ତଥ୍ୟ ଯାଞ୍ଚ: ପିଏଫ୍ଆଇ ବ୍ୟାନ୍ କରାଯିବାରୁ ବହୁ ବର୍ଷ ତଳର ମହାଭାରତ ପାଠ କରୁଥିବା ବୟସ୍କ ମୁସଲିମଙ୍କ ଭିଡିଓ

ନୂଆଦିଲ୍ଲୀ ( ବିଶ୍ବାସ ନ୍ୟୁଜ୍): ପପୁଲାର୍ ଫ୍ରଣ୍ଟ୍ ଅଫ୍ ଇଣ୍ଡିଆ ( ପିଏଫ୍ଆଇ) ଏବଂ ସେହି ସମ୍ବନ୍ଧୀୟ ସଂସ୍ଥାଗୁଡ଼ିକ ଉପରେ ପ୍ରତିବନ୍ଧକ ଲଗାଯିବା ପରେ ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ଏକ ଭିଡିଓରେ ଜଣେ ବୟସ୍କ ମୁସଲିମ ମହାଭାରତ ପାଠ କରୁଥିବା ଦେଖାଯାଉଛି । ଦାବି କରାଯାଉଛି ଯେ, ପିଏଫ୍ଆଇ ଉପରେ ବ୍ୟାନ୍ ଲଗାଯିବା ପରେ ମୁସଲିମ ବ୍ୟକ୍ତିଜଣକ ଏହି କ୍ରମେ ପ୍ରତିକ୍ରିୟା ଦେଇଛନ୍ତି ।

ବିଶ୍ବାସ ନ୍ୟୁଜ ର ଅନୁସନ୍ଧାନରେ ଏହି ଦାବି ଭ୍ରମାତ୍ମକ ଜଣା ପଡ଼ିଲା । ଭାଇରାଲ୍ ହେଉଥିବା ଭିଡିଓ ଏକ ବର୍ଷରୁ ବି ଅଧିକ ପୁରୁଣା ଏବଂ ଏହାର ପିଏଫ୍ଆଇ ଉପରେ ଲଗାଯାଇଥିବା ପ୍ରତିବନ୍ଧକ ଏବଂ ଏହା ପରବର୍ତ୍ତୀ କୌଣସି ଘଟଣା ସହ କୌଣସି ସଂପର୍କ ନାହିଁ ।

କଣ ହେଉଛି ଭାଇରାଲ୍?

ଫେସବୁକ୍ ୟୁଜର ‘एक स्वयंसेवक’ ଭାଇରାଲ୍ ଭିଡିଓ ( ଆର୍କାଇଭ୍ ଲିଙ୍କ୍) ସେୟାର୍ କରି ଲେଖିଛନ୍ତି , “ ପିଏପ୍ଆଇ ଉପରେ ବ୍ୟା୍ ଲଗାଯିବା ପରେ ୱାକଫ୍ ବୋର୍ଡ ସଦସ୍ୟଙ୍କ ସକାଳ …।”

ଅନ୍ୟ କେତକ ୟୁଜର ମଧ୍ୟ ଏହି ଭିଡିଓକୁ ସମାନ ଏବଂ ସେହିଭଳି ଦାବି ସହ ସେୟାର୍ କରିଛନ୍ତି । ଟ୍ବିଟରରେ ମଧ୍ୟ କେତକ ୟୁଜର ମଧ୍ୟ ଏହି ଭିଡିଓକୁ ସମାନ ଏବଂ ସେହିଭଳି ଦାବି ସହ ସେୟାର୍ କରିଛନ୍ତି ।

ଅନୁସନ୍ଧାନ

ଭାଇରାଲ୍ ଭିଡିଓରେ ଜଣେ ବୟସ୍କ ମୁସଲିମ ବ୍ୟକ୍ତିଙ୍କୁ ମହଭାରତ ପାଠ କରୁଥିବା ଶୁଣାଯାଉଛି । ଭିଡିଓର କି- ଫ୍ରେମକୁ ରିଭର୍ସ ଇମେଜ ସର୍ଚ୍ଚ କରିବାରୁ ଜି ନ୍ୟୁଜ୍ ୱେବସାଇଟରେ 23 ସେପ୍ଟେମ୍ବରରେ ପ୍ରକାଶିତ ଏକ ରିପୋର୍ଟ ମିଳିଥିଲା, ଯେଉଁଥିରେ ଭାଇରାଲ୍ ଭିଡିଓର ସ୍କ୍ରିନସଟ୍ ବ୍ୟବହାର କରାଯାଇଥିଲା ।

ଦିଆଯାଇଥିବା ସୂଚନା ଅନୁଯାୟୀ, ‘ଇଣ୍ଟରନେଟ୍ ରେ ଅନେକ ସମୟରେ ଏଭଲି ଭିଡିଓ ନଜରକୁ ଆସିଥାଏ, ଯାହାକୁ ଦେଖି ମନ ଖୁସି ହୋଇଯାଏ । ବୟସ୍କ ମୁସଲିମ ବ୍ୟକ୍ତିଙ୍କ ଏଭଳି ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଏହି ବ୍ୟକ୍ତିଜଣକ ମହଭାରତ ସିରଏଲର ଟାଇଟଲ୍ ସଙ୍ଗ୍ ଗାଉଥିବା ଦେଖାଯାଉଛି । ଏହି ଭିଡିଓକୁ ସୋସିଆଲ୍ ମିଡିଆରେ ବହୁତ ପସନ୍ଦ କରାଯାଉଛି । ’

