ସତ୍ୟତା ଯାଞ୍ଚ: ସିକରର ଶ୍ମଶାନ ଘାଟରେ ମହିଳାଙ୍କ ଅଧା ଜଳା ଶବ ସହ ବଳାତ୍କାର ହୋଇନାହିଁ , ନକଲି ପୋଷ୍ଟ ଭାଇରାଲ ହେଉଛି

ନୂଆଦିଲ୍ଲୀ (ବିଶ୍ଵାସ ନ୍ଯୁଜ ) ରାଜସ୍ଥାନର ସିକର ଜିଲ୍ଲାରେ ଥିବା ଅଜିତଗଡର ଶ୍ମଶାନ ଘାଟରେ ମହିଳାଙ୍କ ଅଧା ଜଳା ଶବ ସହ ବଳାତ୍କାର ହୋଇଥିବା ଦାବିରେ ସୋସିଆଲ ମିଡିଆରେ ଅନେକ ପୋଷ୍ଟ ଭାଇରାଲ ହେବାରେ ଲାଗିଛି। କିଛି ସୋସିଆଲ ମିଡିଆ ବ୍ୟବହାରକାରୀ ଦାବି କରୁଛନ୍ତି ଯେ ପାଞ୍ଚ ଜଣ ଲୋକ ଚିତାରୁ ଶବକୁ ବାହାର କରି ବଳାତ୍କାର କରିଛନ୍ତି । ବିଶ୍ଵାସ ନ୍ଯୁଜ ଭାଇରାଲ୍ ପୋଷ୍ଟକୁ ବିସ୍ତୃତ ଭାବରେ ଯାଞ୍ଚ କରିଛି | ଫେସବୁକ୍, ହ୍ଵାଟସ୍ ଆପ୍, ଟ୍ୱିଟରରେ ଏହିପରି ପୋଷ୍ଟଗୁଡିକ ଭାଇରାଲ୍ ହୋଇଥିବା ଜଣାପଡିଛି। ଅନୁସନ୍ଧାନରୁ ଜଣାପଡିଛି ଯେ ଭାଇରାଲ ପୋଷ୍ଟରେ କରାଯାଇଥିବା ଦାବି ସମ୍ପୂର୍ଣ୍ଣ ଭିତ୍ତିହୀନ। ସେପରି କୌଣସି ଘଟଣା ଘଟିନାହିଁ | ଟ୍ୱିଟରରେ ସିକାର ପୋଲିସ ମଧ୍ୟ ଏ ସମ୍ପର୍କରେ ବିସ୍ତୃତ ସୂଚନା ଦେଇଛି।

ଭାଇରାଲ୍ କଣ ହେଉଛି

ଫେସବୁକ ବ୍ୟବହାରକାରୀ ମୁସ୍ତାଫା ଅହମ୍ମଦ ଏପ୍ରିଲ 30 ରେ ଏକ ଖବରର ଲିଙ୍କ ସେୟାର କରି ଦାବି କରି କହିଛନ୍ତି ଯେ,’’ରାଜସ୍ଥାନର ସିକରରୁ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି ଯେଉଁଠାରେ 5 ଜଣ ରକ୍ତ ପିପାଶୁ ଜଳୁଥିବା ଚିତାରୁ ଏକ ମୃତଦେହ ବାହାର କରି ବଳାତ୍କାର କରିଛନ୍ତି। ଶଙ୍କର ଲାଲ, ବାବୁ ଲାଲ, ରାଜୁ କୁମାର, ଦୀପକ, ହରି ସିଂଙ୍କୁ ପୋଲିସ ଗିରଫ କରିଛି। ଏହି ପାଞ୍ଚ ଅଭିଯୁକ୍ତଙ୍କ ମଧ୍ୟରୁ ଶଙ୍କର ଲାଲ ଜଣେ ସରକାରୀ ଶିକ୍ଷକ। ଗ୍ରାମରେ କାହାର ମୃତ୍ୟୁ ହେଲେ ସେ ତାହା ଉପରେ ନଜର ରଖୁଥିଲେ । ଏହି ଘଟଣା 10-12 ଦିନ ପୂର୍ବରୁ ଘଟିଥିଲା, ଅରବିନ୍ଦ ରଘୁବନ୍ସିଙ୍କ ଏହି ରିପୋର୍ଟ ପଢନ୍ତୁ |’’

