ଫ୍ୟାକ୍ଟ ଚେକ୍: ଏହି ଫଟୋ ଜାଠ ସଂରକ୍ଷଣ ଆନ୍ଦୋଳନରେ ସହିଦ ହୋଇଥିବା ସୁନୀଲ ଶେରାନଙ୍କର ନୁହେଁ, ଫିଲ୍ମରୁ ନେଇଥିବା ସ୍କ୍ରିନସଟ୍ ଭାଇରାଲ ହେଉଛି
ନିଷ୍କର୍ଷ: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଭାଇରାଲ୍ ପୋଷ୍ଟ ବିଭ୍ରାନ୍ତିକର ପ୍ରମାଣିତ ହୋଇଛି। ଜାଠ ସଂରକ୍ଷଣ ଆନ୍ଦୋଳନରେ ସହିଦ ହୋଇଥିବା ସୁନୀଲ ଶୋରାନଙ୍କ ସହ ଭାଇରାଲ ଚିତ୍ରର କୌଣସି ସମ୍ପର୍କ ନାହିଁ। ଭାଇରାଲ୍ ଫଟୋ ହେଉଛି ପାଲେଷ୍ଟାଇନର ଏକ ଚଳଚ୍ଚିତ୍ରର ସ୍କ୍ରିନସଟ୍।
- By: Jyoti Kumari
- Published: Sep 30, 2021 at 11:53 AM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍): ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହେବାରେ ଲାଗିଛି ଯେଉଁଥିରେ ଜଣେ ବାଳକଙ୍କର ଛାତିରେ ଗୁଳି ବାଜିଥିବାର ଦେଖିବାକୁ ମିଳୁଛି। ଭାଇରାଲ ପୋଷ୍ଟରେ ଦାବି ହେଉଛି ଯେ ଏହି ଫଟୋ ସୁନୀଲ ଶୋରାନଙ୍କ ଅଟେ, ଯିଏ ଜାଠ ସଂରକ୍ଷଣ ଆନ୍ଦୋଳନ ସମୟରେ ସହିଦ ହୋଇଥିଲେ। ବିଶ୍ୱାସ ନ୍ୟୁଜ୍ ଏହି ପୋଷ୍ଟକୁ ବିସ୍ତୃତ ଭାବରେ ଯାଞ୍ଚ କରି ମିଥ୍ୟା ବୋଲି ଜାଣି ପାରିଛି। ଏହି ଫଟୋ 13 ସେପ୍ଟେମ୍ବର 2010 ରେ ସହିଦ ହୋଇଥିବା ସୁନୀଲ ଶେରାନଙ୍କ ନୁହେଁ, ବରଂ ଏହା ପାଲେଷ୍ଟାଇନର ଏକ ଚଳଚ୍ଚିତ୍ର “ମମଲାକତ ଅଲ-ନାମଲ (ଦ କିଙ୍ଗଡମ୍ ଅଫ୍ ଆଣ୍ଟସ୍)”ର ଅଟେ। ମିଥ୍ୟା ଦାବି ସହ ପୋଷ୍ଟଟି ସେୟାର କରାଯାଉଛି।
ଭାଇରାଲ୍ ହେଉଛି କଣ?
