ତଥ୍ୟ ଯାଞ୍ଚ: ଗ୍ରାଫିକ୍ସରେ ବ୍ୟବହାର କରାଯାଇଥିବା ମୁସଲମାନ ପରିବାରର ଫୋଟୋ ଭାରତର ନୁହେଁ, ଏହା ପାକିସ୍ତାନର

ନୂଆ ଦିଲ୍ଲୀ ( ବିଶ୍ବାସ ନ୍ୟୁଜ୍) ସୋସିଆଲ୍ ମିଡିଆରେ ଗୋଟିଏ ଗ୍ରାଫିକ୍ସ ସେୟାର୍ କରାଯାଇ ଦାବି କରାଯାଉଛି ଯେ, ଭାରତରେ ମୁସଲମାନଙ୍କ ସଂଖ୍ୟା ଦ୍ରୃତ ଗତିରେ ବଢୁଛି । ଏଥିରେ ଏକ ଫୋଟୋରେ ଗୋଟିଏ ବଡ଼ ମୁସଲିମ ପରିବାର ଦେଖାଯାଉଛି, ତଳେ ରହିଛି ଚାରି ସଦସ୍ୟ ଥିବା ଗୋଟିଏ ଛୋଟ ପରିବାର ।

ବିଶ୍ବାସ ନ୍ୟୁଜ୍ ନିଜ ଅନୁସନ୍ଧାନରୁ ପାଇଲା ଯେ, ଗ୍ରାଫିକ୍ସରେ ଦିଆଯାଇଥିବା ବଡ଼ ମୁସଲିମ ପରିବାରର ଫୋଟୋ ପାକିସ୍ତାନର ଅଟେ । ଏହାର ଭାରତ ସହ କୌଣସି ସମ୍ବନ୍ଧ ନାହିଁ ।

ଭାଇରାଲ୍ ପୋଷ୍ଟରେ ଅଛି କଣ

ଫେସବୁକ୍ ୟୁଜର୍ Meghwal Vijay (ଆର୍କାଇଭ୍ ଲିଙ୍କ୍ ) 9 ଜାନୁୟାରୀରେ ଗ୍ରାଫିକ୍ସ ସେୟାର କରିଛନ୍ତି । ଏଥିରେ ଫୋଟୋ ସହ ସେ ଲେଖିଛନ୍ତି ,

ଅନୁସନ୍ଧାନ

ଭାଇରାଲ୍ ଦାବିର ଅନୁସନ୍ଧାନ ପାଇଁ ଆମେ ପ୍ରଥମେ ଗ୍ରାଫିକ୍ସରେ ଦିଆଯାଇଥିବା ଫୋଟୋକୁ ଗୁଗଲ୍ ରିଭର୍ସ ଇମେଜ୍ ରେ ଖୋଜିଥିଲୁ । ଗଲ୍ଫ ନ୍ୟୁଜ୍ ରେ 17 ଜୁଲାଇ 2014ରେ ଗୋଟିଏ ଖବର ଛପାଯାଇଥିଲା । ଏଥିରେ ଭାଇରାଲ୍ ହୋଇଥିବା ଫୋଟୋ ବ୍ୟବହାର ହୋଇଥିଲା ।

ଏହାର ଶୀର୍ଷକ ଲେଖାଥିଲା, ଉତ୍ତର ୱଜିରିସ୍ତାନରେ ସୈନ୍ୟ ଅଭିଯାନ ପରେ ନିଜ ପରିବାର ସହ ଚାଲିଆସିଥିବା ବିସ୍ଥାପିତ ଗୁଲଜାର ଖାନ୍ ବନ୍ନୁଙ୍କ ନିଜ ପିଲାମାନଙ୍କ ସହ ଫଟୋ । ଏହାର ଅର୍ଥ, ଏହି ଫୋଟୋ ପାକିସ୍ତାନର ଅଟେ ଏବଂ ଏହା ପ୍ରାୟ ପାଞ୍ଚ ବର୍ଷ ପୁରୁଣା ।

ଏନଡିଟିଭି ଇଣ୍ଡିଆରେ ମଧ୍ୟ 17 ଜୁଲାଇ 2014ରେ ଏହି ଫଟୋ ବିଷୟରେ ଖବର ଛପାଯାଇଥିଲା । ଏହା ଅନୁଯାୟୀ, ଏହି ଫୋଟୋ ହାଜି ଗୁଲଜାର ଖାନଙ୍କର ଅଟେ । ସେ ଉତ୍ତର ୱଜିରିସ୍ତନରୁ ସୈନ୍ୟ ଅଭିଯାନ ପରେ ସେଠାରୁ ଖସି ଚାଲି ଆସିଥିଲେ ।

ଫୋଟୋ ବିଷୟରେ ଅଧିକ ସୂଚନା ପାଇଁ ଆମେ ବେଲୁଚିସ୍ତାନ ଟିଭିର ସିଇଓ ମହମ୍ମଦ ଶାହ ଦୋତାନୀଙ୍କ ସହ ଯୋଗାଯୋଗ କରିଥିଲୁ । ସେ କହିଥିଲେ, ‘ସେହି ଫୋଟୋ ପାକିସ୍ତାନ ବେଲୁଚିସ୍ତାନର କ୍ବେଟାର ଅଟେ । ‘ ସେହିପରି ପାକିସ୍ତାନର ସ୍ବତନ୍ତ୍ର ସାମ୍ବାଦିକ ହସୀବ ଅହମ୍ମଦ ମଧ୍ୟ ଏହି ଫୋଟୋକୁ ପାକିସ୍ତାନର ବୋଲି କହିଥିଲେ ।

ପାକିସ୍ତାନର ଫୋଟୋକୁ ସେୟାର କରିଥିବା ଫେସବୁକ୍ ଯୁଜର୍ ‘ମେଘୱାଲ୍ ବିଜୟ ‘ଙ୍କର ଆମେ ପ୍ରୋଫାଇଲ୍ ସ୍କାନ୍ କରିଥିଲୁ । ଏହି ବ୍ୟକ୍ତି ଜଣକ ଦିଲ୍ଲୀର ବୋଲି ଉଲ୍ଲେଖ ରହିଛି ଏବଂ ତାଙ୍କ ପ୍ରୋଫାଇଲ୍ ଲକ୍ ଅଛି ।

ନିଷ୍କର୍ଷ: ଗ୍ରାଫିକ୍ସରେ ବ୍ୟବହାର କରାଯାଇଥିବା ମୁସଲମାନ ପରିବାରର ଫୋଟୋ ପାକିସ୍ତାନର ଅଟେ । ଏହାର ଭାରତ ସହ କୌଣସି ସମ୍ବନ୍ଧ ନାହିଁ ।