ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ଗୋଟିଏ ପୋଷ୍ଟ ଦାବି କରେ ଯେ, 26- 27 ଡିଗ୍ରୀ ସେଲସିଅସ୍ ଉପରେ ତାପମାତ୍ରାରେ କରୋନା ଭାଇରସ୍ ମରିଯାଇ ଥାଏ । ଏହା ଆହୁରି ମଧ୍ୟ ଦାବି କରୁଛି ଗରମ ପାଣି ପିଇବା ଏବଂ ସୂର୍ଯ୍ୟ କିରଣ ସଂସ୍ପର୍ଶରେ ଆସିବା ଦ୍ବାରା ଏହା ହୋଇ ପାରିବ । ଏ ସମୟରେ ଆଇସକ୍ରିମ୍ ଏବଂ ଥଣ୍ଡା ପାନୀୟରୁ ଦୂରେଇ ରହିବା ପାଇଁ ମଧ୍ୟ ଏହି ଭାଇରାଲ୍ ପୋଷ୍ଟରେ ପରାମର୍ଶ ଦିଆଯାଇଛି । ୟୁନିସେଫ୍ କୁ ଏହି ଭାଇରାଲ୍ ପୋଷ୍ଟର ସୂଚନା ଉତ୍ସ ଭାବେ ବାର୍ତ୍ତାରେ ଉଲ୍ଲେଖ ରହିଛି । ବିଶ୍ବାସ ନ୍ୟୁଜ୍ ଅନୁସନ୍ଧାନ କରିଥିଲା ଏବଂ ଜାଣିବାକୁ ପାଇଲା ଯେ ଏହି ଭାଇରାଲ୍ ପୋଷ୍ଟ ଟି ନକଲି ।

ଦାବି

କ୍ଲିନ୍ ଆଣ୍ଡ୍ ଗ୍ରୀନ୍ ସର୍ଭିସ୍ ଦ୍ବାରା ସୋସିଆଲ୍ ମିଡିଆରେ ସେୟାର୍ ହୋଇଥିବା ଗୋଟିଏ ପୋଷ୍ଟ ରେ ଅଛି: କରୋନାଭାଇରସ୍ ଇନଭରମେସନ୍ ଉତ୍ସ : ୟୁନିସେଫ୍  । ଯଦି ଭାଇରସ୍ 26- 27 ଡିଗ୍ରୀ ସେଲସିଅସ୍ ଉପରେ ତାପମାତ୍ରା ସମ୍ମୁଖୀନ ହୁଏ, ଏହା ମରିଯିବ, କାରଣ ଏହା ଗରମ ସ୍ଥାନରେ ରହି ପାରେ ନାହିଁ । ଏଥିହ ଗରମ ପାଣି ପିଇବା ଏବଂ ସୂର୍ଯ୍ୟ କିରଣ ସାମ୍ନାରେ ଆସିଲେ ମଧ୍ୟ ଏହି ଯାଦୁ ହେବ ଏବଂ ଏଥିସହ ଆଇସକ୍ରିମ୍ ଓ ଥଣ୍ଡା ପାନୀୟରୁ ଦୂରରେ ରହିବାକୁ ପରାମର୍ଶ ଦିଆଯାଇଛି ।   ପୋଷ୍ଟରର ଆର୍କାଇଭ୍ ଲିଙ୍କ୍ ଏଠାରେ ଯାଞ୍ଚ କରଯାଇ ପାରିବ ।

ଅନୁସନ୍ଧାନ

 ଯେପରି ଦେଖାଯାଉଛି, ପୋଷ୍ଟରେ ଥିବା ବାର୍ତ୍ତାରେ ସୂଚନା ଉତ୍ସ ଭାବେ ୟୁନିସେଫ୍ ଉଲ୍ଲେଖ ହୋଇଛି ।   

ବିଶ୍ବାସ ନ୍ୟୁଜ୍ ୟୁନିସେଫ୍ ର ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର କାନୁପ୍ରିୟା ସିଙ୍ଘଲଙ୍କ ସହ କଥା ହୋଇଥିଲା ଏବଂ ତାଙ୍କ ସହ ଭାଇରାଲ୍ ଚିତ୍ର ସେୟାର କରିଥିଲା । ସେ କହିଥିଲେ ଯେ ୟୁନିସେଫ୍ ସେଭଳି ବାର୍ତ୍ତା ପଠାଇ ନାହିଁ ।

