ସିଦ୍ଧାନ୍ତ: ଡାକ୍ତରଖାନାରେ ହିଂସା ପ୍ରଦର୍ଶନ କରୁଥିବା ଏହି ଛବି ପୁରୁଣା ଏବଂ ଏହାର କୋଭିଡ୍ ଟୀକାକରଣ ସହିତ କୌଣସି ସମ୍ପର୍କ ନାହିଁ । ଭାଇରାଲ୍ ପୋଷ୍ଟ ନକଲି ଅଟେ ।
ନୂଆଦିଲ୍ଲୀ (ବିଶ୍ୱାସ ନ୍ୟୁଜ୍) ସୋସିଆଲ ମିଡିଆରେ ଗୋଟିଏ ଛବି ଭାଇରାଲ ହେଉଛି । ଏହି ଛବି କୋଭିଡ୍ -19 ଟୀକାକରଣ ପରେ ଗୋଟିଏ ଡାକ୍ତରଖାନାରେ ହୋଇଥିବା ହିଂସାକାଣ୍ଡର ବୋଲି ଦାବି କରାଯାଉଛି । ବିଶ୍ୱାସ ନ୍ୟୁଜ୍ ର ଅନୁସନ୍ଧାନରେ ଏହି ଦାବି ମିଥ୍ୟା ପ୍ରମାଣିତ ହୋଇଛି । ହସ୍ପିଟାଲରେ ହିଂସା ଦେଖାଉଥିବା ଭାଇରାଲ୍ ଛବି ପୁରୁଣା ଏବଂ କୋଭିଡ୍ -19 ଟୀକାକରଣ ସହିତ ଏହାର କୌ ଣସି ସମ୍ପର୍କ ନାହିଁ ।
କ’ଣ ଭାଇରାଲ୍ ହେଉଛି
ଫେସବୁକରେ ସେୟାର କରାଯାଇଥିବା ଫଟୋଟିକୁ ବ୍ରେକିଙ୍ଗ୍ ନ୍ୟୁଜ୍ ରିପୋର୍ଟର ସ୍କ୍ରିନସଟ୍ ଭାବରେ ଦର୍ଶାଯାଇଛି। ଫୋଟୋର ଟେକ୍ସଟରେ ଲେଖାଥିଲା, “ପ୍ରଥମେ କୋଭିଡ୍ ଟୀକା ରୋଗୀମାନେ ପରସ୍ପରକୁ ଖାଇବା ଆରମ୍ଭ କରିଥିଲେ, ଡାକ୍ତରଖାନାରେ ଲକ୍ଡାଉନ୍।” ଏହି ପୋଷ୍ଟରେ ଦିଆଯାଇଥିବା କ୍ୟାପସନରେ ଲେଖା ଅଛି ଯେ 2021 ଅଧିକ ଭୟଙ୍କର ଦେଖାଯାଉଛି।
ଏହି ପୋଷ୍ଟର ଆର୍କାଇଭ୍ ସଂସ୍କରଣ ଏଠାରେ କ୍ଲିକ୍ କରି ଦେଖିପାରିବେ ।
ଯାଂଚ
ବିଶ୍ୱାସ ନ୍ୟୁଜ୍ ପ୍ରଥମେ ଭାଇରାଲ୍ ଫୋଟୋରେ ଗୁଗୁଲ୍ ରିଭର୍ସ ଇମେଜ୍ ସର୍ଚ୍ଚ ଟୁଲ୍ ବ୍ୟବହାର କରିଥିଲା। 14 ଫେବୃଆରୀ 2019 ରେ ନ୍ୟୁୟର୍କ ଟାଇମ୍ସରେ ପ୍ରକାଶିତ ଏକ ରିପୋର୍ଟରେ ଆମେ ଏହି ଫୋଟୋ ପାଇଲୁ ।
ଏହି ରିପୋର୍ଟର ଗୋଟିଏ ଅଂଶରେ କୁହାଯାଇଛି, ‘ଟେମ୍ପଲ୍ ୟୁନିଭରସିଟି ହସ୍ପିଟାଲ ଗତ ବର୍ଷ ଗୁଳିକାଣ୍ଡରେ ଆହତ 481 ରୋଗୀଙ୍କୁ ଚିକିତ୍ସା କରିଥିଲା ଏବଂ 97 ଜଣଙ୍କର ମୃତ୍ୟୁ ହୋଇଥିଲା । କେବଳ ଗୋଟିଏ ସହରର ଗୋଟିଏ ଡାକ୍ତରଖାନାରେ । ସମଗ୍ର ଦେଶ ବିଷୟରେ କହିବାକୁ ଗଲେ, 2017 ରେ ଗୁଳିକାଣ୍ଡ ଆମଠାରୁ ପ୍ରାୟ 40,000 ଜୀବନ ଛଡ଼ାଇ ନେଇଥିଲା । କ’ଣ ସବୁ ହୋଇଥିଲା ତାହା ଆପଣଙ୍କୁ ଜଣାଇବାକୁ ଏହି ଛବିଗୁଡ଼ିକ ଦିଆଯାଇଛି । ” ଏହି ଫୋଟୋ ସହିତ ଥିବା କ୍ୟାପସନରେ ଲେଖାଅଛି, ଉଦ୍ଧାର କାର୍ଯ୍ୟ ସଫଳ ହେବା ପରେ ଟେମ୍ପଲ୍ ୟୁନିଭରସିଟି ହସ୍ପିଟାଲର ଆପାତକାଳୀନ ବିଭାଗର ଟ୍ରମା ବିଭାଗ ।
