ଫ୍ୟାକ୍ଟ ଚେକ୍: ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ ଭୁବନେଶ୍ୱରର ଫଟୋ ଏଡିଟ୍ କରାଯାଇ ଭୁଲ୍ ଦାବି ସହିତ ଭାଇରାଲ ହେଉଛି
ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ରଜନୀକାନ୍ତ ମେଡିକାଲ୍ କଲେଜ୍ ଅଫ୍ ଇଞ୍ଜିନିୟରିଂ ଫର୍ କମର୍ସ ଆଣ୍ଡ ଆର୍ଟସ୍ ନାମରେ ଭାଇରାଲ ହୋଇଥିବା ଚିତ୍ର ନକଲି ବୋଲି ଜଣାପଡିଛି। ଏହି ଭାଇରାଲ୍ ଫଟୋ ଏଡିଟ୍ କରାଯାଇଛି ଏବଂ ଏହା ସହିତ କରାଯାଇଥିବା ଦାବି ମିଥ୍ୟା ଅଟେ। ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ, ଭୁବନେଶ୍ୱର (XIMB) ର ଚିତ୍ର ଏଡିଟ୍ କରି ଭାଇରାଲ୍ କରାଯାଉଛି।
- By: Team Vishvas
- Published: Aug 17, 2021 at 02:32 PM
ବିଶ୍ୱାସ ନ୍ୟୁଜ୍ (ନୂଆଦିଲ୍ଲୀ) ସୋସିଆଲ ମିଡିଆରେ ଗୋଟିଏ କଲେଜର ପ୍ରବେଶ ଦ୍ୱାରର ଫଟୋ ଭାଇରାଲ ହେଉଛି। ଭାଇରାଲ୍ ଫଟୋରେ ଏହାର ନାମ ଇଂରାଜୀରେ ରଜନୀକାନ୍ତ ମେଡିକାଲ୍ କଲେଜ୍ ଅଫ୍ ଇଞ୍ଜିନିୟରିଂ ଫର୍ କମର୍ସ ଆଣ୍ଡ ଆର୍ଟସ୍ ଭାବରେ ଲେଖାଯାଇଥିବା ଦେଖାଯାଇଛି। ସୋସିଆଲ ମିଡିଆ ବ୍ୟବହାରକାରୀମାନେ ନୂତନ ଶିକ୍ଷା ନୀତିର ଅପମାନ ଭାବରେ ଏହି ଅଜବ ନାମ ସହିତ କଲେଜର ଫଟୋ ସେୟାର୍ କରୁଛନ୍ତି। ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଏହି ଭାଇରାଲ୍ ଫଟୋ ଏଡିଟ୍ କରାଯାଇଛି ଏବଂ ଏହା ସହ କରାଯାଇଥିବା ଦାବି ମିଥ୍ୟା ବୋଲି ଜଣାପଡିଛି। ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ ଭୁବନେଶ୍ୱର (XIMB) ର ଫଟୋକୁ ଏଡିଟ୍ କରି ଭାଇରାଲ୍ କରାଯାଉଛି।
କଣ ଭାଇରାଲ୍ ହେଉଛି
ଫେସବୁକ୍ ଏବଂ ଟ୍ୱିଟରରେ ଗୋଟିଏ ଫଟୋ ଭାଇରାଲ ହେଉଛି। ଟ୍ୱିଟରରେ ଅଦିତି ନାମକ ଜଣେ ୟୁଜର୍ ଫଟୋ ପୋଷ୍ଟ କରି ଇଂରାଜୀରେ ଲେଖିଛନ୍ତି ଯେ ଏହି କଲେଜରେ ପ୍ରକୃତରେ କ’ଣ ଶିକ୍ଷା ଦିଆଯାଉଛି ତାହା କେହି କହିପାରିବେ କି?
