਿਸ ਵਿੱਚ ਬੱਚਿਆਂ ਦੀਆਂ ਗੰਭੀਰ ਬਿਮਾਰੀਆਂ ਦਾ ਇਲਾਜ਼ ਹੋਵੇਗਾ।😊”
ਵਾਇਰਲ ਪੋਸਟ ਦਾ ਫੇਸਬੁੱਕ ਅਤੇ ਆਰਕਾਇਵਡ ਲਿੰਕ।
ਪੜਤਾਲ
‘ਦੈਨਿਕ ਜਾਗਰਣ’ ਵਿਚ ਪ੍ਰਕਾਸ਼ਿਤ ਰਿਪੋਰਟ ਮੁਤਾਬਕ, ‘ਅਯੋਧਿਆ ਵਿਚ ਸ਼੍ਰੀ ਰਾਮ ਮੰਦਿਰ ਲਈ ਭੂਮੀ ਪੂਜਣ ਸਮਾਪਤ ਹੋਣ ਦੇ ਨਾਲ ਹੀ ਉੱਤਰ ਪ੍ਰਦੇਸ਼ ਸੁੰਨੀ ਸੇੰਟ੍ਰਲ ਵਕਫ ਬੋਰਡ ਦੁਆਰਾ ਬਣਾਈ ਗਈ ਇੰਡੋ ਇਸਲਾਮਿਕ ਕਲਚਰਲ ਫਾਊਂਡੇਸ਼ਨ ਨੇ ਵੀ ਆਪਣੀ ਗਤੀਵਿਧੀਆਂ ਵਧਾ ਦਿੱਤੀਆਂ ਹਨ। ਅਯੋਧਿਆ ਵਿਚ ਮਿਲੀ ਪੰਜ ਏਕੜ ਜਮੀਨ ‘ਤੇ ਮਸਜਿਦ, ਹਸਪਤਾਲ, ਰਿਸਰਚ ਸੈਂਟਰ ਸਣੇ ਹੋਣ ਜਰੂਰੀ ਸੁਵਿਧਾਵਾਂ ਵਿਕਸਿਤ ਕਰਨ ਲਈ ਬਣਾਈ ਗਈ ਇਸ ਫਾਊਂਡੇਸ਼ਨ ਦਾ ਦਫਤਰ ਛੇਤੀ ਹੀ ਲਖਨਊ ਵਿਚ ਖੁੱਲ੍ਹੇਗਾ। ਉੱਤਰ ਪ੍ਰਦੇਸ਼ ਸੁੰਨੀ ਸੇੰਟ੍ਰਲ ਵਕਫ ਬੋਰਡ ਨੇ 29 ਜੁਲਾਈ ਨੂੰ ਹੀ ਇੰਡੋ ਇਸਲਾਮਿਕ ਕਲਚਰਲ ਫਾਊਂਡੇਸ਼ਨ ਦੇ 9 ਸੱਦਸਿਆਂ ਦੀ ਘੋਸ਼ਣਾ ਕੀਤੀ ਸੀ। ਇਸਦੇ ਵਿਚ ਵੱਧ ਤੋਂ ਵੱਧ 15 ਸੱਦਸ ਹੋ ਸਕਦੇ ਹਨ। 6 ਸੱਦਸਿਆਂ ਨੂੰ ਬਾਅਦ ਵਿਚ ਇਹ ਟ੍ਰਸਟ ਆਪ ਨਮਿਤ ਕਰੇਗਾ। ਪਿਛਲੇ ਦਿਨਾਂ ਅਯੋਧਿਆ ਜਿਲ੍ਹਾ ਪ੍ਰਸ਼ਾਸਨ ਨੇ (ਸੁਪਰੀਮ ਕੋਰਟ ਦੇ ਫੈਸਲੇ ਮੁਤਾਬਕ) ਸੁੰਨੀ ਵਕਫ ਬੋਰਡ ਨੂੰ ਪੰਜ ਏਕੜ ਭੂਮੀ ਦੇ ਕਾਗਜ ਪ੍ਰਦਾਨ ਕਰ ਦਿੱਤੇ ਸਨ।’
ਦੈਨਿਕ ਜਾਗਰਣ ਵਿਚ 7 ਅਗਸਤ ਨੂੰ ਪ੍ਰਕਾਸ਼ਿਤ ਰਿਪੋਰਟ
ਨਿਊਜ਼ ਸਰਚ ਵਿਚ ਸਾਨੂੰ ਅਜਿਹੀ ਕੋਈ ਖ਼ਬਰ ਨਹੀਂ ਮਿਲੀ, ਜਿਸਦੇ ਵਿਚ ਅਯੋਧਿਆ ਵਿਚ ਸੁੰਨੀ ਵਕਫ਼ ਬੋਰਡ ਨੂੰ ਦਿੱਤੀ ਗਈ ਜ਼ਮੀਨ ‘ਤੇ ‘ਬਾਬਰੀ ਹਸਪਤਾਲ’ ਦੇ ਨਾਂ ‘ਤੇ ਇੱਕ ਹਸਪਤਾਲ ਦੀ ਉਸਾਰੀ ਦਾ ਜ਼ਿਕਰ ਕੀਤਾ ਗਿਆ ਹੋਵੇ। ਨਾ ਹੀ ਸਾਨੂੰ ਕਿਸੇ ਖ਼ਬਰ ਵਿਚ ਕੋਈ ਜਾਣਕਾਰੀ ਮਿਲੀ ਕਿ ਇੰਡੋ-ਇਸਲਾਮਿਕ ਕਲਚਰਲ ਫਾਉਂਡੇਸ਼ਨ ਨੇ ਹਸਪਤਾਲ ਦੇ ਨਿਰਮਾਣ ਜਾਂ ਡਿਜ਼ਾਈਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਨਿਊਜ਼ ਸਰਚ ਵਿਚ ਸਾਨੂੰ ਇੱਕ ਹੋਰ ਰਿਪੋਰਟ ਮਿਲੀ, ਜਿਸਦੇ ਅਨੁਸਾਰ, ‘ਅਯੋਧਿਆ ਵਿਚ ਬਣਾਈ ਗਈ ਮਸਜਿਦ ਦਾ ਹੁਣ ਨਾਂ ਬਾਬਰੀ ਮਸਜਿਦ ਨਹੀਂ ਰੱਖਿਆ ਜਾਵੇਗਾ।’ ਇਸੇ ਅਹਾਤੇ ਦੇ ਇੱਕ ਹਸਪਤਾਲ ਦਾ ਨਾਂ ਬਾਬਰੀ ਹਸਪਤਾਲ ਕਿਵੇਂ ਰੱਖਿਆ ਜਾ ਸਕਦਾ ਹੈ।
ਆਜ ਤਕ ਦੀ ਵੈੱਬਸਾਈਟ ‘ਤੇ 3 ਅਗਸਤ ਨੂੰ ਪ੍ਰਕਾਸ਼ਿਤ ਰਿਪੋਰਟ
ਵਿਸ਼ਵਾਸ ਨਿਊਜ਼ ਨੇ ਉੱਤਰ ਪ੍ਰਦੇਸ਼ ਸੁੰਨੀ ਕੇਂਦਰੀ ਵਕਫ਼ ਬੋਰਡ ਦੇ ਪ੍ਰਧਾਨ ਜੁਫਰ ਅਹਿਮਦ ਫਾਰੂਕੀ ਨਾਲ ਉਨ੍ਹਾਂ ਦੇ ਮੋਬਾਈਲ ਨੰਬਰ ‘ਤੇ ਸੰਪਰਕ ਕੀਤਾ। ਅਸੀਂ ਉਨ੍ਹਾਂ ਨਾਲ ਸੰਪਰਕ ਨਹੀਂ ਕਰ ਸਕੇ ਕਿਉਂਕਿ ਫਾਰੂਕੀ ਦਾ ਨੰਬਰ ਬੰਦ ਆ ਰਿਹਾ ਸੀ।
ਫਿਰ ਅਸੀਂ ਬੋਰਡ ਦੇ ਸੀਈਓ ਸਈਦ ਮੁਹੰਮਦ ਸ਼ੋਇਬ ਤੱਕ ਪਹੁੰਚ ਕੀਤੀ। ਸ਼ੋਏਬ ਨੇ ਸਾਨੂੰ ਦੱਸਿਆ, “ਇੰਡੋ ਇਸਲਾਮਿਕ ਕਲਚਰਲ ਫਾਉਂਡੇਸ਼ਨ ਨੇ ਹੁਣੇ ਆਪਣੀ ਪਹਿਲੀ ਮੀਟਿੰਗ ਕੀਤੀ ਹੈ। ਮੀਟਿੰਗ ਵਿਚ ਮਸਜਿਦ ਦੀ ਉਸਾਰੀ ਦੇ ਨਾਲ ਹੋਰ ਗੱਲਾਂ ‘ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਕੁਝ ਮੈਂਬਰਾਂ ਨੇ ਮਸਜਿਦ ਕੰਪਲੈਕਸ ਵਿੱਚ ਹਸਪਤਾਲ ਦੀ ਉਸਾਰੀ ਦੀ ਗੱਲ ਕੀਤੀ ਹੈ, ਤਾਂ ਜੋ ਸਾਰੇ ਧਰਮਾਂ ਅਤੇ ਧਰਮਾਂ ਦੇ ਲੋਕਾਂ ਦੀ ਸੇਵਾ ਕੀਤੀ ਜਾ ਸਕੇ। ਇਸ ਸਬੰਧ ਵਿਚ ਅਜੇ ਕੋਈ ਅੰਤਮ ਫੈਸਲਾ ਨਹੀਂ ਲਿਆ ਗਿਆ ਹੈ। ਅਜਿਹੀ ਸਥਿਤੀ ਵਿਚ ਹਸਪਤਾਲ ਦੇ ਨਾਂ ਜਾਂ ਇਸ ਦੇ ਡਿਜ਼ਾਈਨ ਬਾਰੇ ਜੋ ਵੀ ਕਿਹਾ ਜਾ ਰਿਹਾ ਹੈ ਉਹ ਪੂਰੀ ਤਰ੍ਹਾਂ ਬੇਬੁਨਿਆਦ ਹੈ। ਮਸਜਿਦ ਦੀ ਉਸਾਰੀ ਨਿਸ਼ਚਤ ਹੈ, ਪਰ ਸਭ ਕੁਝ ਅਜੇ ਵੀ ਗੱਲਬਾਤ ਦੇ ਪੜਾਅ ‘ਤੇ ਹੈ।
ਉਨ੍ਹਾਂ ਕਿਹਾ, ‘ਕੁਝ ਲੋਕ ਹਸਪਤਾਲ ਨੂੰ ਬਾਬਰੀ ਹਸਪਤਾਲ ਰੱਖਣ ਅਤੇ ਅਫਸਰਾਂ ਵਜੋਂ ਡਾ: ਕਫਿਲ ਖਾਨ ਦੇ ਨਾਮ‘ ਤੇ ਵਿਚਾਰ ਕਰਨ ਦੀਆਂ ਅਫਵਾਹਾਂ ਫੈਲਾ ਰਹੇ ਹਨ। ਮੈਂ ਵਕਫ਼ ਬੋਰਡ ਦੀ ਤਰਫ਼ੋਂ ਅਜਿਹੀਆਂ ਚੀਜ਼ਾਂ ਤੋਂ ਇਨਕਾਰ ਕਰਦਾ ਹਾਂ।’
ਵਾਇਰਲ ਪੋਸਟ ਵਿਚ ‘ਬਾਬਰੀ ਹਸਪਤਾਲ’ ਦੇ ਕਥਿਤ ਬਲੂ ਪ੍ਰਿੰਟ ਦੀ ਵਰਤੋਂ ਕੀਤੀ ਗਈ। ਤਸਵੀਰ ਦੀ ਸੱਚਾਈ ਅਤੇ ਇਸ ਦੇ ਅਸਲ ਸਰੋਤ ਨੂੰ ਲੱਭਣ ਲਈ ਅਸੀਂ ਗੂਗਲ ਰਿਵਰਸ ਇਮੇਜ ਸਰਚ ਕੀਤਾ। ਸਰਚ ਵਿਚ ਸਾਨੂੰ ਇਹ ਤਸਵੀਰ smithgroup.com ਨਾਂ ਦੀ ਵੈੱਬਸਾਈਟ ‘ਤੇ ਮਿਲੀ, ਜੋ ਆਰਕੀਟੈਕਚਰਲ ਡਿਜ਼ਾਈਨ ਬਣਾਉਣ ਵਾਲੀ ਕੰਪਨੀ ਹੈ।
ਯੂਨੀਵਰਸਿਟੀ ਆਫ ਵਰਜੀਨੀਆ ਮੈਡੀਕਲ ਸੈਂਟਰ ਦਾ ਵਾਸਤੂਸ਼ਿਲਪ, ਜਿਸਨੂੰ ਅਯੋਧਿਆ ਦੇ ਬਾਬਰੀ ਹਸਪਤਾਲ ਦੇ ਨਾਂ ਤੋਂ ਵਾਇਰਲ ਕੀਤਾ ਜਾ ਰਿਹਾ ਹੈ
ਦਿੱਤੀ ਗਈ ਜਾਣਕਾਰੀ ਮੁਤਾਬਕ, ਇਹ ਤਸਵੀਰ ਅਮਰੀਕਾ ਦੇ ਵਰਜੀਨੀਆ ਸਟੇਟ ਯੂਨੀਵਰਸਿਟੀ ਹਸਪਤਾਲ ਦੀ ਹੈ, ਜਿਸਦਾ ਡਿਜ਼ਾਈਨ ਸਮਿਥ ਗਰੁੱਪ ਨੇ ਤਿਆਰ ਕੀਤਾ ਸੀ। ਇਸੇ ਤਸਵੀਰ ਨੂੰ ਐਡਿਟ ਕਰ ਇਸਨੂੰ ‘Babri Hospital’ ਦੇ ਬਲੂ ਪ੍ਰਿੰਟ ਦੇ ਤੌਰ ‘ਤੇ ਵਾਇਰਲ ਕੀਤਾ ਜਾ ਰਿਹਾ ਹੈ।
