ଫ୍ୟାକ୍ଟ ଚେକ୍: ଅକ୍ଷୟ କୁମାର ଏହି ଟ୍ରେଡିଂ ଆପକୁ ଏଣ୍ଡୋର୍ସ କରିନାହାଁନ୍ତି; ସଂପାଦିତ ଫଟୋକୁ ସତ ଭାବନ୍ତୁନି
ବିଶ୍ୱାସ ନ୍ୟୁଜ୍ ପୋଷ୍ଟ ଯାଞ୍ଚ କରି ଜାଣିବାକୁ ପାଇଲା ଯେ ଫଟୋଟି ନକଲି ଅଟେ। ଅକ୍ଷୟ କୁମାରଙ୍କ ହାତରେ ଦେଖାଯାଇଥିବା ପ୍ଲାକାର୍ଡକୁ ଏଡିଟ୍ କରାଯାଇଛି । ମୂଳ ଫଟୋ ହେଉଛି ଏପ୍ରିଲ୍ 2020 ର, ଯେଉଁଥିରେ ଅକ୍ଷୟ କୁମାରଙ୍କ ପ୍ଲାକାର୍ଡରେ ‘ଦିଲ୍ସେଥ୍ୟାଙ୍କୟୁ’ ଲେଖାଥିଲା । ବର୍ତ୍ତମାନ ଏହି ପୁରୁଣା ଫଟୋଟି ଏଡିଟ୍ କରାଯାଇ ଭୁଲ ଦାବି ସହିତ ଭାଇରାଲ୍ ହେଉଛି ।
- By: Umam Noor
- Published: Jul 21, 2022 at 04:25 PM
- Updated: Jul 21, 2022 at 04:36 PM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍) – ସୋସିଆଲ ମିଡିଆରେ ଏକ ଫଟୋ ଭାଇରାଲ ହେବାରେ ଲାଗିଛି, ଯେଉଁଥିରେ ଅକ୍ଷୟ କୁମାର ତାଙ୍କ ହାତରେ ପ୍ଲାକାର୍ଡ ଧରିଛନ୍ତି ଏବଂ ଏହା ମାଧ୍ୟମରେ ଏକ ଅନଲାଇନ୍ ଟ୍ରେଡିଂ ଆପ୍ର ଏକ ଏଣ୍ଡୋର୍ସମେଣ୍ଟ କରାଯାଉଛି। ଫଟୋକୁ ସତ ବୋଲି ଭାବି ଉପଭୋକ୍ତାମାନେ ଏହାକୁ ଭାଇରାଲ କରୁଛନ୍ତି। ବିଶ୍ୱାସ ନ୍ୟୁଜ୍ ଏହି ପୋଷ୍ଟକୁ ଯାଞ୍ଚ କରି ଜାଣିବାକୁ ପାଇଲା ଯେ ଫଟୋଟି ନକଲି ଅଟେ। ଅକ୍ଷୟ କୁମାରଙ୍କ ହାତରେ ଦେଖାଯାଇଥିବା ପ୍ଲାକାର୍ଡକୁ ଏଡିଟ୍ କରାଯାଇଛି। ମୂଳ ଫଟୋ ହେଉଛି ଏପ୍ରିଲ୍ 2020 ର ଯେଉଁଥିରେ ଅକ୍ଷୟ କୁମାରଙ୍କ ପ୍ଲାକାର୍ଡରେ ‘ଦିଲ୍ସେଥ୍ୟାଙ୍କୟୁ’ ଲେଖାଥିଲା। ବର୍ତ୍ତମାନ ଏହି ପୁରୁଣା ଫଟୋଟି ଭୁଲ ଦାବି ସହିତ ଏଡିଟ୍ କରି ଭାଇରାଲ୍ କରାଯାଉଛି ।
ଭାଇରାଲ୍ ପୋଷ୍ଟରେ କ’ଣ ଅଛି?
