Fact Check: ଜବାହର ଲାଲ ନେହେରୁ ‘ଦୁର୍ଭାଗ୍ୟବଶତଃ ହିନ୍ଦୁ’ ଭଳି କୌଣସି ବୟାନ ଦେଇନଥିଲେ, ମିଥ୍ୟା ଦାବି ଭାଇରାଲ ହେଉଛି
ବିଶ୍ୱାସ ନ୍ୟୁଜ ମଧ୍ୟ ଏହି ପୋଷ୍ଟର ଅନୁସନ୍ଧାନ କରିଥିଲା। ଏହି ଦାବି ନକଲି ବୋଲି ପ୍ରମାଣିତ ହୋଇଛି। ପ୍ରକୃତରେ, ରିପୋର୍ଟ ଅନୁଯାୟୀ, ନେହେରୁଙ୍କ ପାଇଁ ହିନ୍ଦୁ ମହାସଭାର ନେତା ଏନ.ବି ଖେର ଭାଇରାଲ ବିବୃତ୍ତି ଦେଇଥିଲେ ଏବଂ ନେହେରୁ ନିଜେ ଏହା କେବେ କହି ନାହାଁନ୍ତି।
- By: Pallavi Mishra
- Published: Nov 18, 2024 at 01:42 PM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ) ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ବିଷୟରେ ଏକ ପୋଷ୍ଟ ପୁଣି ଭାଇରାଲ ହେବାରେ ଲାଗିଛି ଯେଉଁଥିରେ ଦାବି କରାଯାଇଛି ଯେ ଜବାହରଲାଲ ନେହେରୁ କହିଥିଲେ ଯେ ସେ ଶିକ୍ଷା ଦ୍ୱାରା ଖ୍ରୀଷ୍ଟିଆନ, ସଂସ୍କୃତି ଦ୍ୱାରା ମୁସଲମାନ ଏବଂ ଦୁର୍ଭାଗ୍ୟବଶତଃ ଜଣେ ହିନ୍ଦୁ।
ବିଶ୍ୱାସ ନ୍ୟୁଜ ମଧ୍ୟ ଏହି ପୋଷ୍ଟର ଅନୁସନ୍ଧାନ କରିଥିଲା। ଏହି ଦାବି ନକଲି ବୋଲି ପ୍ରମାଣିତ ହୋଇଛି। ପ୍ରକୃତରେ, ରିପୋର୍ଟ ଅନୁଯାୟୀ, ନେହେରୁଙ୍କ ପାଇଁ ହିନ୍ଦୁ ମହାସଭାର ନେତା ଏନ.ବି ଖେର ଭାଇରାଲ ବିବୃତ୍ତି ଦେଇଥିଲେ ଏବଂ ନେହେରୁ ନିଜେ ଏହା କେବେ କହି ନାହାଁନ୍ତି।
ଭାଇରାଲ୍ କ’ଣ ହେଉଛି?
