Fact Check: झारखंडमध्ये सोन्याने आणि चलनी नोटांनी भरलेला नाही पकडला ट्रक, व्हायरल फोटो एआय (AI)द्वारे बनवला गेला आहे
- By: Umam Noor
- Published: May 7, 2024 at 02:09 PM
नवी दिल्ली (विश्वास न्यूज). सोशल मीडियावर एक फोटो व्हायरल होत आहे, ज्यामध्ये गव्हाच्या ट्रकमधून सोने आणि चलनी नोटा बाहेर येताना दिसत आहेत. या फोटोमध्ये पोलीस आणि त्यांच्यासोबत काही लोक उभे असल्याचे दिसत आहे. आता हा फोटो शेअर करताना वापरकर्ते असा दावा करत आहेत की, निवडणुकी दरम्यान झारखंडच्या दारूमध्ये पोलिसांनी सोन्याने आणि नोटांनी भरलेला ट्रक जप्त केला आहे.
विश्वास न्यूजला तपासात असे आढळून आले की, व्हायरल झालेला फोटो खरा नसून तो आर्टिफिशियल इंटेलिजन्सच्या माध्यमातून तयार करण्यात आला आहे. याशिवाय झारखंड पोलिसांनी सोने आणि चलनी नोटांनी भरलेला एकही ट्रक पकडलेला नाही. व्हायरल झालेली पोस्ट पूर्णपणे बनावट आहे.
काय आहे व्हायरल पोस्टमध्ये?
व्हायरल पोस्ट शेअर करताना एका फेसबुक वापरकर्त्याने लिहिले आहे की, “हे बघा मित्रांनो, याला म्हणतात काळा पैसा, जेव्हा मोदीजी छापे मारतात, तेव्हा जाहिरातींना बेईमान आणि फसवणूक म्हणतात, जो राजनेता चोरी करेल तो जेलमध्ये जाईल, जो भ्रष्टाचार करून मालमत्ता कमावेल तो जेलमध्ये जाईल, हे बघा, गव्हाच्या ट्रकमधून नोटांचे ढीग निघत आहेत, इतकेच नव्हे तर कार्टन बॉक्समध्येही चलनी नोटा भरलेल्या आहेत, त्यामुळे बेईमान लोक ओरडतात आणि म्हणतात की, आम्ही तर भ्रष्टाचार केलाच नाही, झारखंड पोलिसांनी हे दारूमध्ये पकडले आहे.”
पोस्टची संग्रहित आवृत्ती येथे पहा.
तपास
आमचा तपास सुरू करून, सर्वप्रथम आम्ही व्हायरल झालेला फोटो काळजीपूर्वक पाहिला. फोटोला बघितल्या नंतर लगेच लक्षात येते की, तो नैसर्गिक दिसत नाही, तसेच ट्रकच्या नंबर प्लेटवर एकही नंबर बरोबर लिहिलेला नाही आणि चलनी नोटांचे बंडलही बनावट असल्याचे स्पष्टपणे दिसते.
प्राथमिक तपासात हा फोटो एआय असल्याचा संशय व्यक्त करण्यात आला. या आधारावर, आम्ही तपास पुढे नेला आणि एआयच्या मदतीने बनविलेल्या फोटोंची तपासणी करणाऱ्या साधनासह हा फोटो तपासला. हाईव्ह मॉडरेशननुसार, हा फोटो एआयपासून बनवल्याची शक्यता जवळपास 99.9% आहे.
आम्ही दुसऱ्या एआय, isitai.com वर देखील व्हायरल फोटो तपासला आणि येथे आढळलेल्या निकालांनुसार, हा फोटो 83.92% एआयपासून तयार केलेला आहे.
आतापर्यंत केलेल्या तपासावरून हे स्पष्ट झाले होते की, व्हायरल फोटो एआयपासून बनवलेला आहे. तथापि, तपास पुढे नेत असताना, आम्ही झारखंड पोलिसांनी असा कोणताही ट्रक पकडला आहे की नाही हे शोधण्याचा प्रयत्न केला. जेव्हा या बातम्यांचा शोध घेण्यात आला तेव्हा आम्हाला अशी कोणतीही बातमी सापडली नाही, जर अशी कोणतीही बातमी खरी असती, तर ती मथळ्यांमध्ये आली असती.
व्हायरल दाव्याची पुष्टी करण्यासाठी आम्ही दैनिक जागरणच्या रांची ब्युरोचे वरिष्ठ वार्ताहर दिलीप कुमार यांच्याशी संपर्क साधला. त्यांनी पुष्टी करताना सांगितले की, झारखंड पोलिसांनी असा कोणताही ट्रक पकडला नसून, ही बातमी पूर्णपणे बनावट आहे.
एआयशी संबंधित इतर फॅक्ट चेक रिपोर्ट, विश्वास न्यूजच्या एआय चेक विभागात तपशीलवार वाचता येतील.
बनावट पोस्ट शेअर करणाऱ्या एक्स हँडलच्या सोशल स्कॅनिंगमध्ये आम्हाला आढळले की, या वापरकर्त्याला 27 हजार लोक फॉलो करतात.
निष्कर्षः विश्वास न्यूजला त्यांच्या तपासणीत असे आढळले की, व्हायरल फोटो वास्तविक नाही आणि तो आर्टिफिशियल इंटेलिजन्सद्वारे तयार केला गेला आहे. याशिवाय झारखंड पोलिसांनी सोन्याने आणि चलनी नोटांनी भरलेला एकही ट्रक पकडला नाही. व्हायरल झालेली पोस्ट पूर्णपणे बनावट आहे.
- Claim Review: झारखंडच्या दारूमध्ये सोन्याने आणि चलनी नोटांनी भरलेला ट्रक पोलिसांनी जप्त केला आहे.
- Claimed By: FB वापरकर्ता- सुनील दुबे
- Fact Check: खोटा
- Claim Review : झारखंडच्या दारूमध्ये सोन्याने आणि चलनी नोटांनी भरलेला ट्रक पोलिसांनी जप्त केला आहे.
- Claimed By : FB वापरकर्ता- सुनील दुबे
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
