ତଥ୍ୟ ଯାଞ୍ଚ : ପ୍ରୟାଗରାଜରେ ରାସ୍ତା ଚଉଡ଼ା କରିବା ପାଇଁ ମସଜିଦ୍ ହଟାଇ ଦିଆଯାଇଛି, ଭାଇରାଲ ଦାବି ଭୁଲ୍

ନୂଆ ଦିଲ୍ଲୀ (ବିଶ୍ବାସ ନ୍ୟୁଜ୍)। ସୋସିଆଲ୍ ମିଡିଆରେ ମସଜିଦ୍ ଭାଙ୍ଗିବାର ଏକ ଭିଡିଓ ଭାଇରାଲ୍ ହେବାରେ ଲାଗିଛି । ଭିଡିଓକୁ ସେୟାର କରାଯାଇ ଦାବି କରାଯାଉଛି ଯେ, ପ୍ରୟାଗରାଜରେ ଏକ ମସଜିଦରେ ପାକିସ୍ତାନର ପତାକା ଲଗାଯାଇଥିଲା, ଯେଉଁଥି ପାଇଁ ଯୋଗୀ ସରକାର ମସଜିଦ୍ ଭାଙ୍ଗି ଦେଲେ।

ବିଶ୍ବାସ ନ୍ୟୁଜ୍ ଅନୁସନ୍ଧାନରେ ଏହି ଭାଇରାଲ୍ ଦାବି ଭୁଲ୍ ପ୍ରମାଣିତ ହୋଇଥିଲା । ମସଜିଦ୍ କୁ ପ୍ରଶାସନର ଉପସ୍ଥିତିରେ ସଡ଼କ ଚଉଡ଼ା କରିବା ପାଇଁ ହଟାଇ ଦିଆଯାଇଛି । ମସଜିଦ୍ ହଟାଇବା ଆଗରୁ ନୋଟିସ୍ ଜାରି କରାଯାଇଥିଲା ।

ଭାଇରାଲ୍ ପୋଷ୍ଟରେ ଅଛି କଣ ?

ଟ୍ବିଟର୍ ୟୁଜର୍ ଆଦିତ୍ୟ ତାମ୍ରକାର୍ 15 ଜାନୁୟାରୀ 2023ରେ ଭାଇକାଲ୍ ଭିଡିଓ ସେୟାର୍ କରିଛନ୍ତି । ୟୁଜରଜଣଙ୍କ ଭାଇରାଲ୍ ଭିଡିଓକୁ ସେୟାର୍ କରି ଶୀର୍ଷକ ଦେଇଛନ୍ତି, “ସୈଦାବାଦ, ପ୍ରୟାଗରାଜ ( ୟୁପି) ରେ ମସଜିଦ୍ ରେ ଲଗାଯାଇଥିଲା ପାକିସ୍ତାନ ପତାକା, ସମ୍ପୂର୍ଣ୍ଣ ମସଜିଦ୍ ଭାଙ୍ଗି ଦିଆଯାଇଛି । ” #योगीहैंतोमुमकिनहै 

ପୋଷ୍ଟର କଣ୍ଟେଣ୍ଟକୁ ଏଠାରେ ଅବିକଳ ଲେଖାଯାଇଛି । ଅନ୍ୟ ୟୁଜରମାନେ ମଧ୍ୟ ଏହାକୁ ଭାଇରାଲ୍ କରୁଛନ୍ତି । ଏହାର ଆର୍କାଇଭ୍ ଭର୍ସନ ଏଠାରେ ଦେଖନ୍ତୁ ।