ଫେସବୁକ ୟୁଜର ଜାଗୋ ହିନ୍ଦୁସ୍ତାନ 11 ନଭେମ୍ବର 2024 ରେ ଭାଇରାଲ ପୋଷ୍ଟ ସେୟାର କରିଥିଲେ। ଏହା ଲେଖାଯାଇଥିଲା… ମୁଁ ଶିକ୍ଷା ଦ୍ୱାରା ଖ୍ରୀଷ୍ଟିଆନ, ସଂସ୍କୃତି ଦ୍ୱାରା ମୁସଲମାନ, ଦୁର୍ଭାଗ୍ୟବଶତଃ ହିନ୍ଦୁ। – ଜବାହରଲାଲ ନେହେରୁ “
ଭାଇରାଲ୍ ପୋଷ୍ଟର ଆର୍କାଇଭ୍ ସଂସ୍କରଣ ଏଠାରେ ଦେଖନ୍ତୁ |
ଅନୁସନ୍ଧାନ
ବିଶ୍ୱାସ ନ୍ୟୁଜ ପୂର୍ବରୁ ମଧ୍ୟ ଏହି ଦାବିକୁ ଯାଞ୍ଚ କରିଥିଲା। ସେହି ସମୟରେ, ସନ୍ଧାନ କରିବା ପରେ, ଆମେ ଡେକାନ୍ କ୍ରୋନିକଲ୍ ଖବରକାଗଜର ହାଇଦ୍ରାବାଦ ସଂସ୍କରଣର ଏକ କପି ପାଇଲୁ, ଯେଉଁଥିରେ ନେହେରୁଙ୍କୁ ଦର୍ଶାଇ ଏହି ବିବୃତ୍ତି ନଭେମ୍ବର 18, 2018 ରେ ପ୍ରକାଶିତ ହୋଇଥିଲା।
ଏହି ଅନୁସନ୍ଧାନ ସମୟରେ, ଆମକୁ 25 ନଭେମ୍ବର 2018 ରେ ଡେକାନ୍ କ୍ରୋନିକଲରେ ପ୍ରକାଶିତ ଏକ ଖବରର ଏକ କରେକ୍ସନ କପି ମିଳିଥିଲା, ଯେଉଁଥିରେ ଲେଖାଥିଲା – ENGLISH DELETED ହିନ୍ଦୀ: “ମୁଁ… କେବଳ ଦୁର୍ଭାଗ୍ୟବଶତଃ ଜନ୍ମରୁ ଜଣେ ହିନ୍ଦୁ”, ଏହି ବୟାନଟି ଭୁଲ ବଶତଃ ଜବାହରଲାଲ ନେହେରୁଙ୍କ ବୟାନ ଦର୍ଶାଇ 18 ନଭେମ୍ବରରେ ପ୍ରକାଶିତ ହୋଇଯାଇଥିଲା | ଏହି ବୟାନଟି ପ୍ରକୃତରେ ହିନ୍ଦୁ ମହାସଭାର ନେତା ଏନ.ବି ଖେରଙ୍କର ଥିଲା, ଯାହା ସେ 1959 ରେ ଦେଇଥିଲେ। ଏହି ତ୍ରୁଟି ପାଇଁ ଆମେ ଗଭୀର ଦୁଃଖିତ ” Deccan Chronicle ର ସ୍ପଷ୍ଟୀକରଣ ଏବଂ କ୍ଷମା ପ୍ରାର୍ଥନାର ଉଦ୍ଧୃତି ନିମ୍ନରେ ଦେଖିବାକୁ ମିଳେ |
ଏହି ଅନୁସନ୍ଧାନ ସମୟରେ, ଆମକୁ ଇତିହାସକାର ବାଲ ରାମ ନନ୍ଦାଙ୍କ ପୁସ୍ତକ ‘ନେହେରୁ: ମୋତିଲାଲ ଏବଂ ଜବାହରଲାଲ’ରେ ସେହି ଭାଇରାଲ ବୟାନ ବିଷୟରେ ଉଲ୍ଲେଖ ଥିବାର ମିଳିଥିଲା । ନନ୍ଦାଙ୍କ ଅନୁଯାୟୀ, ହିନ୍ଦୁ ମହାସଭାର ନେତା ଏନ.ବି ଖରେ ନେହେରୁଙ୍କୁ ‘ଶିକ୍ଷା ଦ୍ୱାରା ଖ୍ରୀଷ୍ଟିଆନ, ସଂସ୍କୃତି ଦ୍ୱାରା ମୁସଲମାନ, ଦୁର୍ଭାଗ୍ୟବଶତଃ ହିନ୍ଦୁ’ ବୋଲି ବର୍ଣ୍ଣନା କରିଛନ୍ତି।