 “ୟୁନିସେଫ୍ ଏଭଳି କୌଣସି ରିପୋର୍ଟ ପ୍ରକାଶ କରି ନାହିଁ ”

ଭାଇରାଲ୍ ପୋଷ୍ଟ ଅନୁଯାୟୀ, ନୋଭଲ୍ କରୋନା ଭାଇରସ୍ 26/27 ଡିଗ୍ରୀ ତାପମାତ୍ରା ଉପରେ ମରିଯାଇ ଥାଏ । ତେବେ, ନୂଆ ଭାଇରସ୍ ବିଷୟରେ ଡାକ୍ତରୀ ବିଶେଷଜ୍ଞ ଏଭଳି କୌଣସି ନିର୍ଦ୍ଧିଷ୍ଟ ଦାବି କରି ନାହାଁନ୍ତି । 

ଡାକ୍ତର. କାନୁପ୍ରିୟା ସିଙ୍ଘଲ୍ ଙ୍କ କହିବା ଅନୁଯାୟୀ, “ ତାପମାତ୍ରା ନେଇ ସମ୍ବେଦନଶୀଳତା ବର୍ତ୍ତମାନ ପର୍ଯ୍ୟନ୍ତ ଜଣା ନାହିଁ ।  ସ୍ବାସ୍ଥ୍ୟ ମନ୍ତ୍ରାଳୟର ଔପଚାରିକ ୱେବସାଇଟ୍, ଡବଲ୍ଲୁ ଏଚ୍ ଓ ୱେବସାଇଟ୍ କିମ୍ବା ୟୁନିସେଫ୍ ୱେବସାଇଟ୍ ର ବିଶ୍ବସ୍ତ ସୂଚନା ଉତ୍ସ ଉପକେ କେବଳ ବିଶ୍ବାସ କରିବା ଗୁରୁତ୍ତ୍ବପୂର୍ଣ୍ଣ । ପୁଷ୍ଟି କରା ନଯାଇ ନକଲି ପୋଷ୍ଟ ଏବଂ ଭୁଲ୍ ସୂଚନା ସୋସିଆଲ୍ ମିଡିଆରେ ସେୟାର୍ ହେବା ଉଚିତ ନୁହେଁ  । ”

ଖ୍ରୀଷ୍ଟୋଫର୍ ଟିଡେ, ୟୁନିସେଫର ଯୋଗାଯୋଗ ବିଶେଷଜ୍ଞ, ଆମକୁ ମେଲ୍ ରେ ପ୍ରତିକ୍ରିୟା ଦେଇଥିଲେ , “ ସେହି ପୋଷ୍ଟ ୟୁନିସେଫ୍ ର ନୁହେଁ ଏବଂ ଏହା ସଠିକ ନୁହେଁ ।  ବିଶ୍ବରେ, ନିଜକୁ ଏବଂ ନିଜ ପରିବାରକୁ କରୋନା ଭାଇରସରୁ ରକ୍ଷା କରିବା ପାଇଁ ଲୋକମାନେ ଜରୁରୁୀ ସାବଧାନତା ବିଷୟରେ କଥା ହେଉଛନ୍ତି । ଏ ସମୟରେ ଆମକୁ ପ୍ରକୃତରେ ଆବଶ୍ୟକ ହେଉଛି ବୈଜ୍ଞାନିକ ପ୍ରମାଣ ଉପରେ ଆଧାର କରି ଭଲ ପ୍ରସ୍ତୁତି । ତେବେ, ଯେଉଁଠି ଭାଇରସ୍ ବିଷୟରେ ଏବଂ ଏଥିରୁ ରକ୍ଷା ପାଇଁବା ପାଇଁ ଅନେକ ବ୍ୟକ୍ତି ସୂଚନା ସେୟାର କରୁଛନ୍ତି, ସେହି ସୂଚନା ମଧ୍ୟରୁ କେବଳ କିଛି ସୂଚନା ହିଁ ଉପଯୋଗୀ କିମ୍ବା ଭରସାଯୋଗ୍ୟ ।  ସ୍ବାସ୍ଥ୍ୟ ବିପଦ ସମୟରେ କୌଣସି ପ୍ରକାର ଭୁଲ୍ ସୂଚନାର ପରିଣାମ ସ୍ବରୂପ ଲୋକ ଅସୁରକ୍ଷିତ ରହି ପାରନ୍ତି କିମ୍ବା ଭାଇରସ ଆକ୍ରାନ୍ତରେ ଆସିବାର ଅଧିକ ସମ୍ଭାବନା ପରିସରରେ ଆସନ୍ତି । ଏହା ପାରାନୋଆ, ଭୟ, ବିସ୍ତାର କରିପାରେ । ଏବଂ  ସୁରକ୍ଷାର ଭୁଲ୍ ଦିଗ ପ୍ରସ୍ତାବ ଦେବା ଭଳି ଏହାର ଅନ୍ୟ ପରିଣାଣ ମଧ୍ୟ ରହିପାରେ । ”