ଭାଇରାଲ ପୋଷ୍ଟକୁ ସେୟାର କରି ଫେସବୁକ ପେଜ୍ “ଢାଂଡା ଖାପ” ଲେଖିଛନ୍ତି, 13 ସେପ୍ଟେମ୍ବରରେ ଜାଠ ସଂରକ୍ଷଣ ଆନ୍ଦୋଳନରେ ଜାଠ ସମ୍ପ୍ରଦାୟ ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ଦଶମ ଶ୍ରେଣୀର ଛାତ୍ର ସୁନୀଲ ଶୋରାନ ଭାଇଙ୍କୁ ବିନମ୍ର ପ୍ରଣାମ, ବିଜେପି ମୁରାଦାବାଦ “
ପୋଷ୍ଟ ଏବଂ ଏହାର ଆର୍କାଇଭ୍ଡ ସଂସ୍କରଣ ଏଠାରେ ଦେଖନ୍ତୁ।
ସୋସିଆଲ ମିଡିଆରେ ଅନ୍ୟ ଉପଭୋକ୍ତାମାନେ ମଧ୍ୟ ଏହି ପୋଷ୍ଟକୁ ସମାନ ଏବଂ ଏକାଭଳି ଦାବି ସହିତ ସେୟାର କରିଛନ୍ତି।
ଅନୁସନ୍ଧାନ
ଭାଇରାଲ୍ ପୋଷ୍ଟର ସତ୍ୟତା ଜାଣିବା ପାଇଁ ବିଶ୍ୱାସ ନ୍ୟୁଜ୍ ୟାଣ୍ଡେକ୍ସ ଟୁଲ୍ ବ୍ୟବହାର କରିଥିଲା। ଭାଇରାଲ୍ ଫଟୋର ସ୍କ୍ରିନସଟ୍କୁ ଆମେ ୟାଣ୍ଡେକ୍ସ ଟୁଲ୍ରେ ରଖିଲୁ ଏବଂ ଆମକୁ ଅନେକଗୁଡ଼ିଏ ପରିଣାମ ମିଳିଲା। 27 ନଭେମ୍ବର 2015 ରେ وقي الماجري ନାମକ ୟୁଟ୍ୟୁବ୍ ଚ୍ୟାନେଲରେ ଅପଲୋଡ୍ ହୋଇଥିବା ଏକ ଭିଡିଓ ମିଳିଲା। ଭିଡିଓଟି “କିଙ୍ଗଡମ୍ ଅଫ୍ ଆଣ୍ଟସ୍- يلم مملكه النمل” କ୍ୟାପସନ୍ ସହିତ ଅପଲୋଡ୍ ହୋଇଛି। ଭିଡିଓରେ 3 ମିନିଟ 38 ସେକେଣ୍ଡରୁ ଆରମ୍ଭ କରି 3 ମିନିଟ 40 ସେକେଣ୍ଡ ଭିତରେ ଭାଇରାଲ ପୋଷ୍ଟକୁ ଦେଖିବାକୁ ମିଳିଲା। ଏଠାରେ ସମ୍ପୂର୍ଣ୍ଣ ଭିଡିଓ ଦେଖନ୍ତୁ।
ଏଠାରୁ, ଆମେ ଆମର ଅନୁସନ୍ଧାନ ଆଗକୁ ନେବା ସମୟରେ କିଛି କୀ ୱର୍ଡ ଦେଇ ୟୁଟ୍ୟୁବରେ ଅଧିକ ଖୋଜିଲୁ, ତାପରେ ଆମେ الشباب العربي ନାମକ ୟୁଟ୍ୟୁବ୍ ଚ୍ୟାନେଲ୍ରେ 10 ଏପ୍ରିଲ 2016 ରେ ଅପଲୋଡ୍ ହୋଇଥିବା ଏହି ଚଳଚ୍ଚିତ୍ରର 1:15: 04 ରୁ 1:15:46 ଭିତରେ ଭାଇରାଲ୍ ହେଉଥିବା ପୋଷ୍ଟର ଫଟୋ ଦେଖିବାକୁ ପାଇଲୁ। ଭିଡିଓକୁ ଏଠାରେ ଦେଖାଯାଇପାରିବ।