ଏହି ପରିପ୍ରେକ୍ଷୀରେ, ଶଶି ଥରୁରଙ୍କ ପୁସ୍ତକ Nehru: The Invention of India ରେ ମଧ୍ୟ ଏହି ବୟାନ ଉଲ୍ଲେଖ କରାଯାଇଛି ଏବଂ ନେହେରୁଙ୍କ ଭାବମୂର୍ତ୍ତିକୁ ଅପବିତ୍ର କରିବା ପାଇଁ ଏନବି ଖେର ଏହି ବୟାନ ଦେଇଛନ୍ତି ବୋଲି କୁହାଯାଇଛି।
ଆମେ ଏହି ବିଷୟରେ ଜବାହରଲାଲ ନେହେରୁଙ୍କ ଉପରେ ଏକ ପୁସ୍ତକ ଲେଖିଥିବା ବରିଷ୍ଠ ସାମ୍ବାଦିକ ପୀୟୁଷ ବାବିଲଙ୍କ ସହ ଯୋଗାଯୋଗ କରିଛୁ। ସେ କହିଛନ୍ତି, “ଏହି ବୟାନ ଜବାହରଲାଲ ନେହେରୁ ଦେଇନାହାଁନ୍ତି। ଏନବି ଖେର ଦେଇଥିବା ବୟାନ କୁ ଏକ ମିଥ୍ୟା ଢଙ୍ଗରେ ଉପସ୍ଥାପନ କରାଯାଉଛି।
ଆମେ ଏହି ବିଷୟରେ ଜବାହରଲାଲ ନେହେରୁ ବିଶ୍ୱବିଦ୍ୟାଳୟର ଐତିହାସିକ ଅଧ୍ୟୟନର ପୂର୍ବତନ ଅଧ୍ୟକ୍ଷ ତଥା ନେହେରୁ ମେମୋରିଆଲ ସଂଗ୍ରହାଳୟ ଏବଂ ଲାଇବ୍ରେରୀର ପୂର୍ବତନ ନିର୍ଦ୍ଦେଶକ ମ୍ରିଦୁଲା ମୁଖାର୍ଜୀଙ୍କ ସହ ମଧ୍ୟ ଯୋଗାଯୋଗ କରିଛୁ। ସେ କହିଥିଲେ, “ଏହି ଜିନିଷ ଏନବି ଖେର କହିଥିଲେ। ”
ଭାଇରାଲ ଦାବି ଜାଗୋ ହିନ୍ଦୁସ୍ତାନୀ ନାମକ ଜଣେ ଫେସବୁକ ୟୁଜରଙ୍କ ଦ୍ୱାରା ସେୟାର କରାଯାଇଥିଲା। ଏହି ପୃଷ୍ଠାର 100 ଜଣ ଅନୁସରଣକାରୀ ଅଛନ୍ତି |
ସିଦ୍ଧାନ୍ତ:ବିଶ୍ୱାସ ନ୍ୟୁଜ ଅନୁସନ୍ଧାନରେ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ନାମରେ ଭାଇରାଲ ହୋଇଥିବା ବୟାନ ନକଲି ବୋଲି ଜଣାପଡିଛି। ରିପୋର୍ଟ ଏବଂ ବିଶେଷଜ୍ଞଙ୍କ ଅନୁଯାୟୀ, ନେହେରୁଙ୍କ ପାଇଁ ହିନ୍ଦୁ ମହାସଭାର ନେତା ଏନ.ବି ଖେର ଭାଇରାଲ ବୟାନ ଦେଇଥିଲେ ଏବଂ ନେହେରୁ ଏହା କେବେ କହି ନାହାଁନ୍ତି।
- Claim Review : ଜବାହରଲାଲ ନେହେରୁ କହିଥିଲେ ଯେ ସେ ଶିକ୍ଷା ଦ୍ୱାରା ଖ୍ରୀଷ୍ଟିଆନ, ସଂସ୍କୃତି ଦ୍ୱାରା ମୁସଲମାନ ଏବଂ ଦୁର୍ଭାଗ୍ୟ ଦ୍ୱାରା ଜଣେ ହିନ୍ଦୁ।
- Claimed By : Facebook User ଜାଗୋ ହିନ୍ଦୁସ୍ତାନୀ |
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