ପୋଷ୍ଟର ବିଷୟବସ୍ତୁ ଏଠାରେ ଯେପରି ତେପରି ଲେଖା ହୋଇଛି | ଏହାକୁ ସତ ବୋଲି ବିଶ୍ଵାସ କରି ଅନ୍ୟ ୟୁଜର୍ସ ମାନେ ମଧ୍ୟ ଏହାକୁ ଭାଇରାଲ କରୁଛନ୍ତି। ପୋଷ୍ଟର ଆର୍କାଇଭ୍ ସଂସ୍କରଣ ଏଠାରେ ଦେଖନ୍ତୁ |

ଅନୁସନ୍ଧାନ

ବିଶ୍ଵାସ ନ୍ୟୁଜ୍ ପ୍ରଥମେ ଭାଇରାଲ୍ ପୋଷ୍ଟ ସହିତ ଉପଲବ୍ଧ ଖବରର ଲିଙ୍କରେ କ୍ଲିକ୍ କଲା | ଏଠାରେ ଜାଣିବାକୁ ପାଇଲା ଯେ ଏସିଆନେଟ ନାମକ ଏକ ୱେବସାଇଟ୍ ଏହା ସମ୍ପର୍କିତ ଖବରକୁ ନିଜ ୱେବସାଇଟରୁ ହଟାଇ ଦେଇଛି | ବିଶ୍ଵାସ ନ୍ଯୁଜ ଗୁଗୁଲ ଓପନ ସର୍ଚ ଟୁଲ୍ ବ୍ୟବହାର କରି ସମ୍ପୃକ୍ତ ଖବର ଖୋଜିବା ଆରମ୍ଭ କଲା | ଯଦି ଶବ ସହିତ ବଳାତ୍କାର ଭଳି କୌଣସି ଘଟଣା ଘଟିଥାନ୍ତା, ତେବେ ଦେଶର ପ୍ରମୁଖ ଖବରକାଗଜ, ନ୍ୟୁଜ୍ ଚ୍ୟାନେଲ ଏବଂ ନ୍ୟୁଜ୍ ୱେବସାଇଟ୍ ନିଶ୍ଚିତ ଭାବରେ ଏହାକୁ ପୃଷ୍ଟା ମଣ୍ଡନ କରିଥାନ୍ତା |ଏପରିକି ଗୋଟିଏ ପ୍ରତିଷ୍ଠିତ ସଂସ୍ଥାନ ସହିତ ଜଡିତ ୱେବସାଇଟରେ ଆମେ ଏପରି କୌଣସି ଖବର ପାଇଲୁ ନାହିଁ | କିନ୍ତୁ ଶ୍ମଶାନ ଘାଟରେ ଘଟିଥିବା ମାରପିଟ ସହ ଜଡିତ କିଛି ରିପୋର୍ଟ ରହିଥିଲା। ହିନ୍ଦୀ ନ୍ୟୁଜ୍ 18 ଡଟ କମ୍ ରେ ପ୍ରକାଶିତ ଏକ ଖବର ଏବଂ ଏହାର ୟୁଟ୍ୟୁବ୍ ଚ୍ୟାନେଲରେ ଏକ ଭିଡିଓ ଦାବି କରିଛି ଯେ ସିକରର ଅଜିତଗଡ଼ର ଶ୍ମଶାନ ଘାଟରେ ଲୋକମାନେ 6 ରୁ ଅଧିକ ତାନ୍ତ୍ରିକ ମାନଙ୍କୁ ଜୋରଦାର ମାଡ ମାରିଛନ୍ତି । ଏହା 18 ଏପ୍ରିଲରେ ପ୍ରକାଶିତ ହୋଇଥିଲା | ସମ୍ପୂର୍ଣ୍ଣ ଖବର ଏଠାରେ ଉପଲବ୍ଧ | ଅନୁସନ୍ଧାନ ସମୟରେ ଭାସ୍କର ଡଟ୍ କମ୍ ରେ ପ୍ରକାଶିତ ଏକ ଖବର ମିଳିଥିଲା। ଏହି ସମ୍ବାଦରେ, ସମଗ୍ର ବିଷୟକୁ ବିସ୍ତୃତ ଭାବରେ ବର୍ଣ୍ଣନା କରାଯାଇଥିଲା | ଏଥିରେ ଲେଖାଥିଲା, “ସିକରରେ ସାଧୁମାନଙ୍କୁ ତାନ୍ତ୍ରିକ କ୍ରିୟା କରିବା ସନ୍ଦେହରେ ରଶି ବାନ୍ଧି ପିଟିବା ମାମଲା ସାମ୍ନାକୁ ଆସିଥିଲା। ଲୋକମାନେ ଗାଁର ଜଣେ ସରକାରୀ ଶିକ୍ଷକଙ୍କୁ ମଧ୍ୟ ମାଡ ମାରିଥିଲେ। ଏହି ମାମଲା ସିକର ଜିଲ୍ଲାର ଅଜିତଗଡ ପୋଲିସ ଷ୍ଟେସନ ଅଧୀନରେ ଥିବା ଗଢତକନେତ ଗ୍ରାମ ସହ ଜଡିତ।