ପୂର୍ବତନ ନିର୍ବାଚନ କମିଶନର୍ ଏସ୍ ୱାଇ କ୍ୟୁରେସୀ ଏହି ଭାଇରାଲ୍ ଭିଡିଓକୁ ନିଜ ପ୍ରୋଫାଇଲରୁ 20 ସେପ୍ଟେମ୍ବରରେ ସେୟାର କରିଥିଲେ, ଯାହା ପରେ କେତେକ ନ୍ୟୁଜ୍ ପୋର୍ଟାଲ୍ ଏହାର ଖବର ପ୍ରକାଶିତ କରିଥିଲେ ।

ବିହାରର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ମଧ୍ୟ ଏହି ଭିଡିଓକପ 20 ସେପ୍ଟେମ୍ବର 2021ରେ ନିଜ ଭେରିଫାଏଡ୍ ଟ୍ବିଟର୍ ହ୍ୟାଣ୍ଡେଲରୁ ସେୟାର୍ କରିଥିଲେ ।

ଧ୍ୟାନ ଦେବାର କଥା ହେଉଛି, କେନ୍ଦ୍ର ସରକାର 28 ସେପ୍ଟେମ୍ବର 2022ରେ ପପୁଲାର୍ ଫ୍ରଣ୍ଟ ଅଫ୍ ଇଣ୍ଡିଆ ( ପିଏଫ୍ ଆଇ)ରେ ପାଞ୍ଚ ବର୍ଷ ପାଇଁ ପ୍ରତିବନ୍ଧକ ଲଗାଯିବା ନେଇ ଘୋଷଣା କରିଥିଲେ ।

ବେଆଇନ୍ କାର୍ଯ୍ୟକଳାପ ( ପ୍ରିଭେନ୍ସନ୍ ଆକ୍ଟ), 1967 ଅନୁୟାୟୀ ପିଏଫ୍ଆଇ ସମେତ ଏହା ସମ୍ବନ୍ଧୀୟ ଅନ୍ୟ ସଂଗଠନ ‘ରିହେବ ଇଣ୍ଡିଆ ଫାଉଣ୍ଡେସନ ( ଆର୍ ଆଇଏଫ୍), ‘ କ୍ୟାମ୍ପସ ଫ୍ରଣ୍ଟ ଅଫ୍ ଇଣ୍ଡିଆ’ (ସିଏଏଫ୍), ‘ଅଲ୍ ଇଣ୍ଡିଆ ଇମାମ କାଉନସିଲ୍’ (ଏଆଇଆଇସି), ‘ ନ୍ୟାସନାଲ୍ କନଫେଡେରେସନ୍ ଅଫ୍ ହ୍ୟୁମାନ ରାଇଟସ୍ ଅର୍ଗାନାଇଜେସନ୍’ (ଏନ୍ ସିଏଚ୍ଆର୍ ଓ), ‘ ନ୍ୟାସନାଲ୍ ୱିମେନ୍ସ ଫ୍ରଣ୍ଟ’, ‘ଜୁନିଅର୍ ଫ୍ରଣ୍ଟ’, ‘ ଏମ୍ପାୟର୍ ଇଣ୍ଡିଆ ଫାଉଣ୍ଡେସନ୍’ ଏବଂ ‘ ରିହେବ୍ ଫାଉଣ୍ଡେସନ୍ (କେରଳ)’ ଉପରେ ପ୍ରତିବନ୍ଧକ ଲଗାଯାଇଛି ।

ଭାଇରାଲ୍ ଭିଡିଓ ନେଇ ଆମେ ଜି ନ୍ୟୁଜ୍ ଡିଜିଟାଲ୍ ନ୍ୟୁଜରୁମ୍ ରେ କାମ କରୁଥିବା ସାମ୍ବାଦିକଙ୍କ ସହ ଯୋଗାଯୋଗ କରିଥିଲୁ । ସେ ଆମକୁ କହିଥିଲେ ଯେ ଏହି ଭାଇରାଲ୍ ଭିଡିଓ ଗତ ବର୍ଷ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା ଏବଂ ଅନ୍ୟ କେତେକ ପ୍ରଭାବଶାଳୀ ବ୍ୟକ୍ତି ମଧ୍ୟ ଏହି ଭିଡିଓକୁ ସେୟାର୍ କରିଥିଲେ ।

ଭାଇରାଲ୍ ଭିଡିଓକୁ ଭ୍ରମାତ୍ମକ ଦାବି ସହ ସେୟାର କରିଥିବା ଯୁଜର୍ ଙ୍କୁ ଫେସବୁକରେ ପ୍ରୟା 72 ହଜାରରୁ ଅଧିକ ବ୍ୟକ୍ତି ଫଲୋ କରୁଛନ୍ତି ।

ନିଷ୍କର୍ଷ: ପିଏଫ୍ଆଇ ଉପରେ ପ୍ରତିବନ୍ଧକ ଘୋଷଣା ପରେ ବୟସ୍କ ମୁସଲିମ୍ ବ୍ୟକ୍ତି ମହାଭାରତ ପାଠକରିବା ଦାବି ଭ୍ରମାତ୍ମକ ଅଟେ ଏବଂ ସେୟାର କରାଯାଉଥିବା ଏହି ଭିଡିଓ 2021ର ଅଟେ । ପିଏଫ୍ଆଇ ଉପରେ କେନ୍ଦ୍ର ସରକାର 28 ସେପ୍ଟେମ୍ବର 2022ରେ ପ୍ରତିବନ୍ଧକ ଲଗାଇଛନ୍ତି ।