ତଥ୍ୟ ଯାଞ୍ଚ: “ଭାରତ ଯୋଡ଼” ଯାତ୍ରା ନାମରେ ରାହୁଲ ଗାନ୍ଧୀଙ୍କର 5 ବର୍ଷ ପୁରୁଣା ଫଟୋ ନକଲି ଦାବି ସହ ଭାଇରାଲ୍

ନୂଆ ଦିଲ୍ଲୀ ( ବିଶ୍ବାସ ନ୍ୟୁଜ୍) କଂଗ୍ରେସ ସାଂସଦ ଏବଂ ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ନେତୃତ୍ବରେ “ଭାରତ ଯୋଡ଼’ ଯାତ୍ରା ଜାରି ରହିଛି । ଏହି ଯାତ୍ରାକୁ ନେଇ ସୋସିଆଲ୍ ମିଡିଆରେ ଅନେକ ପ୍ରକାରର ପୋଷ୍ଟ ଭାଇରାଲ୍ ହେଉଛି । ଏବେ ଏକ ଫଟୋ ଭାଇରାଲ୍ ହେଉଛି । ଏଥିରେ ରାହୁଲ ଗାନ୍ଧୀ ବାଇକ୍ ରେ ବସିଥିବା ଦେଖାଯାଉଛି । ସୋସିଆଲ୍ ମିଡିଆ ୟୁଜର୍ସ ଏହାକୁ “ଭାରତ ଯୋଡ଼’ ଯାତ୍ରା ସହ ମିଶାଇ ନକଲି ଦାବି ସହ ଭାଇରାଲ୍ କରୁଛନ୍ତି ।

ବିଶ୍ବାସ ନ୍ୟୁଜ୍ ଏହି ଭାଇରାଲ୍ ପୋଷ୍ଟର ଯାଞ୍ଚ କରିଥିଲା । ଅନୁସନ୍ଧାନରୁ ଜଣା ପଡ଼ିଲା ଯେ, ଏହି ଭାଇରାଲ୍ ଫଟୋ 8 ଜୁନ୍ 2017ର ଅଟେ । ସେ ସମୟରେ ରାହୁଲ ଗାନ୍ଧୀ କଂଗ୍ରେସ ନେତା ଜିତୁ ପଟୱାରୀଙ୍କ ସହ ବାଇକରେ ବସି ମଧ୍ୟ ପ୍ରଦେଶର ମନ୍ଦସୌରରେ ମୃତ ଚାଷୀ ପରିବାରକୁ ଭେଟିବାକୁ ଯାଇଥିଲେ । ଏହି ଫଟୋର ବର୍ତ୍ତମାନ ଯାତ୍ରା ସହ କିଛି ସମ୍ବନ୍ଧ ନାହିଁ.

ଭାଇରାଲ୍ ପୋଷ୍ଟରେ ଅଛି କଣ

ଫେସବୁକ୍ ୟୁଜର୍ ‘ଦେବରାଜ’ 14 ସେପ୍ଟେମ୍ବରର ଏହି ଫଟୋକୁ ଫେସବୁକରେ ସେୟାର କରି ଶୀର୍ଷକ ଲେଖିଛନ୍ତି , “ଲୋକଙ୍କୁ ବୋକା ବନାଉଛ, ତଳକୁ ଓହ୍ଲାଇ ପାଦରେ ଚାଲିକରି ଭାରତ ଯୋଡ଼ ଯାତ୍ରା କର ।” 

ଅନୁସନ୍ଧାନ

ବିଶ୍ବାସ ଟିମ୍ ପ୍ରଥମେ ଭାଇରାଲ ହେଉଥିବା ଫଟୋକୁ ଗୁଗଲ୍ ରିଭର୍ସ ଇମେଜ ସର୍ଚ୍ଚରେ ଅପଲୋଡ୍ କରି ଖୋଜିଲା । ଆମକୁ ଏହି ଭାଇରାଲ୍ ଫଟୋ ଅନେକ ନ୍ୟୁଜ୍ ୱେବସାଇଟ୍ ରେ ମିଳିଥିଲା । ଏହି ଅନୁସନ୍ଧାନ ସମୟରେ ଆମକୁ ଫଟୋ ସହ ଜଡ଼ିତ ଭିଡିଓ ରିପୋର୍ଟ ଏବିପି ନ୍ୟୁଜ୍ ର ଔପଚାରିକ ୟୁଟ୍ୟୁବ୍ ଚ୍ୟାନେଲ୍ ରେ ମିଳିଥିଲା, ଯାହାକୁ 8 ଜୁନ 2017ରେ ଅପଲୋଡ୍ କରାଯାଇଥିଲା । ଏଥିରେ ଥିବା ସୂଚନା ଅନୁଯାୟୀ, ରାହୁଲ ଗାନ୍ଧୀ ମନ୍ଦସୌରରେ ବାଇକ ଯୋଗେ ପହଞ୍ଚିଥିଲେ, ଏହି ସମୟରେ କଂଗ୍ରେସ କାର୍ଯ୍ୟକର୍ତ୍ତା ଏବଂ ପୋଲିସ୍ ମଧ୍ୟରେ ଧସ୍ତାଧସ୍ତି ମଧ୍ୟ ହୋଇଥିଲା ।