ଅନୁସନ୍ଧାନ

ଭାଇରାଲ୍ ଦାବିର ସତ୍ୟତା ଜାଣିବା ପାଇଁ ଆମେ ଗୁଗଲରେ ବିଭିନ୍ନ କି ୱାର୍ଡ ଦେଇ ଖୋଜିବା ଆରମ୍ଭ କରିଥିଲୁ । ଏ ସମୟରେ ଆମକୁ ଭାଇରାଲ୍ ଭିଡିଓ ସହ ସମ୍ବନ୍ଧିତ ଏକ ରିପୋର୍ଟ ଦୈନିକ ଭାସ୍କର ଡଟ୍ କମ ରେ ମିଳିଥିଲା । ଏହି ରିପୋର୍ଟକୁ 11 ଜାନୁୟାରୀ 2023ରେ ପ୍ରକାଶିତ କରାଯାଇଥିଲା । ରିପୋର୍ଟ ଅନୁଯାୟୀ, ହଣ୍ଡିୟା ତହସିଲ ଅଧୀନରେ ଥିବା ସୈଦାବାଦ ବଜାରରେ ସାର୍ବଜନିକ ଲୋକ ନିର୍ମାଣ ବିଭାଗର ଜମିରେ ଶୈରଶାହ ସୁରୀ ସମୟରେ ତିଆରି ହୋଇଥିବା ଶାହୀ ମସଜିଦକୁ କଡ଼ା ପ୍ରଶାସନିକ ସୁରକ୍ଷା ବଳୟ ଏବଂ ଲୋକନିର୍ମାଣ ବିଭାଗ ଦ୍ବାରା ହଟାଯାଇଛି । ପ୍ରୟାଗରାଜରୁ ହଲଦିଆ ଜିଟି ରୋଡ୍ ପର୍ଯ୍ୟନ୍ତ ଚଉଡ଼ା କରାଯାଉଛି, ଯେଉଁଥିପାଇଁ ଏହା ଶାହୀ ମସଜିଦ୍ ହଟାଇ ଦିଆଯାଇଛି । ଏଥିପାଇଁ ମସଜିଦକୁ ଆଗରୁ ନୋଟିସ୍ ଦିଆଯାଇଥିଲା ।

ଲାଇଭ୍ ହିନ୍ଦୁସ୍ତାନ ମଧ୍ୟ ଏହି ଖବର ପ୍ରକାଶ କରିଥିଲା ।

ଅନୁସନ୍ଧାନ ବେଳେ ଆମକୁ ଭାଇରାଦ୍ ଭିଡିଓ ସମ୍ବନ୍ଧୀୟ ଏକ  ଟ୍ବିଟ୍ ପ୍ରୟାଗରାଜ କମିଶନର୍ ଙ୍କ ଔପଚାରିକ ଟ୍ବିଟର୍ ଏକାଉଣ୍ଟରେ ମିଳିଥିଲା । 16 ଜାନୁୟାରୀ 2023ରେ ଜଣେ ଟ୍ବିଟର୍ ୟୁଜରଙ୍କୁ ଉତ୍ତର ଦେଇ ଲେଖାଯାଇଥିଲା, “ ଲୋକ ନିର୍ମାଣ ବିଭାଗ ଦ୍ବାରା ପ୍ରୟାଗରାଜ – ହଣ୍ଡିଆ ମୁଖ୍ୟା ମାର୍ଗକୁ ଚଉଡ଼ା କରାଯାଉଛି । ହଣ୍ଡିଆ ଥାନା କ୍ଷେତ୍ରର ସୈଦାବାଦରେ ନିର୍ମାଣ ହୋଇଥିବା ଶାହୀ ମସଜିଦ, ଚଉଡ଼ା କରାଯାଉଥିବା ସଡ଼କ ମାର୍ଗରେ ଥିଲା । ମସଜିଦ୍ କମିଟିର ସଦସ୍ୟଙ୍କ ଦ୍ବାରା ଲୋକ ନିର୍ମାଣ ବିଭାଗର ଅଧିକାରୀମାନଙ୍କ ସହ ହୋଇଥିବା କଥାବାର୍ତ୍ତା ପରେ ପାରସ୍ପରିକ ସହମତି ଭିତ୍ତିରେ 09.01.2023 ରେ ମସଜିଦ୍ ହଟାଇ ଦିଆଯାଇଥିଲା । ସ୍ଥିତି ଉପରେ ସତର୍କ ଦୃଷ୍ଟି ରଖାଯାଇଛି । ”

ଅଧିକ ଅନୁସନ୍ଧାନ କରି ଆମେ ମସଜିଦର ପତାକା ଉପରେ ନଜର ଦେଇଥିଲୁ ଏବଂ ଏହାର ତୁଳନା ପାକିସ୍ତାନର ପତାକା ସହ କରିଥିଲୁ। ଆମେ ଜାଣିପାରିଲୁ ଯେ ଏହା ଇସଲାମର ପତାକା । ଏହାର ଏବଂ ପାକିସ୍ତାନର ପତାକା ମଧ୍ୟରେ ଫରକ ରହିଛି । ପାକିସ୍ତାନ ପତାକାରେ ଧଳା ରଙ୍ଗର ପଟି ଥାଏ , କିନ୍ତୁ ଇସଲାମ ପତାକାରେ ଏହା ନଥାଏ । ଇସଲାମୀ ପତାକା ସମ୍ପୂର୍ଣ୍ଣ ସବୁଜ ରଙ୍ଗର ଏବଂ ଏଥିରେ ଚାନ୍ଦ ଏବଂ ତାରା ତିଆରି ହୋଇଥାଏ ।