ସେହିଭଳି ଫେସବୁକ ବ୍ୟବହାରକାରୀ ଜୋଗିନ୍ଦର ରଙ୍ଗା ପୋଷ୍ଟ କରି ଇଂରାଜୀରେ ଲେଖିଛନ୍ତି, ‘ଏହା ହେଉଛି ଭାରତର ନୂତନ ଶିକ୍ଷା ନୀତି। ଏହି କଲେଜରେ ପ୍ରକୃତରେ କ’ଣ ପଢ଼ାଯାଉଛି, କେହି କହିପାରିବେ କି?’ ଟ୍ୱିଟର ପୋଷ୍ଟର ଆର୍କାଇଭ୍ଡ ସଂସ୍କରଣ ଏଠାରେ ଏବଂ ଫେସବୁକ୍ ପୋଷ୍ଟର ଆର୍କାଇଭ୍ଡ ସଂସ୍କରଣ ଏଠାରେ କ୍ଲିକ୍ କରି ଦେଖାଯାଇପାରିବ।
ଅନୁସନ୍ଧାନ
ଭାଇରାଲ୍ ଫଟୋ ଯାଞ୍ଚ କରିବାକୁ, ଆମେ ପ୍ରଥମେ ଏହାକୁ ଧ୍ୟାନ ସହକାରେ ଦେଖିଲୁ। ପ୍ରବେଶ ଦ୍ୱାରରେ ରଜନୀକାନ୍ତ ମେଡିକାଲ୍ କଲେଜ୍ ଅଫ୍ ଇଞ୍ଜିନିୟରିଂ ଫର୍ କମର୍ସ ଆଣ୍ଡ ଆର୍ଟସ୍ ଲେଖାଯାଇଥିବା ଆମେ ଦେଖିଲୁ। ସାଧାରଣତଃ କଲେଜଗୁଡ଼ିକର ନାମ ଏପରି ହୋଇ ନ ଥାଏ। ବାଣିଜ୍ୟ ଏବଂ କଳା ପାଇଁ ମେଡିକାଲ କଲେଜ ଅଫ୍ ଇଞ୍ଜିନିୟରିଂ ଏକ ଅଦ୍ଭୁତ ନାମ। ଏହି କାରଣରୁ, ଏହି ନାମର ଭୁଲ ହୋଇଥିବା ନେଇ ଆମର ସନ୍ଦେହ ସୃଷ୍ଟି ହୋଇଥିଲା। ପ୍ରକୃତ ତଥ୍ୟ ଜାଣିବା ପାଇଁ, ଆମେ ଗୁଗୁଲ୍ ରିଭର୍ସ ଇମେଜ୍ ଟୁଲ୍ ସାହାଯ୍ୟରେ ଏହି ଭାଇରାଲ୍ ଇମେଜ୍ ଖୋଜିଲୁ। ଆମେ ଅନେକଗୁଡ଼ିଏ ଏକାଭଳି ଫଟୋ ପାଇଲୁ। ନ୍ୟୁଜ୍ ୱେବସାଇଟ୍ ଇଣ୍ଡିଆ ଡଟ୍ କମ୍ ରେ 23 ମାର୍ଚ୍ଚ 2021ରେ ପ୍ରକାଶିତ ଏକ ରିପୋର୍ଟରେ, ଆମେ ଭାଇରାଲ୍ ଇମେଜ୍ ସହିତ ପ୍ରାୟତଃ ମେଳ ଖାଉଥିବା ଏକ ଫଟୋ ପାଇଲୁ। ଦୁଇଟି ଚିତ୍ର ମଧ୍ୟରେ ପାର୍ଥକ୍ୟ ହେଉଛି କେବଳ ନାମ। ନ୍ୟୁଜ୍ ରିପୋର୍ଟରେ ମିଳିଥିବା ଛବିରେ, ପ୍ରବେଶ ଦ୍ୱାରରେ ଲେଖାଯାଇଥିବା ନାମ ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ, ଭୁବନେଶ୍ୱର ଥିଲା। ଉଭୟ ଛବିରେ ବାକି ସବୁକିଛି ସମାନ ଥିଲା, ଯାହା ଏଠାରେ ନିମ୍ନରେ ଦେଖାଯାଇପାରିବ।
