Fact Check: पत्रकार श्वेता सिंग च्या नावाने बनलेल्या खोट्या ट्विटर अकाउंट वरून ट्विट व्हायरल

नवी दिल्ली (विश्वास न्यूज): पत्रकार श्वेता सिंग यांच्या नावाने केलेल्या ट्विटचा स्क्रीनशॉट सोशल मीडियावर व्हायरल होत आहे. ट्विटमध्ये श्वेता सिंहचा फोटो टाकण्यात आला असून बाबासाहेब आंबेडकरांबद्दल ट्विट करताना 1947 मध्ये आयपीएल सुरू झाली असती तर सहा खेळाडू दलित झाले असते असे लिहिले आहे.

श्‍वेमता सिंगचे ट्विट म्हणून यूजर्स हा स्क्रीनशॉट शेअर करत आहेत. विश्वास न्यूजने तपास केला तेव्हा आम्हाला आढळले की हे ट्विट श्वेता सिंग नावाच्या बनावट हँडलने केले आहे आणि आता हे हँडल देखील निलंबित करण्यात आले आहे.

काय होत आहे व्हायरल?

फेसबुक यूजर ने वायरल ट्वीट च्या स्क्रीनशॉट ला पोस्ट करून लिहले: ‘अच्छा हुआ जो IPL 2008 में शुरू हुआ 1947 होता तो बाबा साहेब लिख देते टीम में 6 खिलाडी दलित होंगे।’

ह्या स्क्रीनशॉट मध्ये एक रिप्लाय देखील आहे.
ह्या पोस्ट ला शेअर करून ‘ईंट का जवाब पत्थर’ असे लिहले आहे.

पोस्ट चा आर्काइव्ह व्हर्जन इथे बघा.

तपास:

व्हायरल ट्विटच्या वापरकर्त्याच्या नावात श्वेता सिंगचे नाव आणि तिचा प्रोफाइल पिक्चर आणि ट्विटर आयडी ‘@iSwetaSinghAT‘ आहे. आमचा तपास सुरू करण्यासाठी, आम्ही प्रथम ट्विटरवर हे प्रोफाइल शोधले. शोध घेतल्यानंतर आम्हाला हे हँडल निलंबित आढळले.

आमच्या शोधात, आम्हाला आढळले की श्वेता सिंगचे अधिकृत ट्विटर हँडल @SwetaSinghAT आहे आणि त्याला 3.7 दशलक्ष लोक फॉलो करतात. श्वेता सिंगने शेअर केलेल्या व्हायरल ट्विटसारखे कोणतेही ट्विट आम्हाला सापडले नाही.

पुष्टीकरणासाठी आम्ही श्वेता सिंगशी संपर्क साधला आणि तिच्यासोबत व्हायरल पोस्ट शेअर केली. त्यांनी पुष्टी केली की हे त्यांचे ट्विट नसून ते खोटे आहे.

फेक पोस्ट शेअर करणाऱ्या फेसबुक युजरच्या सोशल स्कॅनिंगमध्ये आम्हाला आढळले की, मोहम्मद शहाबुद्दीन हा बलिया येथील रहिवासी आहे. या प्रोफाइलवरून बहुतांश राजकीय पोस्ट शेअर केल्या जातात.

श्वेता सिंगच्या नावाच्या पेरोडी खात्याच्या आधीही ही बनावट पोस्ट व्हायरल झाली आहे, ज्याची सत्यता तपासणी विश्वास न्यूजने केली होती. येथे तथ्य तपासणी वाचा.