ତଥ୍ୟ ଯାଞ୍ଚ : ଲୋକମାନେ ନମାଜ ପଢୁଥିବାର ଏହି ଫୋଟୋ 2018 ର, ଏହାର ଲକ୍ ଡାଉନ୍ ସହ କୌଣସି ସଂଯୋଗ ନାହିଁ ।

ନୂଆଦିଲ୍ଲୀ (ବିଶ୍ବାସ ନ୍ୟୁଜ୍)  । ସୋସିଆଲ୍ ମିଡିଆରେ ଗୋଟିଏ ଫୋଟୋ ଭାଇରାଲ୍ ହେଉଛି ଯେଉଁଥିରେ ଲୋକମାନେ ନମାଜ ପଢ଼ୁଥିବା ଦେଖାଯାଇଛି । ଏହି ଫୋଟୋ ବିଷୟରେ ଗୋଟିଏ ଦାବି କରାଯାଇଛି ଯେ, ବର୍ତ୍ତମାନ ଲକଡାଉନ୍ ଚାଲିଥିବା ବେଳେ ତାମିଲନାଡୁର ଭେଲ୍ଲୋର ଜିଲ୍ଲାରେ ଏହି ଫଟୋ ନିଆଯାଇଛି , ଯେଉଁଠି 700 ଜଣ ବ୍ୟକ୍ତି ସାମାଜିକ ଦୂରତ୍ବ ନୀୟମ ନମାନି ନମାଜ ପଢିଥିଲେ ।

ବିଶ୍ବାସ ନ୍ୟୁଜ୍ ଦ୍ବାରା କରାଯାଇଥିବା ଅନୁସନ୍ଧାନରୁ ଆମେ ଜାଣିବାକୁ ପାଇଥିଲୁ ଯେ, ଏହି ଦାବିଟି ଭୁଲ୍ । ଏହି ଫଟୋ 2018ରେ ନିଆଯାଇଥିଲା , ଯେତେବେଳେ ଉତ୍ତର ପ୍ରଦେଶର ଆଲ୍ଲାହାବାଦ ( ବର୍ତ୍ତମାନର ପ୍ରୟାଗରାଜ)ରେ ରମଜାନ ସମୟରେ ତାରାୱି ନମାଜ ପଢ଼ାଯାଇଥିଲା ।  

ଭାଇରାଲ କଣ ହେଉଛି ?

ଭାଇରାଲ୍ ଫୋଟୋରେ ଦେଖାଯାଇଛି ଯେ କିଛି ଲୋକ ନମାଜ ପଢ଼ୁଛନ୍ତି । ପୋଷ୍ଟରେ ଏହା ଦାବି କରାଯାଇଛି ଯେ, “ ଭେଲ୍ଲୋକ୍ ଜିଲ୍ଲାରେ ଗତ ଦୁଇ ଦିନ ଧରି ତିରୁମାଥୁର୍ ସହରରେ 700 ଜଣ ବ୍ୟକ୍ତି ମଧ୍ୟ ରାତ୍ରିରେ ଜୁମ୍ମା ସସଜିଦ ଷ୍ଟ୍ରିଟ୍ ର ରାସ୍ତା ମଝିରେ ନମାଜ ପଢ଼ୁଛନ୍ତି  । ଉନ୍ ଚାଲିଥିବା ବେଳେ ତାମିଲନାଡୁର ଭେଲ୍ଲୋର ଜିଲ୍ଲାରେ ଏହି ଫଟୋ ନିଆଯାଇଛି , ଯେଉଁଠି 700 ଜଣ ବ୍ୟକ୍ତି ସାମାଜିକ ଦୂରତ୍ବ ନୀୟମ ନମାନି ନମାଜ ପଢିଥିଲେ । ପୋଲିସ ସମ୍ଭ୍ରାନ୍ତ ଶ୍ରେଣୀୟ ବ୍ୟକ୍ତିଙ୍କ ପ୍ରଭାବରେ ରହିଛି ଏବଂ ସେମାନଙ୍କର କୌଣସି ସମସ୍ୟା ନାହିଁ !!! ରାତିରେ ଫଟୋ ନେବା କିମ୍ବା ଭିଡିଓ ରେକର୍ଡ କରିବା ପାଇଁ କୌଣସି ଗାର୍ଡଙ୍କୁ ଅନୁମତି ନାହିଁ । ନିର୍ଦ୍ଦେଶକଙ୍କ ଉଚ୍ଚ ଅଧିକାରୀ ଆଖି ବନ୍ଧ କରିଛନ୍ତି । (ତାମିଲରୁ ଅନୁବାଦିତ ହୋଇଛି)

ଏହି ପୋଷ୍ଟର ଆର୍କାଇଭ୍ ଲିଙ୍କ୍ ଏଠାରେ ଦେଖାଯାଇ ପାରିବ ।

ଅନୁସନ୍ଧାନ

ଭାଇରାଲ ଫୋଟୋର ଉପରେ “ ଆଲାମୀ ଷ୍ଟକ୍ ଇମେଜ୍ ” ମୁଦ୍ରିତ ଥିବା ଦେଖାଯାଇ ପାରିବ । ପୋଷ୍ଟରେ “’ଆଲାମୀ”ର ୱାଟର ମାର୍କ ଅଛି । ଆଲାମୀ ହେଉଛି ଏକ ଘରୋଇ ମାଲିକାନା ଥିବା ବ୍ରିଟିସ ଷ୍ଟକ୍ ଫଟୋଗ୍ରାଫୀ ଏଜେନ୍ସୀ ।