ବିଶ୍ବାସ ନ୍ୟୁଜ୍ ଆହୁରି ମଧ୍ୟ ଅନୁସନ୍ଧାନ କରିଥିଲା ଏବଂ ରୋଗ ନିୟନ୍ତ୍ରଣ ଏବଂ ନିବାରଣ କେନ୍ଦ୍ର ( ସିଡିସି)ର ଔପଚାରିକ ୱେବସାଇଟରୁ ଏକ ରିପୋର୍ଟରୁ ପାଇଥିଲା । ରିପୋର୍ଟ ଅନୁଯାୟୀ, “କୋଭିଡ୍ -19 ବ୍ୟାପିବା ନେଇ ପାଣିପାଗ ଏବଂ ତାପମାତ୍ରାର କିଛି ପ୍ରଭାବ ରହିଛି କି ନାହିଁ ତାହା ବର୍ତ୍ତମାନ ସୁଦ୍ଧା ଜଣା ନାହିଁ । କିଛି ଅନ୍ୟ ଭାଇରସ୍, ଯେପରି ସାଧାରଣ ଥଣ୍ଡା ଏବଂ ଫ୍ଲୁ, ଥଣ୍ଡା ପାଗରେ ଅଧିକ ବ୍ୟପିଥାଏ କିନ୍ତୁ ଏହାର ଅର୍ଥ ନୁହେଁ ଅନ୍ୟ ମାସରେ ଏସବୁ ଭାଇରସ୍ ଦ୍ବାରା ଅନ୍ୟମାସରେ ଅସୁସ୍ଥ ହେବା ଅସମ୍ଭବ ।  ଏ ସମୟରେ, ଏହା ଜଣା ନାହିଁ ଯେ ପାଣିପାଗ ଗରମ ହେଲେ କୋଭିଡ୍ -19 କମିବ କି ନାହିଁ ।  କୋଭିଡ୍- 19 ସହ ଜଡ଼ିତ ସଂକ୍ରାମକ ତଥ୍ୟ, ଗମ୍ଭୀରତା ଏବଂ ଅନ୍ୟ  ବୈଶିଷ୍ଠ ବିଷୟରେ ଆହୁରି ଅଧିକ ଜାଣିବାର ଅଛି  ଏବଂ ଏ ନେଇ ଅନୁସନ୍ଧାନ ଜାରି ରହିଛି ।”

ଭାଇରାଲ ପୋଷ୍ଟ ଆହୁରି ମଧ୍ୟ କହୁଛି ଯେ, ଗରମ ପାଣି ପିଇବା ଏବଂ ସୂର୍ଯ୍ୟ କିରଣ ସଂସ୍ପର୍ଶରେ ଆସିବା ସହଯୋଗୀ ହେବ ।