ਯੂਨੀਵਰਸਿਟੀ ਆਫ ਵਰਜੀਨੀਆ ਮੈਡੀਕਲ ਸੈਂਟਰ ਦਾ ਵਾਸਤੂਸ਼ਿਲਪ, ਜਿਸਨੂੰ ਐਡਿਟ ਕਰ ਉਸਦੀ ਮੁਖ ਬਿਲਡਿੰਗ ‘ਤੇ ‘Babri Hospital’ ਲਿਖ ਦਿੱਤਾ ਗਿਆ
ਇਸ ਤਸਵੀਰ ਨੂੰ ਸੋਸ਼ਲ ਮੀਡੀਆ ‘ਤੇ ਕਈ ਲੋਕਾਂ ਨੇ ਸ਼ੇਅਰ ਕੀਤਾ ਹੈ ਅਤੇ ਇਨ੍ਹਾਂ ਵਿਚੋਂ ਦੀ ਹੀ ਇੱਕ ਹੈ ਸਿਰਦਾਰ ਸੁਖਰਾਜ ਸਿੰਘ ਗੋਇੰਦਵਾਲ ਨਾਂ ਦਾ ਫੇਸਬੁੱਕ ਯੂਜ਼ਰ।
ਨਤੀਜਾ: ਅਯੋਧਿਆ ਦੇ ‘ਬਾਬਰੀ ਹਸਪਤਾਲ’ ਦੇ ਨਾਂ ਤੋਂ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਅਸਲ ਵਿਚ ਇਹ ਤਸਵੀਰ ਅਮਰੀਕਾ ਦੇ ਵਰਜੀਨੀਆ ਸਟੇਟ ਯੂਨੀਵਰਸਿਟੀ ਹਸਪਤਾਲ ਦੀ ਹੈ, ਜਿਸਨੂੰ ਬਾਬਰੀ ਹਸਪਤਾਲ ਦਾ ਬਲੂ ਪ੍ਰਿੰਟ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।
- Claim Review : ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸੁੰਨੀ ਵਕਫ ਬੋਰਡ ਨੇ ਅਯੋਧਿਆ ਵਿਚ ਮਿਲੀ ਜਮੀਨ 'ਤੇ 'ਬਾਬਰੀ ਹਸਪਤਾਲ' ਬਣਾਉਣ ਦਾ ਫੈਸਲਾ ਲਿਆ ਹੈ ਅਤੇ ਵਾਇਰਲ ਤਸਵੀਰ ਓਸੇ ਹਸਪਤਾਲ ਦਾ ਪ੍ਰਤਾਵਿਤ ਡਿਜ਼ਾਈਨ ਹੈ।
- Claimed By : FB User- ਸਿਰਦਾਰ ਸੁਖਰਾਜ ਸਿੰਘ ਗੋਇੰਦਵਾਲ
- Fact Check : ਫਰਜ਼ੀ
ਪੂਰਾ ਸੱਚ ਜਾਣੋ...ਕਿਸੇ ਸੂਚਨਾ ਜਾਂ ਅਫਵਾਹ 'ਤੇ ਸ਼ੱਕ ਹੋਵੇ ਤਾਂ ਸਾਨੂੰ ਦੱਸੋ
ਸਭ ਨੂੰ ਦੱਸੋ, ਸੱਚ ਜਾਣਨਾ ਤੁਹਾਡਾ ਅਧਿਕਾਰ ਹੈ। ਜੇਕਰ ਤੁਹਾਨੂੰ ਅਜਿਹੀ ਕਿਸੇ ਵੀ ਖਬਰ ‘ਤੇ ਸ਼ੱਕ ਹੈ ਜਿਸ ਦਾ ਅਸਰ ਤੁਹਾਡੇ, ਸਮਾਜ ਅਤੇ ਦੇਸ਼ ‘ਤੇ ਹੋ ਸਕਦਾ ਹੈ ਤਾਂ ਸਾਨੂੰ ਦੱਸੋ। ਤੁਸੀਂ ਸਾਨੂੰ ਹੇਠਾਂ ਦਿੱਤੇ ਗਏ ਕਿਸੇ ਵੀ ਮਾਧਿਅਮ ਰਾਹੀਂ ਜਾਣਕਾਰੀ ਭੇਜ ਸਕਦੇ ਹੋ...