ଆମର ଏପର୍ଯ୍ୟନ୍ତ କରାଯାଇଥିବା ଅନୁସନ୍ଧାନ ପ୍ରମାଣିତ କରିଛି ଯେ ଭାଇରାଲ୍ ଫଟୋ ହେଉଛି ମମଲାକତ୍ ଅଲ୍-ନାମଲ୍ (ଦ କିଙ୍ଗଡମ୍ ଅଫ୍ ଆଣ୍ଟସ୍) ଚଳଚ୍ଚିତ୍ରର ଏକ ଦୃଶ୍ୟ, ଯାହାକୁ ଚକ୍ ମେଜ୍ରି ନିର୍ଦ୍ଦେଶନା ଦେଇଥିଲେ। ଏବେ ଆମେ ଜାଣିବାର ଥିଲା ଯେ ଶହୀଦ ସୁନୀଲ ଶୋରାନ୍ କିଏ, ଯାହାଙ୍କ ନାମରେ ଏହି ଫଟୋ ସୋସିଆଲ ମିଡିଆରେ ଭାଇରାଲ୍ ହେଉଛି? ଏଥିପାଇଁ ଯେତେବେଳେ ଆମେ ଗୁଗୁଲରେ କିଛି କୀ ୱର୍ଡ ଦେଇ ସର୍ଚ୍ଚ କଲୁ, ଆମେ ହିସାରର ମାୟଡ଼ ଆନ୍ଦୋଳନରେ ନିହତ ହୋଇଥିବା ସୁନୀଲ ଶୋରାନଙ୍କ ଅସଲି ଫଟୋ ପାଇଲୁ। 14 ସେପ୍ଟେମ୍ବର 2018 ରେ ଆକ୍ସନ୍ ଇଣ୍ଡିଆ ନାମକ ୟୁଟ୍ୟୁବ୍ ଚ୍ୟାନେଲରେ ଏକ ଭିଡିଓ ଅପଲୋଡ୍ ହୋଇଥିଲା। ଏହି ଭିଡିଓରେ କ୍ୟାପସନରେ ଲେଖାଯାଇଛି, “ଗୋହାନାରେ ଅଖିଲ ଭାରତୀୟ ଜାଠ ସଂଘର୍ଷ ସମିତି ଲାଠ ଗ୍ରାମରେ ମୃତ ସୁନୀଲ ଶୋରାନଙ୍କୁ ଜଣେ ଶହୀଦର ସମ୍ମାନ ଦେଇଛି। 13 ସେପ୍ଟେମ୍ବର 2010 ରେ ହିସାରର ମାୟାଡରେ ଆନ୍ଦୋଳନ ସମୟରେ ନିହତ ହୋଇଛନ୍ତି ସୁନୀଲ ଶୋରାନ୍। ଭିଡିଓରେ ଶହୀଦ ସୁନୀଲ ଶୋରାନଙ୍କ ପ୍ରକୃତ ଫଟୋ ଦେଖିବାକୁ ମିଳିବ।
ଅଧିକ ଅନୁସନ୍ଧାନ କରିବା ପରେ, ଆମେ 13 ସେପ୍ଟେମ୍ବର 2020 ରେ Jat cmpny ନାମକ ଏକ ଫେସବୁକ୍ ପେଜ୍ରେ ସେୟାର ହୋଇଥିବା ଏକ ପୋଷ୍ଟରେ ସୁନୀଲ ଶୋରାନଙ୍କ ସେହି ଏକା ଫଟୋ ପାଇଲୁ। ଫଟୋ ସେୟାର କରି ଲେଖାଯାଇଥିଲା, “13 ସେପ୍ଟେମ୍ବର 2010 ରେ, ସୁନୀଲ ଶୋରାନ ଜାଠ ସଂରକ୍ଷଣ ଆନ୍ଦୋଳନରେ ପ୍ରଥମେ ଶହୀଦ ହୋଇଥିଲେ। ସେଥିପାଇଁ ଆମେ ଏହି ଦିନକୁ ଜାଠ ଶହୀଦ ଦିବସ ଭାବରେ ପାଳନ କରୁଛୁ, ଆଜି ହେଉଛି 13 ସେପ୍ଟେମ୍ବର, ତେଣୁ ଆମେ ଜାଠ ସୁନୀଲ ଶୋରାନଙ୍କୁ ବିନମ୍ର ଶ୍ରଦ୍ଧାଞ୍ଜଳି ଅର୍ପଣ କରୁଛୁ। ଜୟ ହିନ୍ଦ, ଜୟ ଜାଠ “
