ଫ୍ୟାକ୍ଟ ଚେକ୍: ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ନିକଟରେ କାନପୁର ଗସ୍ତର ଚିତ୍ର ଆପତ୍ତିଜନକ ଦାବି ସହିତ ଭାଇରାଲ ହୋଇଛି

ବିଶ୍ୱାସ ନ୍ୟୁଜ୍ (ନୂଆଦିଲ୍ଲୀ)। ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ଏକ ଚିତ୍ର ଆପତ୍ତିଜନକ ଦାବି ସହ ସୋସିଆଲ ମିଡିଆରେ ସେୟାର କରାଯାଉଛି। ଏହି ଚିତ୍ରରେ ଉତ୍ତରପ୍ରଦେଶ ରାଜ୍ୟପାଳ ଆନନ୍ଦିବେନ୍ ପଟେଲ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଷ୍ଟ୍ରପତି କୋବିନ୍ଦଙ୍କ ସହ ଉପସ୍ଥିତ ଅଛନ୍ତି। ଚିତ୍ରରେ ଦେଖାଯାଇଥିବା ରାଷ୍ଟ୍ରପତି କୋବିନ୍ଦଙ୍କ ଶାରୀରିକ ଅଙ୍ଗଭଙ୍ଗୀକୁ ଏକ ମିଥ୍ୟା ଜାତିଆଣ ଭେଦଭାବର ଦୃଷ୍ଟିକୋଣ ଦେଇ ଭାଇରାଲ କରାଯାଉଛି। ବିଶ୍ୱାସ ନ୍ୟୁଜ୍ ଅନୁସନ୍ଧାନରୁ ଜଣାପଡିଛି ଯେ ତାଙ୍କ ନିକଟରେ ହୋଇଥିବା ଗସ୍ତ ସମୟରେ ରାଷ୍ଟ୍ରପତି କୋବିନ୍ଦ ଭାବପ୍ରବଣ ହୋଇ ନିଜ ଜନ୍ମସ୍ଥାନର ମାଟିକୁ କପାଳରେ ଲଗାଇଥିଲେ। ରାଷ୍ଟ୍ରପତିଙ୍କ ଏହି ଭାବପ୍ରବଣତାକୁ ଏକ ମିଥ୍ୟା ଜାତିବାଦୀ ଦୃଷ୍ଟିକୋଣରୁ ଭାଇରାଲ କରାଯାଉଛି।

କଣ ଭାଇରାଲ୍ ହେଉଛି

ଫେସବୁକ୍ ବ୍ୟବହାରକାରୀ ରାମବାବୁ ରାସ୍ତୋଗୀ 27 ଜୁନ୍ 2021 ରେ ଭାଇରାଲ୍ ଛବି ପୋଷ୍ଟ କରି ଲେଖିଛନ୍ତି, ‘ସେମିତି ତ ଆମେ ମାନ୍ୟବରଙ୍କ ବିଷୟରେ କହିବା ଉଚିତ୍ ନୁହେଁ, କିନ୍ତୁ ଗାଁରେ ଦଲିତମାନଙ୍କୁ ଆମେ ଠାକୁର ସାହେବଙ୍କ ସମ୍ମୁଖରେ ଏମିତି ନତମସ୍ତକ ହୋଇ ଯିବାର ଦେଖିଛନ୍ତି। ଦଳିତ ସର୍ବୋଚ୍ଚ ପଦବୀରେ ଆସୀନ ହେବା ପରେ ଅନ୍ତତଃପକ୍ଷେ ପଦବୀର ସମ୍ମାନ ରକ୍ଷା କରିବା ଉଚିତ।’ ଫ୍ୟକ୍ଟ ଚେକ୍ ଉଦ୍ଦେଶ୍ୟରେ, ଏହି ପୋଷ୍ଟରେ ଲେଖାଯାଇଥିବା ତଥ୍ୟଗୁଡିକ ଏଠାରେ ଅବିକଳ ଉପସ୍ଥାପିତ କରାଯାଇଛି। ଏହି ପୋଷ୍ଟର ଆର୍କାଇଭ୍ଡ ସଂସ୍କରଣ ଏଠାରେ କ୍ଲିକ୍ କରି ଦେଖାଯାଇପାରିବ।

ଫେସବୁକ ବ୍ୟବହାରକାରୀ ସଞ୍ଜୀବ ମିଶ୍ର ଏବଂ ମନୋଜ ଗଲବ ମଧ୍ୟ ଭାଇରାଲ ଚିତ୍ର ସହିତ ସମାନ ଦାବି କରି ସେୟାର୍ କରିଛନ୍ତି।