ଅଜିତଗର ପୋଲିସ ଷ୍ଟେସନର ଦାୟିତ୍ୱରେ ଥିବା ସୁନୀଲ କୁମାର କହିଛନ୍ତି ଯେ ଜୟପୁରର ଶାହପୁରା ଅଞ୍ଚଳର ଖୋରି ଗ୍ରାମରେ ତିନି ଦିନିଆ ମହାଯଜ୍ଞ ଆୟୋଜନ କରାଯାଇଥିଲା। ମଙ୍ଗଳବାର ବିଳମ୍ବିତ ରାତିରେ ଏହି କାର୍ଯ୍ୟକ୍ରମ ଶେଷ ହୋଇଥିଲା | ସରକାରୀ ଶିକ୍ଷକ ଶଙ୍କରଲାଲ, ଗାଢତକନେତର ବାସିନ୍ଦା ସେ ମଧ୍ୟ ସେଠାକୁ ଯାଇଥିଲେ। ମହାଯଜ୍ଞକୁ ୟୁପିରୁ ଆସୁଥିବା ଅନେକ ସାଧୁ ଶଙ୍କରଲାଲଙ୍କ ଜଣାଶୁଣା ଏବଂ ଶଙ୍କରଲାଲ ତାଙ୍କୁ ଗୁରୁ କରିପାରିଛନ୍ତି। ଏହି ସାଧୁ ଗତ 10 ବର୍ଷ ଧରି ଶଙ୍କରଲାଲଙ୍କ ଘରକୁ ଆସୁଛନ୍ତି। ମଙ୍ଗଳବାର ବିଳମ୍ବିତ ରାତି ପ୍ରାୟ 12 ଟା ସମୟରେ ଶଙ୍କରଲାଲ ସାଧୁମାନଙ୍କୁ ଗାଢତକନେତରେ ଥିବା ତାଙ୍କ ଘରକୁ ଆଣିଥିଲେ। ଶଙ୍କର ସାଧୁମାନଙ୍କୁ ଘରକୁ ଆଣିବା ପୂର୍ବରୁ ତାଙ୍କ ଚାଷ ଜମିରେ ବୁଲିବାକୁ ନେଇ ଯାଇଥିଲେ।

ତାଙ୍କ ଫାର୍ମ ଗାଁର ଶ୍ମଶାନ ଘାଟ ନିକଟରେ ଅଛି। 4 ସାଧୁ ଓ ଶିକ୍ଷକ କାରରୁ ଓହ୍ଲାଇ କ୍ଷେତକୁ ଯାଉଥିଲେ। ଏହି ସମୟରେ ଗାଁର ଲୋକମାନେ ତାଙ୍କୁ ଧରି ହଙ୍ଗାମା କରିବା ଆରମ୍ଭ କଲେ |’’ ଏଠାରେ ସମ୍ପୂର୍ଣ୍ଣ ଖବର ପଢନ୍ତୁ |