ଆମର ଅନୁସନ୍ଧାନରେ ଏହା ସ୍ପଷ୍ଟ ହୋଇଛି ଯେ ଭାଇରାଲ ଫଟୋ ଶହୀଦ ସୁନୀଲ ଶୋରାନଙ୍କ ନୁହେଁ, ବରଂ ଏକ ଚଳଚ୍ଚିତ୍ରର ଦୃଶ୍ୟ।
ଅଧିକ ସୂଚନା ପାଇଁ ବିଶ୍ୱାସ ନ୍ୟୁଜ୍ ଆମ ସହକର୍ମୀ ଦୈନିକ ଜାଗରଣର ହିସାର ସାମ୍ବାଦିକ ମନୋଜ କୌଶିକଙ୍କ ସହ ଯୋଗାଯୋଗ କରିଥିଲା। ସେ ଆମକୁ କହିଛନ୍ତି ଯେ ଭାଇରାଲ ହେଉଥିବା ଫଟୋ ସୁନୀଲ ଶୋରାନଙ୍କର ନୁହେଁ। ଏହା ଏକ ନକଲି ଫଟୋ। ଏହି ପୋଷ୍ଟ ପୂର୍ବରୁ ମଧ୍ୟ ଭାଇରାଲ ହୋଇଥିଲା। ସେ ଆମକୁ କହିଥିଲେ ଯେ ହିସାରର ଲାଡୱା ଗାଁର ସୁନୀଲ ଶୋରାନ 13 ସେପ୍ଟେମ୍ବର 2010 ରେ ଜାଠ ସଂରକ୍ଷଣ ଆନ୍ଦୋଳନ ସମୟରେ ମାୟାଡ ଗ୍ରାମରେ ପୋଲିସ ଗୁଳିର ଶିକାର ହୋଇଥିଲେ। ଫଟୋରେ ଦେଖାଯାଇଥିବା ବାଳକ ସୁନୀଲ ଶେରାନ୍ ନୁହଁନ୍ତି |
ଅନୁସନ୍ଧାନ ଶେଷରେ, ଆମେ ଫେସବୁକରେ ଏହି ପୋଷ୍ଟ ସେୟାର କରିଥିବା ସେହି ପେଜ୍ର ଯାଞ୍ଚ କରିଥିଲୁ। ଆମେ ଜାଣିବାକୁ ପାଇଲୁ ଯେ 7.2 ହଜାର ଲୋକ ଏହି ଫେସବୁକ ପେଜକୁ ଫଲୋ କରୁଛନ୍ତି। ଏହି ପେଜ୍ 28 ଡିସେମ୍ବର 2020 ରେ କ୍ରିଏଟ୍ କରାଯାଇଥିଲା।
निष्कर्ष: ନିଷ୍କର୍ଷ: ବିଶ୍ୱାସ ନ୍ୟୁଜ୍ ଅନୁସନ୍ଧାନରେ ଭାଇରାଲ୍ ପୋଷ୍ଟ ବିଭ୍ରାନ୍ତିକର ପ୍ରମାଣିତ ହୋଇଛି। ଜାଠ ସଂରକ୍ଷଣ ଆନ୍ଦୋଳନରେ ସହିଦ ହୋଇଥିବା ସୁନୀଲ ଶୋରାନଙ୍କ ସହ ଭାଇରାଲ ଚିତ୍ରର କୌଣସି ସମ୍ପର୍କ ନାହିଁ। ଭାଇରାଲ୍ ଫଟୋ ହେଉଛି ପାଲେଷ୍ଟାଇନର ଏକ ଚଳଚ୍ଚିତ୍ରର ସ୍କ୍ରିନସଟ୍।
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