ଅନୁସନ୍ଧାନ

ବିଶ୍ୱାସ ନ୍ୟୁଜ୍ ପ୍ରଥମେ ଭାଇରାଲ୍ ଫଟୋ ଏବଂ ପୋଷ୍ଟକୁ ଧ୍ୟାନପୂର୍ବକ ଦେଖିଲା। ଭାଇରାଲ ଫଟୋରେ ରାଷ୍ଟ୍ରପତି ନତମସ୍ତକ ହୋଇ କପାଳରେ ହାତ ରଖିଛନ୍ତି। ଫଟୋରେ ଉତ୍ତରପ୍ରଦେଶ ମୁଖ୍ୟାମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ରାଜ୍ୟପାଳ ଆନନ୍ଦିବେନ୍ ପଟେଲ ମଧ୍ୟ ଅଛନ୍ତି। ଭାଇରାଲ୍ ପୋଷ୍ଟରେ କିଛି ଉପଭୋକ୍ତା ନିଜର ମନ୍ତବ୍ୟରେ କହିଛନ୍ତି ଯେ ରାଷ୍ଟ୍ରପତି ନିଜ ମାତୃଭୂମିକୁ ପ୍ରଣାମ କରୁଛନ୍ତି।

ବିଶ୍ୱାସ ନ୍ୟୁଜ୍ ପ୍ରଥମେ ଗୁଗୁଲ୍ ରିଭର୍ସ ଇମେଜ୍ ସର୍ଚ୍ଚ ଟୁଲ୍ ବ୍ୟବହାର କରି ଭାଇରାଲ୍ ଇମେଜ୍ ସହିତ କରାଯାଇଥିବା ଦାବିର ଅନୁସନ୍ଧାନ କରିଥିଲା। ଇଣ୍ଟରନେଟ୍ରେ ଏହି ଫଟୋ ସହ ମେଳ ହେଉଥିବା ଅନେକ ପରିଣାମ ଆମକୁ ମିଳିଲା। ଆମେ 27 ଜୁନ୍ 2021 ରେ ପ୍ରକାଶିତ ଆଉଟଲୁକ୍ର ଏକ ରିପୋର୍ଟ ପାଇଲୁ। ଏହି ରିପୋର୍ଟରେ ଭାଇରାଲ୍ ଫଟୋ ବ୍ୟବହାର କରାଯାଇଛି। ଏହି ଫଟୋର କ୍ୟାପସନରେ ଲେଖାଯାଇଥିଲା ଯେ ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କ ଗାଁ ନିକଟସ୍ଥ ହେଲିପ୍ୟାଡ୍ରେ ଅବତରଣ କରିବା ପରେ ଭାବବିହ୍ୱୋଳ ହୋଇ ପଡ଼ିଥିଲେ ଏବଂ ଆଣ୍ଠୁମାଡି ଜନ୍ମସ୍ଥାନର ମାଟିକୁ ତାଙ୍କ କପାଳରେ ଲଗାଇଥିଲେ। ରିପୋର୍ଟ ଅନୁଯାୟୀ, ରାଷ୍ଟ୍ରପତି ହେବା ପରେ ପ୍ରଥମ ଥର ପାଇଁ ସେ ତାଙ୍କ ଗାଁ ଗସ୍ତରେ ଆସିଥିଲେ। ଏହି ରିପୋର୍ଟ ଏଠାରେ କ୍ଲିକ୍ କରି ଦେଖାଯାଇପାରିବ |

ଜୁନ୍ 27 ରେ ଏବିପି ନ୍ୟୁଜ୍ ୱେବସାଇଟରେ ପ୍ରକାଶିତ ଫଟୋ ଗ୍ୟାଲେରୀରେ ମଧ୍ୟ ଆମେ ଏହି ଫଟୋ ପାଇଲୁ। ଏଠାରେ ମଧ୍ୟ କୁହାଯାଇଥିଲା ଯେ ରାଷ୍ଟ୍ରପତି ମାତୃଭୂମିର ମାଟି ତାଙ୍କ କପାଳରେ ଲଗାଉଛନ୍ତି। ଏଏନ୍ଆଇର ୱେବସାଇଟରେ ଥିବା ରିପୋର୍ଟରେ ମଧ୍ୟ ଫଟୋ ସହିତ ସମାନ ସୂଚନା ଦିଆଯାଇଛି। ରାଷ୍ଟ୍ରପତିଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ମଧ୍ୟ ଆମେ ଏହି ଫଟୋ ପାଇଲୁ। ଏଠାରେ କୁହାଯାଇଛି ଯେ ନିଜ ଗାଁ ପରୌଖ ନିକଟସ୍ଥ ହେଲିପ୍ୟାଡ୍ରେ ଅବତରଣ କରିବା ପରେ ରାଷ୍ଟ୍ରପତି ଭାବପ୍ରବଣ ହୋଇ ଜନ୍ମସ୍ଥାନକୁ ଅଭିବାଦନ ଜଣାଇବା ସହ ନଇଁ ପଡ଼ି ନିଜ ମଥାରେ ଜନ୍ମମାଟି ଲଗାଇଥିଲେ। ଏହି ଟ୍ୱିଟ୍ ନିମ୍ନରେ ଦେଖା ଯାଇପାରିବ।