ଫେସବୁକ ବ୍ୟବହାରକାରୀ ‘ଦୀପକ ସୋନି’ ଅଭିନେତା ଅକ୍ଷୟ କୁମାର ହାତରେ ଏକ ପ୍ଲାକାର୍ଡ ଧରି ଅନଲାଇନ୍ ଟ୍ରେଡିଂ ଆପ୍ ପ୍ରଚାର କରୁଥିବା ଏକ ଫଟୋ ସେୟାର କରିଛନ୍ତି।
ଏହି ଫଟୋ ସୋସିଆଲ ମିଡିଆର ବିଭିନ୍ନ ପ୍ଲାଟଫର୍ମରେ ଭାଇରାଲ ହେଉଛି । ପୋଷ୍ଟର ଆର୍କାଇଭ୍ଡ ସଂସ୍କରଣ ଏଠାରେ ଦେଖନ୍ତୁ ।
ଅନୁସନ୍ଧାନ
ବିଶ୍ୱାସ ନ୍ୟୁଜ୍ ଏହାର ଅନୁସନ୍ଧାନ ଆରମ୍ଭ କରି ପ୍ରଥମେ ଅକ୍ଷୟ କୁମାରଙ୍କ ଭାଇରାଲ୍ ଫଟୋ ଗୁଗୁଲ୍ ରିଭର୍ସ ଇମେଜ୍ ମାଧ୍ୟମରେ ଖୋଜିଥିଲା। ସନ୍ଧାନରେ, ଆମେ ଏହି ଫଟୋ 9 ଏପ୍ରିଲ 2019 ରେ ଅକ୍ଷୟ କୁମାରଙ୍କ ଟ୍ୱିଟର ହ୍ୟାଣ୍ଡେଲରେ ଟ୍ୱିଟ କରିଥିବାର ଦେଖିଲୁ। ତେବେ, ପ୍ଲାକାର୍ଡରେ ଲେଖାଥିଲା, ‘# ଦିଲ୍ସେଥ୍ୟାଙ୍କୟୁ’ । ଫଟୋ ସେୟାର କରି ସେ ଟ୍ୱିଟ୍ ମାଧ୍ୟମରେ କରୋନା ଯୋଦ୍ଧାମାନଙ୍କୁ ଧନ୍ୟବାଦ ଜଣାଇଛନ୍ତି ଏବଂ ପ୍ଲାକାର୍ଡ ଧରିଥିବା ଫଟୋ ସେୟାର କରିଛନ୍ତି।
ଆମେ ଅକ୍ଷୟ କୁମାରଙ୍କ ଏହି ଫଟୋକୁ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ମଧ୍ୟ ଦେଖିବାକୁ ପାଇଲୁ। ଏଠାରେ ମଧ୍ୟ, ପ୍ଲାକାର୍ଡରେ ‘# ଦିଲ୍ସେଥ୍ୟାଙ୍କୟୁ ‘ ଲେଖାଯାଇଛି। ଏହି ପୋଷ୍ଟକୁ ସେୟାର କରି କ୍ୟାପସନ୍ ଦିଆଯାଇଛି, ‘ନାମ: ଅକ୍ଷୟ କୁମାର ସହର: ମୁମ୍ବାଇ, ମୋର ଏବଂ ମୋ ପରିବାର ତରଫରୁ… ପୋଲିସ, ନଗର ନିଗମ କର୍ମୀ, ଡାକ୍ତର, ନର୍ସ, ଏନଜିଓ, ସ୍ୱେଚ୍ଛାସେବୀ, ସରକାରୀ କର୍ମଚାରୀ, ବିକ୍ରେତା, ବିଲଡିଂର ଗାର୍ଡ ମାନଙ୍କୁ # ଦିଲ୍ସେଥ୍ୟାଙ୍କୟୁ “।
ଅକ୍ଷୟ କୁମାରଙ୍କର ଭାଇରାଲର ଅସଲି ଏବଂ ନକଲି ଫଟୋ ମଧ୍ୟରେ ପାର୍ଥକ୍ୟ ଏଠାରେ ଦେଖିପାରିବେ ।
ଏକ ଓପନ୍ ସର୍ଚ୍ଚରେ, ଆମେ ଅକ୍ଷୟ କୁମାରଙ୍କ ସହ ସମ୍ବନ୍ଧିତ କୌଣସି ଖବର ପାଇଲୁ ନାହିଁ, ଯେଉଁଥିରେ ସେ ଟ୍ରେଡିଂ ଆପକୁ ଏଣ୍ଡୋର୍ସ କରିବା ବିଷୟରେ କହିଥିଲେ।