ଇଣ୍ଡିଆ ଡଟ୍ କମ୍ ରିପୋର୍ଟରୁ ମିଳିଥିବା ସୂତ୍ର ଆଧାରରେ ଆମେ ଇଣ୍ଟରନେଟରେ ଏହା ବିଷୟରେ ଅଧିକ ଅନୁସନ୍ଧାନ କଲୁ। ଇଣ୍ଟରନେଟ୍ ସନ୍ଧାନରେ, ଆମେ ଆହୁରି ଅଧିକ ରିପୋର୍ଟ ପାଇଲୁ, ଯେଉଁଥିରେ ଛବିରେ କଲେଜର ନାମ ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ, ଭୁବନେଶ୍ୱର ଲେଖାଯାଇଥିଲା। ଏହି ଫଟୋ 22 ମାର୍ଚ୍ଚ 2021 ରେ ଇଣ୍ଡିଆନ୍ ଏକ୍ସପ୍ରେସ ୱେବସାଇଟରେ ଏବଂ 23 ମାର୍ଚ୍ଚ 2021 ରେ ଉତ୍କଳ ଟୁଡେ ୱେବସାଇଟରେ ପ୍ରକାଶିତ ରିପୋର୍ଟରେ ଦେଖିବାକୁ ମିଳିବ।
ବିଶ୍ୱାସ ନ୍ୟୁଜ୍ ଏପର୍ଯ୍ୟନ୍ତ କରିଥିବା ଅନୁସନ୍ଧାନରୁ ସ୍ପଷ୍ଟ ହୋଇଛି ଯେ ଭାଇରାଲ୍ ଚିତ୍ର ପ୍ରକୃତରେ XIMBର ଅଟେ। ଫଟୋ ଏଡିଟିଂ ଟୁଲ୍ସ ବ୍ୟବହାର କରି ଏହାର ନାମ ବଦଳା ଯାଇଛି। ଆମର ଅନୁସନ୍ଧାନରେ ମିଳିଥିବା ଫଳାଫଳକୁ ନିଶ୍ଚିତ କରିବାକୁ ଆମେ ଭୁବନେଶ୍ୱରରେ ରହୁଥିବା ବରିଷ୍ଠ ସାମ୍ବାଦିକ ସଞ୍ଜୀବ ନାୟକଙ୍କ ସହ କଥା ହୋଇଥିଲୁ। ସେ ଏହା ମଧ୍ୟ ନିଶ୍ଚିତ କରିଛନ୍ତି ଯେ ଚିତ୍ରରେ ଦେଖାଯାଇଥିବା ଗେଟ୍ ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ ଭୁବନେଶ୍ୱରର ଅଟେ। ଭାଇରାଲ ଚିତ୍ରରେ ଏହି କଲେଜର ନାମ ବଦଳା ଯାଇଛି।
ଭାଇରାଲ୍ ଦାବି ସେୟାର କରିଥିବା ଟ୍ୱିଟର ବ୍ୟବହାରକାରୀ ଅଦିତିଙ୍କ ପ୍ରୋଫାଇଲ୍ ବିଶ୍ୱାସ ନ୍ୟୁଜ୍ ସ୍କାନ୍ କରିଥିଲା। ଏହି ପ୍ରୋଫାଇଲରେ 352 ଫଲୋଅର୍ସ ଥିଲେ। ସେହିଭଳି ଫେସବୁକରେ ଏହି ଛବି ଭାଇରାଲ କରିଥିବା ୟୁଜର୍ ଜୋଗିନ୍ଦର ରଙ୍ଗା ରୋହତକର ବାସିନ୍ଦା ଏବଂ ତାଙ୍କର ମୋଟ 102 ଜଣ ଫଲୋଅର୍ସ ଅଛନ୍ତି।
निष्कर्ष: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ରଜନୀକାନ୍ତ ମେଡିକାଲ୍ କଲେଜ୍ ଅଫ୍ ଇଞ୍ଜିନିୟରିଂ ଫର୍ କମର୍ସ ଆଣ୍ଡ ଆର୍ଟସ୍ ନାମରେ ଭାଇରାଲ ହୋଇଥିବା ଚିତ୍ର ନକଲି ବୋଲି ଜଣାପଡିଛି। ଏହି ଭାଇରାଲ୍ ଫଟୋ ଏଡିଟ୍ କରାଯାଇଛି ଏବଂ ଏହା ସହିତ କରାଯାଇଥିବା ଦାବି ମିଥ୍ୟା ଅଟେ। ଜାଭିୟର୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ, ଭୁବନେଶ୍ୱର (XIMB) ର ଚିତ୍ର ଏଡିଟ୍ କରି ଭାଇରାଲ୍ କରାଯାଉଛି।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