ବିଶ୍ୱାସ ନ୍ୟୁଜ୍ ଏହାର ଅନୁସନ୍ଧାନକୁ ଆଗକୁ ବଢ଼ାଇ କାନପୁର ମେୟର ପ୍ରମିଳା ଦୀକ୍ଷିତଙ୍କ ସହ ସେୟାର କରିଥିଲା। ସେ କହିଲେ ଯେ ରାଷ୍ଟ୍ରପତିଙ୍କ କାନପୁର ଗସ୍ତ ପରେ ତାଙ୍କର ଭାବପ୍ରବଣ ହେବାର ଏହି ଦୃଶ୍ୟକୁ ବହୁତ ପ୍ରଶଂସା କରାଯାଇଛି। ସେ କହିଛନ୍ତି ଯେ ରାଷ୍ଟ୍ରପତି ତାଙ୍କ ଜନ୍ମସ୍ଥାନର ମାଟିକୁ ନିଜ କପାଳରେ ଲଗାଉଛନ୍ତି ଏବଂ ଏହାକୁ ଭୁଲ୍ ଉପାୟରେ ଉପସ୍ଥାପନ କରିବା ଆଦୌ ଠିକ୍ ନୁହେଁ।

ଅନୁସନ୍ଧାନବେଳେ ଆମେ ଉତ୍ତରପ୍ରଦେଶ ରାଜ୍ୟ ନିର୍ବାଚନ ଆୟୋଗର ୱେବସାଇଟରେ କାନପୁର ଅନ୍ତର୍ଗତ ପରୌଖ ଗାଁର ପୂର୍ବତନ ମୁଖ୍ୟ ଚନ୍ଦ୍ରକଲି ଏବଂ ଗାଁର ମୁଖିଆ ବଲୱାନ ସିଂଙ୍କ ନମ୍ବର ପାଇଲୁ। ଭାଇରାଲ୍ ଫଟୋ ବିଷୟରେ ଆମେ ବଲୱାନ୍ ସିଂଙ୍କ ସହ କଥା ହୋଇଥିଲୁ। ପୂର୍ବତନ ମୁଖିଆ କହିଥିଲେ ଯେ ସେ ନିଜେ ରାଷ୍ଟ୍ରପତିଙ୍କ କାର୍ଯ୍ୟକ୍ରମରେ ଉପସ୍ଥିତ ଥିଲେ ଏବଂ ରାଷ୍ଟ୍ରପତି ପ୍ରଣାମ କରି ଜନ୍ମସ୍ଥାନର ମାଟି ନିଜ କପାଳରେ ଲଗାଇଥିଲେ।

ଏହି ଭାଇରାଲ୍ ଦାବି ସେୟାର କରିଥିବା ବିଶ୍ୱାସ ନ୍ୟୁଜ୍ ଫେସବୁକ୍ ବ୍ୟବହାରକାରୀ ରାମବାବୁ ରାସ୍ତୋଗୀଙ୍କ ପ୍ରୋଫାଇଲ୍ ସ୍କାନ୍ କରିଥିଲା। ବ୍ୟବହାରକାରୀ ଜଣକ ଲକ୍ଷ୍ନୌର ବାସିନ୍ଦା ଏବଂ ଏକ ନିର୍ଦ୍ଦିଷ୍ଟ ପାର୍ଟି ସହିତ ଜଡ଼ିତ ଅଛନ୍ତି। ଫ୍ୟାକ୍ଟ ଚେକ୍ କରାଯିବା ବେଳକୁ ଏହି ପ୍ରୋଫାଇଲର 988 ଫଲୋଅର୍ସ ଥିଲେ।