ପାଣି ପିଇବା ଏବଂ ସୂର୍ଯ୍ୟ କିରଣ ସଂସ୍ପର୍ଶରେ ଆସିବା ଦ୍ବାରା ସଂକ୍ରମଣ ରୋକି ହେବ ବୋଲି ଆମେ କୌଣସି ପ୍ରମାଣ ପାଇ ନାହୁଁ । ସାଧାରଣ ଚିକିତ୍ସକ ଡାକ୍ତର ସଞ୍ଜୀବ କୁମାରଙ୍କ କହିବା ଅନୁଯାୟୀ, “ ଏହା ପ୍ରମାଣିତ ହୋଇ ନାହିଁ ।  ବର୍ତ୍ତମାନ ପର୍ଯ୍ୟନ୍ତ ନୋଭଲ୍ କରୋନା ଭାଇରରସ୍ ର କୌଣସି ଚିକିତ୍ସା ନାହିଁ । କାଶିବା ଏବଂ ଛିଙ୍କିବା ଭଳି ଶ୍ବାସକ୍ରିୟା ଜନିତ ସମସ୍ୟା ଥିବା ସଂକ୍ରମିତ ବ୍ୟକ୍ତିଙ୍କ ସହ ନିକଟ ସଂପର୍କରେ ଆସିଲେ କରୋନା ଭାଇରରସ୍ ବ୍ୟାପିଥାଏ  । ”

ଭାଇରାଲ୍ ପୋଷ୍ଟ ମଧ୍ୟ କହୁଛି ଯେ ଲୋକମାନେ ଆଇସକ୍ରିମ୍ ଏବଂ କୋଲ୍ଡ ଡ୍ରିଙ୍କସ୍ ରୁ ଦୂରରେ ରହିବା ଉଚିତ ।

ଯେତେବେଳେ ଆମେ ଅନୁସନ୍ଧାନ କରିଲୁ, ଆମେ ଜାଣିବାକୁ ପାଇଲୁ ଯେ ପାର୍ଟନରସିପ୍ ପାଇଁ ୟୁନିସେଫ୍ ଉପ କାର୍ଯ୍ୟକାରୀ ନିର୍ଦ୍ଦେଶକ ଚାର୍ଲୋଟ୍ ପେଟ୍ରି ଗୋର୍ନିତକା କରୋନା ଭାଇରସ୍ ସମ୍ପର୍କରେ ଭୁଲ୍ ସୂଚନା ଉପରେ ଏକ ମନ୍ତବ୍ୟ ଜାରି କରିଛନ୍ତି ।

କରୋନା ଭାଇରସ୍ ଉପରେ ଏଭଳି ବିଭ୍ରାନ୍ତିକର ଦାବିକୁ ତାଙ୍କ ମନ୍ତବ୍ୟ ଖଣ୍ଡନ କରୁଛି , “  ବର୍ତ୍ତମାନ ଏକ ଭୁଲ ଅନଲାଇନ୍ ବାର୍ତ୍ତା ବିଭିନ୍ନ ଭାଷାରେ ସାରା ବିଶ୍ବରେ ବିତରିତ ହେଉଛି ଏବଂ ଏହା ୟୁନିସେଫ୍ ଯୋଗାଯୋଗ ବୋଲି ସୂଚିତ କରିବା ପରି ଦେଖାଯାଉଛି । ଏଥିରେ ଥିବା ଅନ୍ୟ ତଥ୍ୟ ମଧ୍ୟରେ ରହିଛି ଆଇସକ୍ରିମ୍ ଏବଂ ଥଣ୍ଡା ଖାଦ୍ୟ ରୋଗ ବ୍ୟାପିବାରୁ ରକ୍ଷା କରି ପାରିବ । ଏହା ନିହାତି ଭାବେ ସମ୍ପୂର୍ଣ୍ଣ ଅସତ୍ୟ ଅଟେ। ”

ବିଶ୍ବାସ ନ୍ୟୁଜ୍ ପୂର୍ବରୁ ସେହିଭଳି ସମାନ ଦାବିର ଖଣ୍ଡନ କରିଥିଲା ଯାହାକୁ ଏଠାରେ ଯାଞ୍ଚ କରାଯାଇ ପାରିବ ।