ଏହି ପୋଷ୍ଟକୁ ପୁଷ୍ଟି କରିବା ପାଇଁ, ଆମେ ଫୋଟୋର ଏକ ସ୍କ୍ରିନ୍ ସଟ୍ ନେଇଥିଲୁ ଏବଂ ଗୁଗଲ୍ ରିଭର୍ସ ଇମେ ବ୍ୟବହାର କରିଥିଲୁ ଓ “ଆଲାମୀ ଷ୍ଟକ୍ ଇମେଜ୍” କି ୱାର୍ଡ ବ୍ୟବହାର କରି ଖୋଜିଥିଲୁ । ଆମେ http://www.alamy.comରେ ଏହି ଫୋଟୋ ପାଇଥିଲୁ । ୱେବସାଇଟର୍ ଏହି ଫଟୋ ସହ ଥିବା ଟେକ୍ସଟ୍ ରେ ଉଲ୍ଲେଖ କରାଯାଇଥିଲା, “ ଆଲ୍ଲାହାବାଦ, ଉତ୍ତର ପ୍ରଦେଶ, ଭାରତ । 17 ମେ 2018 । ଆଲ୍ଲାହବାଦ: ରମଜାନ ମାସରେ, ଆଲ୍ଲାହବାଦରେ ମୁସଲିମ୍ ମାନେ ତାରାୱି ନମାଜ ପଢ଼ିଥାନ୍ତି । ଇସଲାମ୍ କ୍ୟାଲେଣ୍ଡରରେ ରମଜାନ ନବମ ମାସରେ ପଡ଼ିଥାଏ , ଏଭଂ ପବିତ୍ର କୋରାନ ଏହି ମାସରେ ପ୍ରକାଶିତ ହୋଇଥିଲା । ମୁସଲିମମାନେ ଏହି ମାସରେ ସୂର୍ଯ୍ୟୋଦୟଠାରୁ ସୂର୍ଯ୍ୟାସ୍ତ ପର୍ଯ୍ୟନ୍ତ ଉପବାସ କରନ୍ତି । କ୍ରେଡିଟ୍ ; ପ୍ରଭାତ କୁମାର ବର୍ମା/ ଜୁମା ୱେୟାର୍/ ଆଲାମୀ ଲାଇଭ୍ ନ୍ୟୁଜ୍ – ଫୋଟୋ ଆଇଡି : MNHC6X”

ଏହାକୁ ନିଶ୍ଚିତ କରିବା ପାଇଁ, ଆମେ ଟ୍ବିଟରରେ ସେହି ଫୋଟୋ କ୍ଲିକ୍ କରିଥିବା ଫଟୋ ଜର୍ଣ୍ଣାଲିଷ୍ଟ୍ ପ୍ରଭାତ କୁମାର ବର୍ମାଙଭ୍କୁ ଯୋଗାଯୋଗ କରିଥିଲୁ ।, “ ମୁଁ ଫୋଟୋ ଉଠାଇଥିଲା । ଏହା 17 ମେ 2018ରେ ଉଠାଯାଇଥିଲା । ପ୍ରୟାଗରାଜରେ କମ୍ପାନୀ ଗାର୍ଡେନ୍ / ଆଜାଦ୍ ଗାର୍ଡେନ୍ ଭିତରେ ଥିବା ଏକ ଦର୍ଘାରେ ତାରାୱି ନମାଜ ପଢ଼ିବା ବେଳେ ଏହି ଫୋଟୋ ନିଆଯାଇଥିଲା ।  ”

ବର୍ତ୍ତମାନ ଆମକୁ ଜାଣିବାର ଥିବା ତାମିଲନାଡୁର ଭେଲ୍ଲୋରରେ ଏଭଳି କିଛି ଘଟଣା ଘଟିଛି କି ନାହିଁ । ଆମ ଅନୁସନ୍ଧାନ ବେଳେ, ଜାମିଲନାଡୁର ତିରୁପୁର ଜିଲ୍ଲାର ପୋଲିଙ୍କ ଦ୍ବାରା ପରିଚାଳିତ ଟ୍ବିଟର ରେ ଥିବା ଏକ ଟ୍ବିଟ୍ ଆମେ  ପାଇଥିଲୁ । ଏହି ଟ୍ବିଟ୍ ରେ କୁହାଯାଇଥିଲା ଯେ ଏହି ଖବର ମିଛ ।   

ସୋସିଆଲ ମିଡିଆରେ ଅନେକ ବ୍ୟକ୍ତି ଏହି ପୋଷ୍ଟ ସେୟାର କରିଛନ୍ତି । ସେମାନଙ୍କ ମଧ୍ୟରୁ ଗୋଟିଏ ହେଉଛି ବିଜେପି କୋଇମ୍ବାଟୁର୍ ଥୋଣ୍ଡାମୁଥୁର୍ ଆସେମ୍ଲୀ ନାମକ ଏକ ଫେସ୍ ବୁକ୍ ପେଜ୍ । ଏହା ପେଜର 47,100 ଫଲୋୟର୍ ଅଛନ୍ତି ।