ଜୁନ୍ 2019ର ଡେରାଡୁନ୍ ର ଭିଡିଓକୁ ଦିଲ୍ଲୀର ଶହର କାଜୀଙ୍କର କହି ଭାଇରାଲ୍ କରାଯାଉଛି । ଭିଡିଓରେ ଦେଖାଯାଉଥିବା ବ୍ୟକ୍ତିଙ୍କ ନାମ ମୁଫତି ରଇସ୍ ଅହମ୍ମଦ ଅଟେ ଏବଂ ସେ ଡେରାଡୁନ୍ ନିବାସୀ । ଏଥିସହ ଏହାର ଦିଲ୍ଲୀରେ ହୋଇଥିବା ହିଂସା ସହ କୌଣସି ସଂପର୍କ ନାହିଁ ।
ନୂଆଦିଲ୍ଲୀ ( ବିଶ୍ବାସ ନ୍ୟୁଜ୍) ଦିଲ୍ଲୀରେ ହୋଇଥିବା ହିଂସା ପରେ ସୋସିଆଲ୍ ମିଡିଆରେ 2.03 ମିନିଟର ଏକ ଭିଡିଓ ଭାଇରାଲ୍ ହେଉଛି । ଏଥିରେ ଜଣେ ମୁସଲିମ ବ୍ୟକ୍ତି କୌଣସି ଘଟଣାକୁ ହିନ୍ଦୁମାନଙ୍କ ଷଡ଼ଯନ୍ତ୍ର କହି ହିନ୍ଦୁମାନଙ୍କୁ ଧମକ ଦେଉଛନ୍ତି । ୟୁଜର୍ସ ଏହି ଭିଡିଓକୁ ସେୟାର୍ କରି ଦାବି କରୁଛନ୍ତି ଯେ, ଭିଡିଓରେ କହୁଥିବା ବ୍ୟକ୍ତି ଦିଲ୍ଲୀର ଶହର କାଜୀ ।
ବିଶ୍ବାସ ନ୍ୟୁଜ୍ ନିଜର ଅନୁସନ୍ଧାନରୁ ଜାଣିବାକୁ ପାଇଥିଲା ଯେ, ଏହି ଭାଇରାଲ୍ ଭିଡିଓ 2019ର ଅଟେ । ଏହାର ଦିଲ୍ଲୀରେ ହୋଇଥିବା ହିଂସା ସହ କୌଣସି ସମ୍ବନ୍ଧ ନାହିଁ । ଭିଡିଓରେ ଦେଖାଯାଉଥିବା ବ୍ୟକ୍ତି ଦିଲ୍ଲୀର ଶହର କାଜୀ ନୁହଁନ୍ତି, ସେ ହେଉଛନ୍ତି ଡେରାଜୁନରେ ରହୁଥିବା ମୁଫତି ରଇସ୍ ।
ଫେସବୁକ୍ ପେଜ୍ ‘राष्ट्रदेव’ ରେ 19 ଏପ୍ରିଲରେ ଭିଡିଓ ପୋଷ୍ଟ କରି ଲେଖାଯାଇଥିଲା
ଟ୍ବିଟର୍ ୟୁଜର୍ Kajal Hindustani (ଆର୍କାଇବ୍) ମଧ୍ୟ ଏହି ଭିଡିଓକୁ ପୋଷ୍ଟ କରି ସମାନ ଭଳି ଦାବି କରିଥିଲେ ।
ଭାଇରାଲ୍ ଭିଡିଓର ଅନୁସନ୍ଧାନ ପାଇଁ ଆମେ କିୱାର୍ଡ ମାଧ୍ୟମରେ ସର୍ଚ୍ଚ କରିଥିଲୁ । ଆମକୁ Sudarshan News ର ୟୁଟ୍ୟୁବ୍ ଚ୍ୟାନେଲ୍ ରେ ଏହାର ଭିଡିଓ ନ୍ୟୁଜ୍ ମିଳିଥିଲା । 3 ଜୁଲାଇ 2019ରେ ଏହା ଅପଲୋଡ୍ ହୋଇଥିଲା । ଏଥିରେ ଭାଇରାଲ୍ ଭିଡିଓ କ୍ଲିପ୍ କୁ ମଧ୍ୟ ବ୍ୟବହାର କରାଯାଇଥିଲା । ଭିଡିଓରେ ଥିବା ଏହି ବ୍ୟକ୍ତିଙ୍କୁ ଡେରାଡୁନ୍ର ମୁଫତି ରଇସ୍ ବୋଲି କୁହାଯାଇଛି ।
କିଛି ଅନ୍ୟ କି ୱାର୍ଡ ସର୍ଚ୍ଚ କରିବାରୁ ଆମକୁ Muslim Sewa sangathan Dehradun ୟୁଟ୍ୟୁବ୍ ଚ୍ୟାନେଲ୍ ରେ ମଧ୍ୟ ଏହି ଭିଡିଓ ମିଳିଥିଲା । ଏହାକୁ 4 ଜୁଲାଇ 2019ରେ ଅପଲୋଡ୍ କରଯାଇଥିଲା । ଏହାର ଶୀର୍ଷକ ହେଉଛି, Mufti Raees Bayan Muslim seva Sangathan । ବ୍ୟାଖ୍ୟାରେ ଲେଖାଯାଇଛି, DELETED (ତବରେଜ୍ ଅଂସାରୀଙ୍କୁ ନ୍ୟାୟ ଦେବା ପାଇଁ ମୁସଲିମ ସେବା ସଂଗଠନର ରାଲି)