dnaindia.com  ରେ ପ୍ରକାଶିତ ଏକ ଖବରରେ ମଧ୍ୟ ଏହି ଭାଇରାଲ୍ ଫଟୋ୍ ବ୍ୟବହାର କରାଯାଇଥିଲା । 8 ଜୁନ୍ 2017ରେ ପ୍ରକାଶିତ ଖବରରେ କୁହାଯାଇଥିଲା ଯେ, “ରାସ୍ତା ବଦଳାଇ ବାଇକ ଯୋଗେ ମନ୍ଦସୌର ଯାଇଥିଲେ ଗାହୁଲ ଗାନ୍ଧୀ” ପୋଲିସ୍ ଏବଂ କଂଗ୍ରେସ କାର୍ଯ୍ୟକର୍ତ୍ତାଙ୍କ ମଧ୍ୟରେ ଧସ୍ତାଧସ୍ତି, ଖବର ଏଠାରେ ଦେଖନ୍ତୁ ।

ଆମକୁ ଭାଇରାଲ୍ ହେଉଥିବା ଏହି ଫଟୋ କଂଗ୍ରେସ ବିଧାୟକ ଜିତୁ ପଟୱାରୀଙ୍କ ଟ୍ବିଟର ହ୍ୟାଣ୍ଡେଲ୍ ରେ ମଧ୍ୟ ମିଳିଥିଲା । 19 ଜୁନ୍ 2017ରେ କରାଯାଇଥିବା ଟ୍ବିଟ୍ ରେ ଲେଖା ଯାଇଥିଲାଯେ, “ଆମ ଶକ୍ତି ଉତ୍ସ ରାହୁଲଙ୍କୁ ଜନ୍ମ ଦିନର ମଙ୍ଗଳକାମନା….କାନ୍ଧରେ ରାହୁଲଙ୍କର ହାତ ଏବଂ ଜନତାଙ୍କ ସଙ୍ଗ ….କୃଷକଙ୍କ ପାଇଁ ଲଢ଼ିବୁ.. ”

ଭାଇରାଲ୍ ଫଟୋ ସମ୍ବନ୍ଧୀୟ ଅନ୍ୟ ଖବରକୁ ଏଠାରେ ପଢ଼ାଯାଇ ପାରିବ । ଆଗରୁ ମଧ୍ୟ ଏହି ଫଟୋ ଭାଇରାଲ୍ ହୋଇ ସାରିଛି, ଯାହାର ଅନୁସନ୍ଧାନ ବିଶ୍ବାସ ନ୍ୟୁଜ୍ କରିଥିଲା । ଆପଣ ଆମର ପୂର୍ବ ଅନୁସନ୍ଧାନକୁ ଏଠାରେ ପଢ଼ି ପାରିବେ ।

ଅତିରିକ୍ତ ପୁଷ୍ଟି ପାଇଁ ଆମେ ରାହୁଲ ଗାନ୍ଧୀଙ୍କ ସହ ଏହି ରାଲିରେ ସାମିଲ ଥିବା ନେତା ରାଜପାଲ୍ ବିଷ୍ଟଙ୍କ ସହ ସଂପର୍କ କରିଥିଲୁ । ସେ ଆମକୁ କହିଥିଲେ ଯେ, “ଭାଇରାଲ୍ ଦାବି ଭୁଲ ଅଟେ । ରାହୁଲ ଗାନ୍ଧୀ ପାଦରେ ହିଁ ଯାତ୍ରା କରୁଛନ୍ତି । ଏ ଫଟୋ ପୁରୁଣା ।”

ଅନୁସନ୍ଧାନ ଶେଷରେ ଆମେ ଏହି ପୁରୁଣା ଫଟୋକୁ ଏବେର ବୋଲି କହି ଭୁଲ୍ ଦାବି ସହ ସେୟାର୍ କରିଥିବା ୟୁଜରଙ୍କ ଯାଞ୍ଚ କରିଥିଲୁ । ଏହି ୟୁଜର ଯୋଗୀ ଆଦିତ୍ୟନାଥ ( ଭଗୱା କି ଶାନ୍) ନାମକ ପେଜ୍ ପେ ଏହି ଫଟୋକୁ ପୋଷ୍ଟ କରିଛନ୍ତି । ପ୍ରୋଫାଇଲ୍ ରେ ଦିଆଯାଇଥିବା ସୂଚନା ଅନୁଯାୟୀ, ଫେସବୁକରେ ଏହି ପେଜର 341.8K  ସଦସ୍ୟ ଅଛନ୍ତି ।