ବିଶ୍ବାସନ ନ୍ୟୁଜ୍ ଏହି ମାମଲାରେ କୋତୱାଲୀ ହଣ୍ଡିଆର କାର୍ଯ୍ୟବାହକ ପ୍ରଭାରୀ ନିରୀକ୍ଷକ କମଲେସ କୁମାରଙ୍କ ସହ ମଧ୍ୟ କଥାବାର୍ତ୍ତା କରିଥିଲା । ସେ ଆମକୁ କହିଥିଲେ ଯେ, ସୈଦାବାଦ ସହରର ଶାହୀ ମସଜିଦ୍ ପିଡବ୍ଲୁଡି ଜମିରେ ତିଆରି ହୋଇଥିଲା । ସଡ଼କ ଚଉଡ଼ା କରିବା ପାଇଁ କୋର୍ଟର ଆଦେଶ ପରେ ବିଡବ୍ଲୁଡି ଅଧିକାରୀ, ହଣ୍ଡିଆ ପୂର୍ବ ଉପ ଜିଲ୍ଲା ଅଧିକାରୀ ରମେଶ ଚନ୍ଦ୍ର ମୌର୍ଯ୍ୟ ଏବଂ ହଣ୍ଡିଆ ସହକାରୀ ପୋସିଲ୍ କମିଶନରଙ୍କ ଉପସ୍ଥିତିରେ ମସଜିଦକୁ ହଟାଇ ଥିଲେ । ଭାଇରାଲ ହୋଇଥିଲା ଦାବି ଭୁଲ୍ ଅଟେ । ମସଜିଦ ଉପରେ ପାକିସ୍ତାନର ପତାକା ନୁହେଁ, ଇସଲାମ ପତାକା ଲାଗିଥିଲା । ମସଜିଦ୍ ହଟାଇବାର ଏ ଘଟଣା 9 ଜାନୁୟାରୀ 2023ର ଅଟେ ।

ଅଧିକ ସୂଚନା ପାଇଁ ଆମେ ପ୍ରୟାଗରାଜ ଦୈନିକ ଜାଗରଣର ସଂପାଦକୀୟ ପ୍ରଭାରୀ ରାକେଶ ପାଣ୍ଡେଙ୍କ ସହ ସମ୍ପର୍କ କରିଥିଲୁ । ସେ ଆମକୁ କହିଥିଲେ ଯେ, “ଭାଇରାଲ ଦାବି ଭୁଲ୍ ଅଟେ । ମସଜିଦ୍ ପ୍ରଗାୟରାଜ ହଣ୍ଡିଆ ରାଜପଥର ସରକାରୀ ଜମିରେ ଥିଲା, ଯାହାକୁ ନୋଟିସ୍ ଦିଆଯିବା ପରେ ହଟାଯାଇଛି । ”

ଅନୁସନ୍ଧାନର ଶେଷରେ ବିଶ୍ବାସ ନ୍ୟୁଜ୍ ନକଲି ଦାବି ସେୟାର କରିଥିବା ୟୁଜରଙ୍କ ହ୍ୟାଣ୍ଡେଲ୍ ର ସୋସିଆଲ୍ ସ୍କାନିଂ କରିଥିଲା । ପ୍ରୋଫାଇଲରେ ଦିଆଯାଇଥିବା ସୂଚନା ଅନୁଯାୟୀ, ୟୁଜର ଜଣଙ୍କ ଦୁର୍ଗ ସହରରେ ରୁହନ୍ତି । ଏହି ୟୁଜରଙ୍କୁ ସାତ ହଜାରରୁ ଅଧିକ ଲୋକ ଫଲୋ କରୁଛନ୍ତି । ୟୁଜର୍ ସେପ୍ଟେମ୍ବର 2020ରୁ ଟ୍ବିଟରରେ ସକ୍ରିୟ ଅଟନ୍ତି ।

ନିଷ୍କର୍ଷ: ବିଶ୍ବାସ ନ୍ୟୁଜ୍ ନିଜ ଅନୁସନ୍ଧାନରୁ ଜାଣିବାକୁ ପାଇଲା ଯେ, ମସଜିଦକୁ ପ୍ରଶାସନର ଉପସ୍ଥିତିରେ ସଡ଼କ ଚଉଡ଼ା କରିବା ପାଇଁ ହଟାଇ ଦିଆଯାଇଛି । ଏଥିପାଇଁ ମସଜିଦକୁ ଆଗରୁ ନୋଟିସ୍ ଜାରି କରାଯାଇଥିଲା ।