ଏହି ଘଟଣାର ଅଧିକ ଅନୁସନ୍ଧାନ ପାଇଁ ବିଶ୍ଵାସ ନ୍ୟୁଜ୍ ପୋଲିସର ଅଫିସିଆଲ୍ ହ୍ୟାଣ୍ଡେଲରେ ପହଞ୍ଚିଥିଲା। ସେଠାରେ ଆମେ ଏକ ମଇରେ ସିକର ପୋଲିସର ଉତ୍ତର ପାଇଥିଲୁ। ଏକ ନକଲି ପୋଷ୍ଟର ଜବାବରେ ସିକର ପୋଲିସ ଲେଖିଛନ୍ତି, ଉପରୋକ୍ତ ଘଟଣା ମିଥ୍ୟା ଏବଂ ବିଭ୍ରାନ୍ତିକର | ଶବ ସଂସ୍କାର ତିନି ଦିନ ପରେ, ବାହାରୁ ଆସିଥିବା କିଛି ବ୍ୟକ୍ତି ତାଙ୍କ ପରିଚିତଙ୍କୁ ଭେଟିବାକୁ ଏହି ଅଞ୍ଚଳକୁ ଆସିଥିଲେ, ଗ୍ରାମବାସୀ ମାନେ ଏମାନଙ୍କୁ ସନ୍ଦିଗ୍ଧ ବୋଲି ଭାବି ମାଡ ମାରିଥିଲେ। ଯେଉଁ ଥିରେ ଅଜିତଗଡ ପୋଲିସ ଷ୍ଟେସନର ପୋଲିସ ଘଟଣାସ୍ଥଳରେ ପହଞ୍ଚି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ବଳାତ୍କାର ପରି କୌଣସି ଘଟଣା ମିଳି ନଥିଲା |

ସିକର ପୋଲିସ ପକ୍ଷରୁ ନକଲି ପୋଷ୍ଟ ପୋଷ୍ଟ କରିଥିବା ଅନେକ ଉପଭୋକ୍ତାଙ୍କୁ ମଧ୍ୟ ସମାନ ଉତ୍ତର ଦିଆଯାଇଥିଲା। ଏଥିରେ ସ୍ପଷ୍ଟ ଭାବରେ ଲେଖାଯାଇଛି ଯେ ଯେଉଁମାନେ ଏପରି ମିଥ୍ୟା ତଥ୍ୟ ବିସ୍ତାର କରୁଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।

ଅନୁସନ୍ଧାନ ଜାରି ରଖିବା ପାଇଁ ବିଶ୍ଵାସ ନ୍ୟୁଜ୍ ପୋଲିସ ଅଧୀକ୍ଷକ କରଣ ଶର୍ମାଙ୍କ ସହ ଯୋଗାଯୋଗ କରିଥିଲେ। ସମଗ୍ର ବିଷୟ ବିଷୟରେ ବିସ୍ତୃତ ସୂଚନା ଦେଇ ସେ କହିଥିଲେ ଯେ ଏପ୍ରିଲ୍ 15 ରେ ଜଣେ ମୃତ ମହିଳାଙ୍କ ଶେଷ ରୀତିନୀତି ପରେ କିଛି ଲୋକ 18 ତାରିଖ ରାତିରେ ପାଖ ଗ୍ରାମକୁ ଯାଉଥିଲେ। ଏଥିରେ ଜଣେ ସାଧୁ ମଧ୍ୟ ଥିଲେ। କିଛି ଲୋକ ତାଙ୍କୁ ମାରପିଟ କରିଥିଲେ। ମୃତ ଦେହ ସହିତ ବଳାତ୍କାର ମାମଲା ସଂପୂର୍ଣ୍ଣ ନକଲି ଏବଂ ଭିତ୍ତିହୀନ |

ବର୍ତ୍ତମାନ ଏହି ମିଥ୍ୟା ଖବର ଭାଇରାଲ କରିଥିବା ଉପଭୋକ୍ତାଙ୍କୁ ଅନୁସନ୍ଧାନ କରିବାର ପର୍ଯ୍ୟାୟ ଆସିଛି। ଫେସବୁକରେ ୟୁଜର୍ ମୁସ୍ତାଫା ଅହମ୍ମଦଙ୍କର ନଅ ହଜାରରୁ ଅଧିକ ଅନୁଗାମୀ ଅଛନ୍ତି | ଏହି ଆକାଉଣ୍ଟ ଅକ୍ଟୋବର 2019 ରେ ସୃଷ୍ଟି କରାଯାଇଥିଲା | ଏହାଠାରୁ ଅଧିକ ସୂଚନା ତାଙ୍କ ଆକାଉଣ୍ଟରେ ମିଳିଲା ନାହିଁ |

ସିଦ୍ଧାନ୍ତ: ବିଶ୍ଵାସ ନ୍ୟୁଜ୍ ଅନୁସନ୍ଧାନରେ ଅଧା ଜଳାମହିଳାଙ୍କ ସହିତ ବଳାତ୍କାର ଦାବି ନକଲି ବୋଲି ପ୍ରମାଣିତ ହୋଇଛି। ସେପରି କୌଣସି ଘଟଣା ଘଟିନାହିଁ |