ଏପ୍ରିଲ୍ 2022 ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ଅକ୍ଷୟ କୁମାର ଫାଉ-ଜି, ଗୋକି, ହୋଣ୍ଡା, ନିର୍ମା, ପଲିସି ବଜାର, ଲିଭଗାର୍ଡ ଏନର୍ଜି, ହାରପିକ୍, ସୁଥୋଲ, ଡଲାର, ଟାଟା ମୋଟର୍ସ, ପିସି ଜୁଏଲର୍ସ, ରିଭାଇଟାଲ୍ ଏଚ୍, ଲିଭର ଆୟୁଷ ଏବଂ କାରଦେଖୋ’ ଭଳି 30 ଟି ବ୍ରାଣ୍ଡକୁ ଏଣ୍ଡୋର୍ସ କରିଛନ୍ତି।
ଏହି ପୋଷ୍ଟକୁ ନିଶ୍ଚିତ କରିବା ପାଇଁ ଆମେ ଦୈନିକ ଜାଗରଣର ବଲିଉଡ ସମ୍ବାଦଦାତା ସ୍ମୃତି ଶ୍ରୀବାସ୍ତବଙ୍କ ସହ ଯୋଗାଯୋଗ କରିଥିଲୁ ଏବଂ ତାଙ୍କ ସହ ଭାଇରାଲ ପୋଷ୍ଟ ସେୟାର କଲୁ। ସେ ଆମକୁ କହିଥିଲେ ଯେ ଏହି ଫଟୋ ଏଡିଟ୍ ହୋଇଛି। ଅକ୍ଷୟ କୁମାର ଅନଲାଇନ୍ ଟ୍ରେଡିଂ ଆପ୍ କୁ ଏଣ୍ଡୋର୍ସ କରି ନାହାଁନ୍ତି।
ନକଲି ପୋଷ୍ଟ ସେୟାର କରିଥିବା ଫେସବୁକ୍ ବ୍ୟବହାରକାରୀଙ୍କର ସୋସିଆଲ୍ ସ୍କାନିଂରେ ଆମେ ଜାଣିବାକୁ ପାଇଲୁ ଯେ ସେ କୋଲକାତାର ବାସିନ୍ଦା ଏବଂ ତାଙ୍କର 211 ଜଣ ଫଲୋଅର୍ ଅଛନ୍ତି।
निष्कर्ष: ବିଶ୍ୱାସ ନ୍ୟୁଜ୍ ପୋଷ୍ଟ ଯାଞ୍ଚ କରି ଜାଣିବାକୁ ପାଇଲା ଯେ ଫଟୋଟି ନକଲି ଅଟେ। ଅକ୍ଷୟ କୁମାରଙ୍କ ହାତରେ ଦେଖାଯାଇଥିବା ପ୍ଲାକାର୍ଡକୁ ଏଡିଟ୍ କରାଯାଇଛି । ମୂଳ ଫଟୋ ହେଉଛି ଏପ୍ରିଲ୍ 2020 ର, ଯେଉଁଥିରେ ଅକ୍ଷୟ କୁମାରଙ୍କ ପ୍ଲାକାର୍ଡରେ ‘ଦିଲ୍ସେଥ୍ୟାଙ୍କୟୁ’ ଲେଖାଥିଲା । ବର୍ତ୍ତମାନ ଏହି ପୁରୁଣା ଫଟୋଟି ଏଡିଟ୍ କରାଯାଇ ଭୁଲ ଦାବି ସହିତ ଭାଇରାଲ୍ ହେଉଛି ।
- Claim Review : ଅଭିନେତା ଅକ୍ଷୟ କୁମାର ହାତରେ ଏକ ପ୍ଲାକାର୍ଡ ଧରି ଅନଲାଇନ୍ ଟ୍ରେଡିଂ ଆପ୍ର ପ୍ରମୋସନ୍ କରୁଥିବାର ଫଟୋ ସେୟାର କରାଯାଉଛି
- Claimed By : ଦୀପକ ସୋନି
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