ଫେବୃଆରୀ 2019 ରେ କୋଭିଡ୍ କିମ୍ବା କୋଭିଡ୍ ଟୀକା ବିଷୟରେ କୌଣସି ଆଲୋଚନା ହୋଇନଥିଲା, ଯେପରି ଏହି ଛବି ସହ କରାଯାଇଥିବା ଭାଇରାଲ ପୋଷ୍ଟରେ ଦାବି କରାଯାଇଛି।
ଆମେ ଏହି ଛବି ପ୍ରାଙ୍କ୍ ୱେବସାଇଟ୍ ରେ ମଧ୍ୟ ପାଇଲୁ, ଯେଉଁଥିରେ ଲେଖା ହୋଇଥିବା ଟେକ୍ସଟରେ କୋଭିଡ୍ ଟୀକାକରଣ ବିଷୟରେ କୁହାଯାଇଛି ।
ଆମେ ଇଣ୍ଟରନେଟରେ ଏହି ଭାଇରାଲ୍ ଦାବି ବିଷୟରେ ସର୍ଚ୍ଚ କରିଥିଲୁ, କିନ୍ତୁ ଏପରି କୌଣସି ଖବର ମିଳିଲା ନାହିଁ, ଯାହା ଏହି ଦାବି କୋଭିଡ୍ ଟୀକାକରଣ ସହିତ ଜଡ଼ିତ ବୋଲି ପ୍ରମାଣିତ କରିବ ।
ଏହି ଭାଇରାଲ ଦାବି ବିଷୟରେ ଆମେ ଆପୋଲୋ ହସ୍ପିଟାଲର ପୁଲମୋନୋଲୋଜିଷ୍ଟ ଡାକ୍ତର ନିଖିଲଙ୍କ ସହ ଯୋଗାଯୋଗ କରିଥିଲୁ। ସେ କହିଲେ, “ପୋଷ୍ଟରେ ଦାବି କରାଯାଉଥିବା ଭଳି କୋଭିଡ୍ ଟୀକା ଏପର୍ଯ୍ୟନ୍ତ ଏଭଳି କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଇ ନାହିଁ । ଭାଇରାଲ୍ ପୋଷ୍ଟଗୁଡ଼ିକ କୋଭିଡ୍ ଟୀକାକରଣ ସହିତ ଜଡ଼ିତ ଥିବା ପରି ଲାଗୁ ନାହିଁ। ‘
ଏହି ପୋଷ୍ଟକୁ ଷ୍ଟିଫଲର ମ୍ୟାକ୍-ହଣ୍ଟର୍ ଆଗାବାଓ ବାଲିସି ନାମକ ଜଣେ ୟୁଜର୍ ଫେସବୁକରେ ସେୟାର କରିଛନ୍ତି। ଆମେ ଏହି ୟୁଜର୍ଙ୍କର ପ୍ରୋଫାଇଲ୍ ସ୍କାନ୍ କଲୁ । ଫ୍ୟାକ୍ଟ ଚେକ୍ ହେବା ବେଳକୁ ଏହି ପ୍ରୋଫାଇଲ୍ର 434 ଜଣ ଫଲୋର୍ସ ଥିଲେ।
निष्कर्ष: ସିଦ୍ଧାନ୍ତ: ଡାକ୍ତରଖାନାରେ ହିଂସା ପ୍ରଦର୍ଶନ କରୁଥିବା ଏହି ଛବି ପୁରୁଣା ଏବଂ ଏହାର କୋଭିଡ୍ ଟୀକାକରଣ ସହିତ କୌଣସି ସମ୍ପର୍କ ନାହିଁ । ଭାଇରାଲ୍ ପୋଷ୍ଟ ନକଲି ଅଟେ ।
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923