27 ଜୁନ୍ ରେ jagran ରେ ଛପାଯାଇଥିବା ଖବର ଅନୁଯାୟୀ, ଝାଡ଼ଖଣ୍ଡରେ ଜଣେ ମୁସଲମାନଙ୍କ ହତ୍ୟାର ବିରୋଧରେ, ଡେରାଡୁନରେ ମୁସଲିମ୍ ସେବା ସଂଗଠନ ରାଲି ବାହାର କରିଥିଲା । ଶହର କାଜୀ ମୋ. ଅହମଦ କାସମୀଙ୍କ ନେତୃତ୍ବରେ ଏହି ପ୍ରଦର୍ଶନ କରାଯାଇଥିଲା । ଏଥିରେ ମୁଫତି ରଇସ୍ ମଧ୍ୟ ଉପସ୍ଥିତ ଥିଲେ । ଖବରରେ ଭିଡିଓରେ ଦେଖାଯାଉଥିବା ବ୍ୟକ୍ତିଙ୍କର ଫଟୋ ମଧ୍ୟ ଦେଖାଯାଇ ପାରିବ ।
1 ଜୁଲାଇ 2019ରେ timesofindia ରେ ଛପାଯାଇଥିବା ଖବର ଅନୁଯାୟୀ, ଜମିଅତ୍ ଉଲେମା- ଏ- ହିନ୍ଦ୍ ର ଜିଲ୍ଲା ଅଧ୍ୟକ୍ଷ ମୁଫତି ରଇସ୍ ଅହମ୍ମଦଙ୍କ ଉପରେ ଆପତ୍ତିଜନକ ବୟାନ ଦେବା ମାମଲାରେ କେଶ ଦାୟର କରାଯାଇଥିଲା । ତବରେଜ ଅଂସାରୀଙ୍କ ହତ୍ୟାର ବିରୋଧରେ କରାଯାଇଥିବା ପ୍ରଦର୍ଶନ ବେଳେ ସେ ଏହି ଆପତ୍ତିଜନକ ବୟାନ ଦେଇଥିଲେ ।
ଡେରାଡୁନ୍ ର ଦୈନିକ ଜାଗରଣର କ୍ରାଇମ୍ ରିପୋର୍ଟର୍ ସୋଭନ ସିଂହହ ଗୁସାଂଇଁଙ୍କ କହିବା କଥା, ଭାଇରାଲ୍ ଭିଡିଓ 2019ର ଡେରାଡୁନ୍ ର ଅଟେ । ବିରୋଧ ପ୍ରଦର୍ଶନ ସମୟରେ ଏହି ଆପତ୍ତିଜନକ ବୟାନ ଦିଆଯାଇଥିଲା । ଏହା ପରେ ପୋଲି କେଶ୍ ମଧ୍ୟ ଦାୟର କରିଥିଲା ।
ଆଗରୁ ମଧ୍ୟ ଏହି ଭିଡିଓ ଏହିଭଳି ଦାବି ସହ ଭାଇରାଲ୍ ହୋଇସାରିଛି । ବିଶ୍ବାସ ନ୍ୟୁଜ୍ ସେବେ ମଧ୍ୟ ଏହାର ଅନୁସନ୍ଧାନ କରିଥିଲା । ସମ୍ପୂର୍ଣ୍ଣ ରିପୋର୍ଟ ଏଠାରେ ପଢ଼ାଯାଇ ପାରିବ ।
ପୁରୁଣା ଭିଡିଓକୁ ଭ୍ରମାତ୍ମକ ଦାବି ସହ ଭାଇରାଲ୍ କରିଥିବା ଫେସବୁକ୍ ପେଜ୍ ‘राष्ट्रदेव’ ର ଆମେ ସ୍କାନ୍ କରିଥିଲୁ । 29 ଏପ୍ରିଲ୍ 2016ରେ ତିଆରି ଏହି ପେଜ୍ କୁ 3 ଲକ୍ଷ 89 ହଜାରରୁ ଅଧିକ ବ୍ୟକ୍ତି ଫଲୋ କରୁଛନ୍ତି ।
निष्कर्ष: ଜୁନ୍ 2019ର ଡେରାଡୁନ୍ ର ଭିଡିଓକୁ ଦିଲ୍ଲୀର ଶହର କାଜୀଙ୍କର କହି ଭାଇରାଲ୍ କରାଯାଉଛି । ଭିଡିଓରେ ଦେଖାଯାଉଥିବା ବ୍ୟକ୍ତିଙ୍କ ନାମ ମୁଫତି ରଇସ୍ ଅହମ୍ମଦ ଅଟେ ଏବଂ ସେ ଡେରାଡୁନ୍ ନିବାସୀ । ଏଥିସହ ଏହାର ଦିଲ୍ଲୀରେ ହୋଇଥିବା ହିଂସା ସହ କୌଣସି ସଂପର୍କ ନାହିଁ ।
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923